今日起身仍然好累, 因為又睡不好, 都唔知點解訓親都好似睇戲咁.....不停為你播放........>0<~~人都顛.....

 

中午, 本來同阿媽, 黑柴, 阿陳國禧飲茶, 但係我見Sony豬起身, 就打俾佢, 一問之下, 原來佢屋企一個人都無, 佢燒到39度.....都無人理.....所以就話唔去飲茶, 直接去買野食同借車, 之後就直接去找佢, 但係都要佢出黎開門, 一見佢就訓係sofa, 又發冷, 但係又無咩汗咁....="= 好啦, 睇住佢訓啦, 到咁上下見佢醒醒地就問下佢肚唔肚餓, 口唔口渴呀, 要唔要敷毛巾咁.....我都好少照顧病人, 真係有d不知所措, 一路諗返6幾年前病阿媽係身邊既時候係點既囉........之後就打sms俾我同事話佢知我下午唔返.....到左兩點半後先幫佢電話掛號, 成四點幾先有得睇, 好啦, 又係望佢訓, 見佢真係訓著左, 呵呵~有少少鼻鼾聲~~^^, 佢又猛咁出汗咪幫佢抺下汗, 之後見無咩野我就係度打機, 打打下先記得未入咪錶...又拿拿聲走去入, 又上返去繼續打, 夠鐘就車隻病豬去睇醫生, 原來鏡鍸改左, 唔洗掉張紙去個窗口度先出個名, 一落去俾錢戈度就有名啦, 咁都唔錯, 鏡湖打針同醫生紙都平左既, 以前打針要40蚊, 醫生紙要30蚊架嘛, 打針唔記得左平10蚊定20蚊, 因為我都未係鏡湖打過, 醫生紙就好肯定平左10蚊~~真係好出奇架, 鏡湖d咁既食水深醫院, 點會平左架.....你話唔出奇就假啦......

 

6點度就去左明豐燈飾度幫阿哥揀左支燈, 嗯.....盞燈都唔錯既, 不過我想像又覺得好似同佢個廳有d唔襯.....個大細應該岩......希望唔好大得濟啦....因為...揀得有少趕架....^^!

揀完出黎.......@口@落好大雨呀...........諗住去提款啦.........天啊!!!!你咁玩我架!!!! 提款機：""很抱歉, 此機停止服務!".........上車都已經淋到濕哂, 加上諗住今日凍, 件冷衫咪厚dd囉......唉.....點知變左係度焗汗........出面又雨水, 入面又汗...shit!!  食飯戈時有d風, 個人覺得寒寒地......好似就冷親就冷親咁.....好危.......死期就到唔好病呀唔好病呀~~唔係死人都唔掂呀.....

 

食完飯既時候, 佢家姐看電視涮卡.....突然提起去他去日本....><~我不想想的事又湧出來了.....好像遲早都會發生.....但不是現在, 我不想影響我考試....其實已經避免不到, 在房裡, 我只是忍不住, 暗地裡又哭....眼淺.....眼淺...他應該不知道吧....其實不介意可否去日本, 只是一直介懷著那幾句說話.......後來我看到他很睏就說要走了......

 

10點幾差唔多11點走左去舊公司攞foam board.....攞到我手指都軟埋....又大塊又爛攞...................=  =+