2005 年 8 月 27 日  星期六

好傷心.. .. .

今日本來都幾開心架...同阿鋒同阿儀出左去mk買書~~ 之後我地就去左10店食野啦~~好好味呀~~見到令女~~哈哈~ 跟住食完野...我地就去左旺中行街街~~keke~~ 今日去返之前同阿玲去過既鋪頭....睇左好多之前睇過既野~~ 阿儀同阿鋒講d野好鬼好笑呀...哈哈...而且好大感觸..... 跟住夜晚返左秀茂坪....見左阿玲一陣....好開心....^^ 夜晚返屋企.....打左俾阿玲.....傾左一陣....好hurt~~ 佢話我成日以為自己講ｄ野岩晒咁....聽完真係好唔開心...... 我真係真係好辛苦.....我為左佢....連我最唔想做既野我都要做.... 但佢完全唔明白我做緊d野究竟係為左乜.....唉..... 之後.....差唔多12:00...我部提響起〝黑白照〞..... 佢打俾我....我聽左.....大家都好靜.....之後我出聲先.... 跟住佢就同我講左句對唔住.....個陣既心情.....唔知點..... 跟住佢話要收線.....但我阻止左佢....之後就同佢傾左個幾鐘..... 之後心情已經好返晒lu.....嘰嘰....真奇妙!

刊登時間︰2005-08-28 01:22 AM    [ 訪客留言(0) ] [ 編輯日誌 ] [ 分享至FACEBOOK ]

2005 年 8 月 26 日  星期五

APM\\*

今日阿鋒同左我去翠屏打波呀....嘰嘰~* 不過去到翠屏竟然一個人都無喎~~激死我地~! 之後無耐阿儀佢地打俾我...話過黎搵我地.... 之後佢地就係MK搭車返黎啦~~我地就去APM等佢地~ 跟住就去左APM行左一陣啦...好無聊.... 之後我仲係咁撩阿塋個家姐~~哈哈哈~~笑死** 行完APM我地就諗住返秀茂坪啦.... 咁我同阿鋒無錢嘛...咁咪想行路囉.... 但佢地又死都唔肯喎~~仲話要幫我地俾車錢.... 我地最驚就係洗女人錢架啦嘛....所以咪無應承囉~ 之後阿珩同阿儀就坐1A返秀茂坪.... 而我同阿鋒.....就跑返秀茂坪啦~~哈哈哈~~ 點知我地到左秀茂坪商場個陣....阿佢地兩丁友仲未到=.= 真係估唔到我同阿鋒行路仲快過搭車呀....哈哈哈~ 之後夜晚勁無聊喎....又去左飲酒~~跟住浩南個D仲係度撩女~~ 哈哈......不過真係幾搞笑.....嘻嘻~~ 今日成日都無見過阿玲.....唉...真係好掛住佢呀.... 今晚成個傻仔咁....同阿儀個D係公園坐..... 係咁望住秀賢個入口.....睇下會唔會有機會見到玲.... 點知...結果都係見唔到佢....唉....其實真係唔知自己而家想點.... 明明自己仲係好鍾意佢...好掛住佢..但就唔敢同佢講.... 而且....係佢面仲要扮到真係當佢只係FD...../.\ 聽日出MK買書啦我....唔知有冇機會同佢一齊出呢....

刊登時間︰2005-08-27 06:05 AM    [ 訪客留言(0) ] [ 編輯日誌 ] [ 分享至FACEBOOK ]

