每一日係屋企 等你番黎 出去食飯 之後番屋企..
日日既生活都係咁 因為你拒絕哂所有活動..
我唔開心既野有好多我既不安感都多左好多 比以前喊多左..
我成日亂諗野 成日訓唔著..
我好怕佢搵番你而你既答覆會話好..
我見到D相 又會諗 雖然你冇點用但係點解唔DEL ..
如果你係我 應該好易講出口話唔鐘意 唔想見到...
但係我唔同 我唔係你 我都想講 但我怕..
我怕好多野. 我怕你諗起佢會唔開心 我怕你撞番佢
我怕你未放低 怕你會因為佢而唔要我 
呢半年入面 我曾經諗過好多野令自己好不安
但係我控制唔到 因為我真係好驚有一日真係會發生..
你永遠唔知我既不安感有幾重 ..
好想話比你知表達你知 但係你性格我好清楚..
係人地眼中或者覺得好小事 我又會企番係你角度諗..
可能你完全冇諗過呢D野 係我自己自尋煩惱.
又或者你不嬲都係咁樣 .. 我唔知 永遠都冇答案
係我自己拎黎煩 亂諗野 唔開心  ..
我冇地方發洩 因為冇人會明白我 所以打係到：）
 

 一轉眼就20歲 亦都冇諗過會上番QOOZA ..

人長大之後 識既野多左好多 唔似以前笑下玩下就過去,

朋友走得既走 剩低既唔多 難過既時候 未必可以乜都同人分享,

定應該係話 搵唔到對象分享?

以前細個覺得打QOOZA係為蒲下頭比人望下,幾短都打兩句無聊又打..

宜家竟然覺得係一個好好既發洩地方 ..

因為冇人會再留意冇人再睇 可能咁樣 我先有勇氣將唔開心既野打哂係到 ..

今年20歲.轉眼間已經大個女 .. 細個想快D大個 但係長大之後反而想番去細個HAHA

體會 學識 懂得 珍惜 高低起伏 等等等等.....

人生唔會停止學習 你永遠唔下一秒有乜野等住你,

唔知有冇人同我一樣極度缺乏安全感..

我係個種神經質到極點 一樣好細微既野可以將佢放大幾千幾萬倍咁大件事

可能呢一秒係諗緊呢樣野 下一秒見到另一樣野 就算完全冇關連

係自己個腦入面都可以完全地將佢連接..

然後腦裡面就出現好多未發生或者唔會發生但係好唔開心既事。

有男朋友都一樣係咁..

都可以話大部分缺乏安全感既感覺都係因為佢啦.....HA

琴晚突然孤獨感好重 好寂寞 好自然又亂諗野..

一路諗唔停 阻止唔到自己個腦轉 結果又崩潰..

我清楚自己好難對一個人坦白咁講我自己唔開心

可能因為我依賴佢 信佢 愛佢 我可以試住去同佢講

或者當下我自己想要既答覆唔係一句無關係既說話

而佢又好正常咁講左出口 好正常又令到自己唔開心

雖然佢冇講錯 我都清楚佢性格 所以我冇怪佢

但自己一路唔開心又亂諗 怕嘈到人 所以走左出房喊

之後就接二連三出現好多唔應該出現既想法

其實我清楚我所有不安感係源自於佢身上..

佢既紋身 行為 態度 思想 動作..

好多時候明知佢份人係咁 性格係咁..

但就係阻止唔到自己亂諗野 可能係人地眼中係幾咁微不足道..

但由我既出發回去睇 就偏離哂..

好多心入面既說話 就算連呢一刻 對住電腦打字

打緊一篇未必有人睇到未必有人知道既日記都完全冇勇氣。。哈

我真係覺得自己就黎痴痴地 明知自己唔開心 係人地面前要扮冇事 

又想人地安慰我 但又講唔出口 矛盾到極, 

想傾訴既時候..又覺得人地代入唔到我既角色 淨係識講門面說話..

叫人唔好唔開心個個識 但係真係感受人地既痛 係冇可能做得到

因為每個人唔一樣 講多小小長氣小小就會嫌你煩 冇心機去聽去開解你.

明明呢一點自己好清楚.. 可能 好簡單想人地重視下我..理下我..覺得呢個世界仲有人記得我就夠掛..

唉 真係好負面 比番以前天真既我好嘛 ..

終於挽得番電腦;).
冇得挽個幾日又冇出街又冇得挽.
悶到發m0.

電腦堂:D`