好耐冇UPDATE啦！！本小姐又回歸QOOZA呢 -_-"

20/9/2009---值得紀念既一日∼∼

KELLY生日大大大快樂＾＠＾

今日過得好開心，唔好誤會今日係我既牛一啵，距離本小姐18歲既大日子仲有幾個月呀ＸＤＤ！

哈哈！！＝）今日同姑姐食野聚舊！由於我同佢有十幾年冇見，我對佢既印象唔算太深刻＿但係我諗極唔明點解佢去左日本做野咁耐仲會認到我囉？？？十幾年冇見，佢不但冇捱到殘晒，仲變靚左添！日本既護膚／化妝品真係好厲害呀！！

其實我約佢出葵芳食野係另有目的咖！嘻嘻＾＿＾

想知我為乜要出到冇雷公咁遠好食野，哇咔咔．．．就係因為佢－－－＞英俊瀟灑，風流倜儻，玉樹既林峯－林公子！我收到風，話林峯會係新都會廣場舉行峯．情無限LET'S GET WET DVD簽唱會，我地好早去到，拿拿臨食完野就去搵定個好位準備睇靚仔！等左成個鐘，企到腳都軟埋啦，林峯終於係大約兩點三左右到達！！同司儀傾左一陣之後，就為我地一班粉絲獻唱左兩首飲歌－－－分別係，如果時間來到仲有換個方式愛你．．．．聽佢唱LIVE果種感覺簡直一流呀！

有一個令全場FANS都歡呼既環節＿阿峯親自餵3個女fans食月餅呢．．．．．真係好令人羨慕吖！！

兩個鐘之後，峯峯終於簽完名啦（長長既人龍）！！我同姑姐諗住要走架啦，佢靈機一觸，話靚仔仲未走，不如去同佢作一個近距離接觸啦．．．．誰不知，一大堆粉絲已經圍住係台既左邊，等佢出黎！林峯真係好幸福，公司錫晒佢，d fans又對佢咁好！！jealous~~

ANYWAY

祝峯峯事業更上一層樓，愈來愈多FANS支持！！＾＠＾

放暑假啦！正∼

近排沉醉係林峯，吳卓羲，陳鍵鋒同馬國明所演既少年四大名捕，林峯扮演既無情真係好正呢＞＿＜

無情呢個角色雖然雙腳殘廢，但係機智過人，擅於作理性分析，經常屢破奇案，可惜一向自視過高既無情，卻三番四次作出錯誤決定，戀上一個唔應該愛的女子－桑芷妍，呢個女子表面上係醫師，實質上係一個間諜，係奸臣蔡京既心腹！－－＞因為受套電視劇既影響，令我對無情既身世感到十分好奇，所以去圖書館借左溫瑞安先生既作品－－四大名捕！不過小說版同林峯版既無情都有一定既差異，真係慘．．．．無線永遠都＿＿＿唉（冇話可說）

－－＞有興趣既自己去圖書館借黎睇啦ｘｄｄ

放左個幾星期假，發現自己愈黎愈懶，功課都只係做左少少呢，陰公！！仲有補課添，ｄ老師係咪變態架，有假唔放係都要捉我地返黎補課！

SUMMER ASSIGNMENT LIST：

中文：暑期作業一大本

英文：COMPLETE EXAM PRACTISE SET 1-2 PAPER 1   

PERFORMANCE PLUS MOCK EXAM 5-8

SBA*2(NON-PRINT FICTION)

數學：EXPLORING MATH 5B指定既EXERCISES

ECON：WB 4B MOCK EXAM PAPER 1

PAST PAPER

HIST：DBQ一大堆

WB 2 P.36-52

SBA REPORT(HISTORICAL FIGURE)

GEOG：唔記得啦

真係攞命呀！！Ｄ老師比咁多功課，仲要溫書．．個暑假仲使要既！！！唉，只嘆本小姐有心無力，只好努力．．．．趕工啦＾＠＾大家比心機，加油＞＃＜

終於都派左MATH卷啦，都預左冇好下場架啦．．．．．不過有樣野令我好驚訝，就係－－－竟然有人係卷一食零蛋，有冇可能呀，點攞０分架！∼囧

今日歌唱比賽，Ｄ參賽者水準都唔錯，雪雪唱天下無雙，好厲害呀，我自問冇能力唱到，因為首歌好高音，不過我諗出年考完會考”應該”會參加！ＸＤＤ

好快放暑假，但係好Ｑ多功課呀，Ｄ老師係咪變態架．．．．．．囧

D-E-P-R-E-S-S-E-D

我今日終於感受到何謂滑鐵盧啦！！琴日同今日既心情係天與地既差別，琴晚同三五知己玩得好開心，今日就．．．．．唉，本小姐今日既MOOD只好用一個字去DESCRIBE：１００％頹，無晒心機啦，禮拜一派ＭＡＴＨ，之後影校服相，你叫我點笑得出呢，我”好期待”輯相究竟會影成點囉！！！

