福無重至，禍不單行

發生左咁多事，錯綜複雜，全因一個錢字，

由始至終，我地一直都講屋企唔可以講錢，講錢唔可以係屋企，

但妳一而再，再而三咁唔聽，堅持己見，

不停將屋企人拉落水，妳係唔係要將姓鍾既人全部拖哂落水妳先開心呀，

搞到呀爸呀媽為屋企人嘈幾次交，妳唔識反省之餘，仲要怪人置身事外，

唔幫妳係正常，一個係個妹，一個係個女，可以幫邊個，

同埋禍係妳闖既，唔係靠妳解決，邊個可以，唔好以為可以細路仔玩俾人蝦，返屋企喊就有人幫，

妳係女仔，唔明家族利益唔怪妳，但有必要為啖氣而嘈咩，

借左出去既錢，最壞打算係收唔返，如果妳著緊呢Ｄ錢既，當初就白紙黑字寫到明，

成日俾人鬧就覺得冤枉，打黎喊，其實妳好煩，一個連反省都唔識既人，

有咩資格打黎講自己點無辜，

大話已經聽夠啦，我唔想再咁心煩，

聽妳講埋Ｄ邊個唔岩，邊個有錯，妳自己係無辜，最受氣個個既野，

屋企而家咁多野煩，唔係仲要幫妳執爛攤子呀!?

話人多事，妳結婚既野搞到唔清唔楚咁，我地緊係問架啦，

對住我地呼呼喝喝，唔鐘意就黑面，賺個幾個臭錢好叻呀，

有本事自己就買間屋做姑婆屋啦，自我中心，唔識為人諗，野蠻，

邊個頂得順妳呀，我地唔係奉旨受妳氣架，俾個小小錢屋企就以為自己好大貢獻，

慳Ｄ啦妳，我而家夠有返工，無問屋企攞過錢架，唔該妳自己用下腦啦，

話我揀科唔夠現實，我想話MEDIC,放射,NURSING,邊個出到黎唔係工作穩定，人工福利好既，

成日話我空口說白話，我讀到自己想讀既野，又會搵到錢，唔似妳咁囉