既然呢度由我搞起既我就講下野喇
期望有更多人分享下~~

兩年黎都不停咁搞班會活動
其實諗返起d活動都係好普通既
甚麼沙灘又去左幾次
bbq又去左幾次
海洋公園又有
其實我覺得d活動都唔係好好

有好多野我係兩年裡面發現到既
form4開頭既時候
好多人都淨係同自己既小圈子玩
3D既同3D 3B既同3B
其他既就比人忽略晒

有好多人我知道佢地都係比忽視既一群
講真我有時真係束手無策
不過又唔可以唔理佢地
所以我會選擇我自己去"接觸"佢地
呢2年入面我"不斷"既去了解一d人
開心係grad camp比我知佢地感受到我既關心

到左宜家我相信我地班唔會再有彼此之分
亦都唔係以前果d自私鬼自己顧自己
特別係岩岩呢次既BBQ
我吩咐人幫手買野霸爐既時候
無人話唔肯幫手
返到黎睇返唔同人既xanga回應
見到d人果種開心快樂
我都覺得好有成功感

最"感動"係睇到餅個xanga
http://www.xanga.com/hsyiuben
原來佢一直都唔太中2我地班
到左星期日
佢話佢終於融晒入我地班喇
仲有唔捨得tim
呢個就係我最想見到既現象!!!

包包話我"以輕鬆手法令班內同學融洽"
雖然我唔知我用左d咩手法
不過我的確好想見到班內同學係融洽既
唔知道呢一刻你有幾中2 5E班
唔知道你覺得我地班會唔會比其他班好
不過我可以同大家講
i am proud of 5E!

班會活動參加既人數唔代表d咩
特別其實係愈多人參加
我要bear既responsibility就愈大
縱使如此, 我依然樂意為大家服務
因為, 我享受既係背後果重成功感
你快樂, 所以我快樂!

時光轉眼流走
到左宜家班會活動淨低一兩個
希望大家可以把握呢兩次機會
好好接觸一d你唔熟既同學
將你果顆微小既心分比最多既人
那怕只係一個微笑一句早晨
其實都可以令其他人滿心歡喜~

三五知己 友誼永固  永不分離....
估唔估到下一句係咩?.....大家樂見!