今日ｒｅｓｕｌｔ：最好既英文，各份ｐａｐｅｒ都冇８字頭！∼ｘｄｄ　　　

ｇｅｏｇ？我好比心機溫架啦，點解都仲係咁既分數架，it's totally unfair　＝〕

中文．．．．份份都差１分合格呀（除左ｒｅａｄｉｎｇ）！

唔打啦，冇ｍｏｏｄ！

18-6-2009

WHAT AN AMAZING NIGHT!? -->辛苦考完HIST之後有好節目，就係去紅館睇林峯演唱會，真係超級正吖＞＜

阿峯把聲好迷人，佢Ｄ歌真係好聽架＾＠＾－－－－個ＰＡＲＴＹ由頭到尾都咁ＨＩＧＨ，不但高潮迭起，嘉賓陣容仲好勁添，有千嬅，泳兒，阿ＳＡ，農夫，ＬＡＵＧＨＩＮＧ哥．．．．＞Ｏ＜

最遺憾既就係影唔到佢相（因為距離既問題），同埋佢環繞舞台果時，係我地呢邊只係逗留左好短時間咋，可惜可惜ＸＤＤ

ＡＮＹＷＡＹ．．．．．我愛林峯，永遠支持你∼∼

聽日考Math啦！囧∼∼好驚又唔合格．．．．．再肥佬好大鑊架！！岩岩搵到個2010 HKCE時間表！！密密麻麻咁，真攞命＾＠＾Ｄ數好鬼難呀＞Ｖ＜”我就快暈啦！

哈哈，買左新手機啦，雖然都係原本果部，但係轉左顏色（因為冇紫色呀．．．．囧囧∼∼）－－＞算啦，白色都幾靚呀，好過冇吖！！

２０１０　ＨＫＣＥＥ　ＣＯＵＮＴＩＮＧ　ＤＯＷＮ∼＾＠＾

喎．．．．．愈黎愈近啦，好驚！Ｔ＿Ｔ

各位末代會考生，比心機呀，費事第日後悔莫及！

何禮匡生日快樂！！

琴晚去板長壽司度食，等左成２粒鐘先有得食囉．．．．＞＜”（無奈）

－－＞不過真係幾好味呀．．．．我地３個人食左＄４８０，都ｏｋ抵呀！！

大考臨近．．．愈黎愈緊張，驚考得唔好＞３＜

anyway，努力咪書一定冇蝕底！！＾＠＾

講開先兩日果個CAMP，真係好開心，好正．．．我地組可以由唔識直到互相夾餸，非常之咁團結，多謝兩位組長－－ANGEL&周德智,當然唔可以冇左導師－－呀肥，呢幾日D TEAM-BUILDING遊戲真正體驗到合作既重要性！！！兩個濕身遊戲，真係好好玩！＾＾

造就營第二晚既敬拜讚美會係令我最感動架，尢其聽呢首歌果陣時，敬拜隊唱頭幾句既時候，我FEEL到眼淚好似洪水缺堤一樣不停咁流，呢次係我咁大個女以來第三次係敬拜讚美會度喊囉，但係首歌既歌詞好配合我既心情，自爸媽開始冷戰，困倦煩惱不斷纏擾住我，而我亦好耐冇好好咁喊過，所以先喊到收唔到聲！鼓勵大家，如果有咩唔開心，咪鬱鬱埋埋，記得要祈禱＞ｍ＜

希望大家都鍾意呢首歌啦！＞Ｍ＜

落雨．．．．真係好悶＞＜

頭先上去THOMAS個BLOG，睇到佢寫既野！！忽然諗起當年為測驗，考試奮鬥的辛酸史＾＾加油呀，咪比自己咁大壓力，盡力做到最好，問心無愧就OK架啦！我為大家祈禱－３－

過兩日就係一年一度既造就營啦，好期待．．．．今年對神既立志：日日讀一章經文！！！唔知係呢個三日兩夜既營會裡面會有咩得著呢？？？

5-4-2009－－＞呢日我過得好開心，同三五知己一齊打邊爐，食糖水，其實呢次飯聚唔單止聯誼，仲有其他目的架．．．．嘻嘻＠＠衷心多謝你地係我既生命畫冊上添上色彩！！