今日去左機場接阿媽, 見到佢面色同上一次差唔多, 不過就黑左D, 同埋個樣累過上次少少, 又話今次會少行李.........結果, 都係一大堆=  ="

 

我就帶左一份母親節禮物, 卡同一封利是~~禮物係一隻錶, 好采, 媽媽都好鐘意, 不過一提起話係同哥哥夾份送既.....佢就話唔會多謝佢, 佢都走左咯, 話當係我一個人送架喎, 總之就好抗拒阿哥..........唉, 一講起呢樣就好唔開心, 呢個家本來就已經係唔完整, 而家就簡直係四分五裂........沒有溫暖可言...

 

返到屋企, 阿媽都無停過, 又行黎行去, 又執野咁......仲買左好多野返黎, 首先係空運新鮮既竹荀同露荀, 之後就係早上街市新鮮造的麵線, 一個大舅父送既大電飯煲, 仲有叫魔布既拖把, 同埋阿媽既新假髮~~個竹荀同露荀超新鮮又爽又甜, 我都未食過咁彈牙既麵線架@0@~阿媽帶左戈個真髮織既假髮好靚, 好後生, 都好耐無見過佢有頭髮既樣....無頭髮既樣都比較蒼老點.....不過見佢精精神神已經好放心, 但係得佢一個人係屋企....................雖然同佢相處好左好多, 佢都無以前咁計較....不過我始終唔會想同佢一齊住.....實在太大陰影....