因為我一直係度打機,所以由暑假一直到而家都冇寫blog,萬分抱歉。

   今日科學堂做實驗果陣,要點蠟燭,所以要擦火柴。點知擦擦下覺得幾好玩,所以擦左大約十支火柴。

   之後一直等到放學就要抽果個3 on 3籃球比賽,睇下要同邊個打。等到差唔多四點,結果出黎啦!!!結果係要同Form 5打...之後就要開班會,我坐係側邊一路聽一路等人。

   等到五點,終於開完啦!!!之後我地成班友仔一齊去飛的去籃球場,去打波lu!

   之後打到差唔多六點半果陣,果個洪靜雯話要返屋企,但係又唔識返,要我同埋陳逸昇送佢返去。佢問我城市花園近唔近,我竟然答左近!?之後就陪佢一直由百福道籃球場行到去城市花園。

   送到佢屋企樓下已經差唔多七點,之後因為d書包仲係籃球場,所以要跑返去,用左差唔多十分鐘就到,但係已經冇力啦。

   之後整到差唔多八點先返到屋企,搞到被牙媽鬧。

  p.s.由於開左學之後要溫書,所以有時候會唔寫。不便之處,敬請原諒。