金日有工返啦！正牙，返１０：００ａｍ－３：３０ｐｍ啦！呼，好內冇返過工啦！返冇一陣就好累啦，唔唔！正野，咁內冇返都有成２７蚊！哈哈，正過！睇黎我ｄ貼士運都ｏｋ！哈哈，放工之後就返屋企休息下！唔唔，聽日約返ｄ同學去打邊爐！正，哈哈！心情高漲！

忘記過去，為明天奮鬥的第１５５天

唉，金日冇出過街！好鬼死悶！琴晚試過打電話上電台啦！記低我ｄ資料啦！話得既話就打比我！咁我諗都冇咩可能打返比我啦！果然，聽完之後就訓啦！訓到金朝１２點半起身！唉，阿灰冇打比我叫我去打機啦！成日留係屋企到！最好既就係聽日有工返！返１０：００ａｍ－３：００ｐｍ啦！哈，終於唔洗悶啦！好期待聽日！

忘記過去，為明天奮鬥的第１５４天

嘩，金日唔洗返學啦！咁就訓到１點半起身啦！之後就約左阿灰去佢屋企打機啦！咁我食完午餐，之後就飛去啦！咁就２點打到７點啦！之後就返屋企食飯啦！咁又過左１日啦！小積，妳做發生咩事？搞到自己咁灰！

忘記過去，為明天奮鬥的第１５３天

金日就係最後１日既補考啦，唉！阿佳，就係同我１齊考既！點知，佢係咁講錯野！搞到磨左好多時間，都唔知合唔合格！算啦，都考左啦！唔理啦！仲有２科要考！電學同力學，考理佢就正啦！放大假！ｈｏｈｏｈｏ

忘記過去，為明天奮鬥的第１５２天

金日就考聆聽啦！頂佢個肺，難到媽媽聲！有３ｐａｒｔ，頭果２ｐａｒｔ都ｏｋ易！嘩，第３ｐａｒｔ難到唔識做，補考咁難做咩野？想ｄ人唔合格咩！之後就去食ｌｕｎｃｈ啦，食完就上去磨鏡堂啦！哈哈，１堂就磨好左２塊３錂鏡啦！咁我就自己拎左塊走啦，哈哈！成塊鑽石咁，閃閃令！正，之後就落左餐廳到溫書啦！聽日就考ｓｐｅａｋｉｎｇ１同３！加油，努力！過埋６月６就甩難啦！

忘記過去，為明天奮鬥的第１５１天

哈，琴晚溫ｗｒｉｔｉｎｇ２溫到成點鐘！我諗都合格到既！之後就訓下啦！到８點鐘起身食早餐！出門口啦！唔唔，之後就啦啦聲就返學啦！唔唔，睇黎份卷都ｏｋ既！２份都識識地！之後考完２份卷就同阿灰殺上豬仔屋企到打ｍｐｈ２Ｇ啦！打左陣，熊仔都黎埋啦！哈哈，打到咁上下到！冇啦啦英英又上左黎！做咩呢？算啦，佢有佢做，我地自己打機！之後就豬仔整熱ｄ糉比我地食！唔唔，睇得又食得！正，之後就返屋企囉！好開心，成日都有野做！嗯，唔經唔覺就５個月啦！５個月之前同宜家既我．．．都咁上下，只係個心態同都有努力既！總之，一定要努力啦！奸爸爹！

忘記過去，為明天奮鬥的第１５０天

呼，琴晚飲大左！金朝起身頭痛＞＜抵死啦！唔飲得就唔好學人飲啦！咁金日就補考ｒｅａｄｉｎｄ同ｗｒｉｔｉｎｇ１啦！唉，又冇咩信心咁！死啦，點算好？唔埋啦，之後放左學就約左熊仔上豬仔屋企打ｍｐｈ２Ｇ啦！咁就２點打到７點！就走果時就見到豬仔個阿媽包緊糉啦！嘩，好多料牙！佢叫我聽日上黎食！咁我聽日又上黎打機！正，有好野食！聽日考ｒｅａｄｉｎｄ同ｗｒｉｔｉｎｇ２啦！加油！

忘記過去，為明天奮鬥的第１４９天

唉，金日就訓到３點鐘啦！＞＜冇人得閒去打機！只係係屋企到悶！由３點鐘到７點都係打電腦！悶到就快抽筋牙，好彩，ｒｉｃｋｙ仔係４點幾果時打比我，問我出唔出黎打波？我緊係得啦，都冇野做！之後就同啤仔同ｒｉｃｋｙ一齊出去打波啦！之後就同啤仔買左罐啤酒飲啦！唉，真係冇鬼用！打下波就酒精上腦，搞到嘔左２劑！唉，真係冇鬼用！唔知係唔係呢排唔開心呢？算啦．．．