2005 年 8 月 25 日  星期四

>>排球**

今日我同阿珩佢地成班出左去打排球呀~~呵呵** 當然...阿玲佢都緊係有去啦~~~哇...卡卡~* 今日都幾無聊下架....因為d對手唔勁啦....所以....悶||/ 今日見到個幾個令女呀~~卡卡卡~~真係開心... 今日我同佢...都係好似以前咁囉.....又傻下傻下.... um....而家既自己都無乜野再話唔開心lu...... maybe好似我以前咁講....只要見到佢.....就會好開心.... 係囉....講真....大家而家都唔知想點....與其咁愁.... 咁就不如開開心心咁仲好啦.....最少大家都有得笑呀嘛~~ 今日成日....佢都帶住左我條鏈.....其實都真係幾開心架.... 或者....我同佢之前有d秘密會好d既....最少唔洗大家都咁赤裸~ 希望總有一日.....我可以學識左一個好既男朋友.... 亦希望到時.....佢可以俾我去彌補我之前既錯......

刊登時間︰2005-08-26 03:00 PM    [ 訪客留言(0) ] [ 編輯日誌 ] [ 分享至FACEBOOK ]

2005 年 8 月 24 日  星期三

__從前*

今日....我同佢又變返好似之前咁啦..... 我地又開開心心..低低能能咁係度打交....haha~ 或者〝戀愛〞呢兩個字暫時唔岩我地..... 反而我覺得開心同舒服同我地黎講先係最重要..... 其實....我已經唔知佢而家諗緊乜野..... 亦都唔想去知.....唔想去猜測...... 而家對於我黎講....可以好似以前咁就已經足夠...... 今晚我送左佢返屋企.....又係以前既感覺..... 放唔低佢...係一個事實....我亦都唔會特登咁去忘記..... 到我返屋企之後.....我就打電話同佢傾左一陣..... 之後佢問左我一個好好笑既問題...... 佢問完之後.....我都知係咩人屈我啦..... 不過唔緊要啦.....已經無咩所謂.....唔再在乎.... 我唔會在乎d低能仔做d乜....講d乜.... 我只係會在乎.....自己鍾意既人既感受..... 聽日要返學補maths.....不過我連係邊補都唔係好知.... 哈哈~~今日係icq識左個朋友仔呀~~^^ 同佢講野真係好好笑呀....卡卡卡~~**   　　　　　　　　　　　　　　　　　　　　　　　　　阿玲...好掛住你呀........***

刊登時間︰2005-08-25 09:08 AM    [ 訪客留言(0) ] [ 編輯日誌 ] [ 分享至FACEBOOK ]

2005 年 8 月 23 日  星期二

心痛**<<＜

今日我先知...原來阿玲同分手係仲有其他原因架... 阿珩今日同我講...阿玲覺得我講野個陣有時無理過理過佢感受.... 其實....或者真係我唔岩....或者我真係對佢好差啦.... 我今日見到佢....我知佢好唔開心....好煩惱.... 我知佢呢幾日一定係煩到病左呀....今日係咁咳.... 我好想行過去關心下佢....好想行過去問佢有無事.... 但係我無勇氣.....因為我唔知我要點面對佢.... 我只係係佢面前扮到好開心....扮到同阿珊玩得好開心.... 我知道只有咁樣做....佢先會覺得我無事...我亦唔想佢再擔心我.... 其實我有時真係覺得自己好無用....有時更加唔知我自己做緊乜..... 好多野我都好識得處理....甚至好識得去解決人地既感情問題.... 但偏偏對於自己既感情問題.....就處理得一塌塗地~~* 今日...我叫左阿鋒去同佢講左d野....叫佢同番佢條仔一齊.... 我唔知我咁做係岩定係錯....我亦都唔知自己應該做d乜啦~~ 我只係知....我唔想佢再係咁煩...再係咁唔開心..... 究竟我咁做係岩...定係錯...明知阿魚唔係好人.....但都叫玲同返佢一齊..... 不過我真係唔想見到玲再係咁唔開心....我好想見返以前傻下傻下既佢.... 有冇人可以教我....而家應該做d乜.....我而家真係好迷惘**

刊登時間︰2005-08-24 01:55 AM    [ 訪客留言(0) ] [ 編輯日誌 ] [ 分享至FACEBOOK ]