好耐都冇寫過日記喇~
係時候要交代1下近況~
上個禮拜咁啱發生咗D令我唔多開心嘅事……
話說我約大家返學校練歌，有人遲到我都算，
蕉蕉竟然同我講冇心機拉琴，返嚟攞完譜就走。
睇得出佢唔開心，但佢唔肯講咩事。
佢同我講到冇心機拉琴，連譜都唔想睇，仲講到唔出表演……
我真係好唔開心…… 因為仲有個幾禮拜就表演，
我哋1首歌都未練好，我好擔心……
加上近排我又唔多開心，我認唔住喊咗出嚟……
嗰陣係我比譜Simon嗰時。
Simon見我咁，已經安慰我。
之後我都平伏自己，因為仲要上堂。
我就同方包､阿蘇去搵張Sir問D嘢，就去上堂。
上上吓堂鄭智山同細榮去攞嘢，Novia走嚟問我做咩。
原來我對眼紅哂…… 我仲以為自己冇嘢o添……
我同Novia講少少已經認唔住喊，我哋出咗課室。
我喊得好勁…… 咁啱細榮同鄭智山返嚟，
鄭智山1見到我咁樣就驚訝咁問咩事，我話冇嘢就入咗課室。
佢喺門口問Novia，Novia將佢所知嘅嘢講咗比佢哋知。
鄭智山叫我出去抖抖先，咁我就去toilet洗臉。
入到去，我同Novia講得更多我就喊得更犀利……
不過最後我都可以平伏自己，入返去上堂。
放學嗰陣我冇咩事，同Marcus､1大班同學去食飯。
搭車返屋企嗰陣，我覺得麻煩咗某D人，所以send SMS比大家。
點知2日之後，放學撞到Jennifer，
佢同我講：「你嘅msg我收到喇~」
我好順口咁應咗佢之後我即刻問咩msg，
佢講多次，Tiffany撞1撞佢，佢知講錯嘢，就話我知佢記錯。
可惜我已經知咩事，佢兜唔返。
走嗰陣Novia問我：「你有send比佢咩？」
我話冇，肯定係鄭智山比佢睇。
嗰個SMS我只係send咗比Simon､Novia､細榮同鄭智山。
我當晚send咗SMS比鄭智山，話佢知我知道咗Jennifer睇過我嘅msg嘅事。
第2朝佢覆我個msg話因為佢以為我forward咗嗰個SMS比其他bell choir嘅人，
所以就resend我嘅msg比D bell choir members。
都唔知係咩理由﹗
之後我再send msg比佢話比佢知我覺得佢唔尊重我，
因為佢send我個msg出去之前冇問過我，又冇同我講；
做咗又唔同我講。
但佢同我講話咁做只係想其他團友有機會關心我，
如果我覺得咁樣係唔尊重我嘅話，佢道歉。
講到好似我唔啱咁，佢都係唔明佢做咗D咩令我覺得佢唔尊重我，
個道歉又冇誠意，呢啖氣我真係吞唔落﹗
我到而家都唔係咁想睬佢﹗
我唔提，佢真係可以當咩事都冇發生過咁。
上個禮拜2仲衰，我同Novia遲放，方包上嚟搵我，
同我講Marcus同阿蘇唔去食飯，順便睇吓我走得未「
我走得，咪大家搭lift落去囉~
點知佢走嚟：「你哋邊個係老師呀？」
D態度好差，我都好聲好氣咁同佢講D人走得7788，
唔會有人理；但佢都要我哋行樓梯。
我唔忿氣，行落1層搭囉~
後尾Novia同我講，話佢見到我哋行出嚟，佢就跟住出嚟，
佢係睇我哋係咪搭lift﹗
佢竟然「捕」我哋囉~ 好過份﹗
佢身為老師，縱容D學生喺課室食嘢，仲食埋1份，
知法犯法，邊有資格話我違規呀？
我同佢嘅關係係惡劣囉……
我知佢唔妥我，想針對我，
我諗都應該係SMS件事嘅關係。
不過點都好，我對鄭智山呢個人好失望……
除咗bell choir嘅公事，我唔打算同呢個人講嘢﹗ 寫住咁多先啦~ 下次再寫過~
| 