忘記過去，為明天奮鬥的第１４８天

金日本來係約左小積同埋佢表姐瑪姬一齊出去唱ｋ既，點知．．．＞＜小積話就快要考試，佢阿媽話唔比！咁都好既，考試緊要ｄ！唔好搞到升唔到啦！咁我就訓到１點鐘到啦！約左豬仔，熊仔同阿灰殺上豬仔屋企打ｍｐｈ２Ｇ啦！哈哈，由２點打到８點！嘩，正爆！好好玩牙！之後就返屋企食飯啦！之後就睇少林足球啦，哈哈哈，好內冇睇，宜家睇返真係笑到甩肺牙！之後等多陣睇火影忍者啦！哈哈，哩ｄ就係我一直追求既充實啦！希望日日都可以ｋｅｅｐ住啦！奸爸爹！

忘記過去，為明天奮鬥的第１４７天

金日就要上英文堂既！咁我就要搞ｄ學生資助既野！咁就頭果個鐘就冇去上啦！頂，返到去．．．有冇搞錯，圖書館咁多人用緊電腦架！等左成１０ｍｉｎ先到我用！好心學校就整多幾部電腦啦！之後１次搞點左，交得啦！哈哈，之後就走返去上堂啦！唉．．．７科要補考，好痛苦牙！就快要死啦！之後就同醬爆落去食飯打機啦！之後就搵阿ｓｉｒ拎返ｄ筆記啦！然後就走人返屋企！悶．．．

忘記過去，為明天奮鬥的第１４５天

唉，金日就上電學用埋英文堂！金日就講埋幾時要補考啦！唉，做心情勁灰！冇咩野講．．．

忘記過去，為明天奮鬥的第１４４天

唉，金日就上電腦堂同埋講返英文考左８科既成績啦！頭果４個鐘都幾開心既！之後就慘，睇返自己既成績！７個１Ａ，得１個２Ｃ！唉，８科得１科合格！點算，死啦，遲下補考就勁辛苦啦！

忘記過去，為明天奮鬥的第１４３天

嘩，估唔到金日我老豆同老母又走去沙灘到摸蜆啦！都唔知為咩野？之後又拎去賣，ｏ左！加加埋埋有成三，四百！嚇親我！唉，呢排成日同屋企人嘈！搞到個人都唔係咁開心！唉，算啦！睇化晒！

忘記過去，為明天奮鬥的第１４２天

金日就好累啦！琴日就玩得夜啦！金日就訓到１２點先起身啦！之後阿灰就打個電話比我，問我去唔去佢屋企到打機啦！咁我就食埋飯就去佢屋企啦！之後就去阿灰屋企打ｍｈｐ２Ｇ啦！打到７點鐘之後就返屋企食晚飯啦！話，估唔到我老豆同老母去沙灘到摸蜆啦！估唔到佢地摸到咁多蜆！之後佢地就叫我聽日一齊去，話要我辛苦下！佢都癲既！之後我老母話我暑假返工ｄ錢要比佢管，返學先比返我！咁我就同佢嘈囉！嘈左一陣就諗一首歌〔一人少句〕！咁就唔同佢嘈，好唔開心！

忘記過去，為明天奮鬥的第１４１天

哈哈，金日好開心牙！金日本來就上英文同力學堂既！不過，星期四果日既英文堂我冇上啦！唔知金日既英文堂唔洗上啦！咁我同阿爺就傻下傻下咁返左去＞＜返到去就見到丁一盛啦！咁我地落去學校既餐廳到鋤大Ｄ啦！哈哈，原來謝其鋒都返左黎！咁就４條友由８：３０ａｍ－１０：３０就係咁鋤啦！哈哈，好開心牙！之後就去上埋力學堂啦！頂，個死人阿ｓｉｒ講埋ｄ廢野！聽左都唔知有咩用？咁放學之後就陪阿爺一齊去北江買扭計骰啦！哈哈，又撞到熟人啦！阿南同北仔係到行街，之後買完之後就各己散水啦！之後諗住去新華到食個ｌｕｎｃｈ啦！ｈｏｈｏ，估唔到會又撞到阿南同北仔係到食野啦！咁就一齊食啦！唔唔，好開心牙！之後就食完散人啦！咁我就諗住返屋企啦，估唔到正浩打個電機比我，問我係邊？話問我打唔打ｍｈｐ２Ｇ啦？咁我又嵇閒，咁就同佢癩下啦！哈哈，咁就同正浩係Ｍ記到打啦！之後就打到冇晒電啦！果時就係４：３０到！咁送正浩返屋企之後就返屋企啦！哈哈哈，之後６：３０就約左人出去ＢＢＱ啦！咁就有我，我細佬，邦邦，爛拖，勁爆，浩男，蘇Ｃ同侏儒！哈哈，我地就搭車去咖啡灣到燒野食啦！唉，都唔知咩事？搭車果時個人好唔舒服，想！唔知係唔係好內冇搭個巴士既關係定係個司機手車唔好呢？之後燒到咁上下就玩水彈啦！哈哈，咁多個人玩，得我同浩男冇咩點濕！其他人就咁之後就搭車返天水圍啦！咁我同我細佬加埋浩男一齊去銀座打機啦！爛拖，勁爆，蘇Ｃ同侏儒就話去公園到玩千秋！嘩，夜晚１１點幾就１２點先去玩，唔怕撞到ｄ野咩？咁我地３個人就打左２個鐘打啦！１：３０到去人！之後就送埋浩男搭私士返屋企啦！返到屋企差唔多２點！唉，玩左成日，好鬼累耶！真係好得充實既１日！希望日日都咁啦！

