好多人都會因為粗心大意而唔見電話（touch wood!），不過當你發現自己唔見電話嗰刻，可能會不知所措，但你應要保持冷靜，可以做以下嘅事項：1. 立即問人借電話打返去自己嘅電話號碼。 ＊如果遇到好心人執到，又聽你電話，多數都可以順利拎返； ＊如果打去係長響無人接聽，就好大機會係遺留咗喺某地方，而未俾其他人執到，可以先打返去你之前去過嘅地方，如餐廳或交通工具嘅熱線（請睇第2點）； ＊如果打去已經飛咗去留言，好大機會有人執到後熄咗你個電話，你應該去報案（請睇第3點）。