忘記過去，為明天奮鬥的第１４０天

金日本身就上英文堂既！之後阿爺又話唔上！咁我就算啦，唔上囉！之後就訓到１點啦！食完飯就約正浩去佢屋企到打ｍｐｈ２Ｇ啦！哈哈，咁又過左１日啦！真開心，聽日就約人去ＢＢＱ！正

忘記過去，為明天奮鬥的第１３９天

金日就上中文堂加磨鏡堂啦！唉，中文金日要考普通話既演講牙！唉，出到去好驚牙！搞到咩都唔記得，算啦！講完就算啦！之後問返個ｍｉｓｓ啦！ｈｏｈｏ合格牙＞＜努力果然係冇白費！之後剩個３個鐘就係學校個餐廳到鋤大Ｄ＋打ｍｐｈ２Ｇ啦！哈哈，之後就去上磨鏡啦！＞＜唔制牙，塊３錂鏡大部份都拋左光，仲有ｄ地方拋唔到！唉，又要磨多次！算啦！努力啦！放學之後就去正浩個屋企到打機啦！哈哈，咁又１日啦！而且戒煙都幾成功！奸爸爹！

忘記過去，為明天奮鬥的第１３８天

哈哈，金日終於返學啦！唔洗悶啦！好認同阿欣講既野！唔知點解星期六同日ｄ時間好似過得特別慢咁樣！金日就上電學同埋英文啦！英文堂．．．唉，個阿ｓｉｒ放飛機！又話返學練說話！頂，咁悶悶地就搵人鋤大Ｄ啦！哈哈，咁又過左１日啦！

忘記過去，為明天奮鬥的第１３７天

金日就佛誔啦！唔洗返學，咁金日全日都留係屋企到打檮打檮在打機啦！唉，真係好鬼悶牙！

忘記過去，為明天奮鬥的第１３６天

琴晚就睇完火影忍者啦！好累，金日就訓到１點啦！唉，又冇野做！好想有人搵我出街牙＞＜冇野做，成日係屋企到！食完晚飯之後就同我細佬落街打波啦！唔唔，金日開始我要戒煙！我唔想咁快死＞＜！加油！

忘記過去，為明天奮鬥的第１３５天

哈哈，金日好開心！金日就訓到１１點到啦，之後就同阿灰去個ｆｄ屋企打ｍｇｈ２Ｇ啦！哈哈，打下打下打左成５個鐘啦！哈哈，呢ｄ咁既日子都幾充實！希望每１日都有ｄ野比我搞啦！唔洗咁悶！

忘記過去，為明天奮鬥的第１３４天

嘩嘩嘩，金日勁鬼曬牙！係金年最熱既１日，有成３１度！金日就上力學１堂啦！頂，個阿ｓｉｒ係到講廢話！頂佢唔順！放學之後就去阿灰屋企打機啦！＾＾，時間過得真係快牙！

忘記過去，為明天奮鬥的第１３３天

金日本來就上英文堂既！不過阿爺又唔返，咁我就唔返啦！訓到１２點幾就起身去名灰屋企打機啦！終於搵到ｄ野做，消磨下ｄ時間！

忘記過去，為明天奮鬥的第１３２天

金日就上中文同埋磨鏡堂！哈哈，金日磨鏡終於將塊３錂鏡拋到光啦！閃令令牙！正牙

忘記過去，為明天奮鬥的第１３１天

金日本來就上電學堂既！咁我就走堂啦！同阿灰同熊仔一齊去睇鐵甲奇俠啦！哈哈，好正牙！勁好睇！

主要係講主角係個天才，係一個軍火商！有次，主角去左阿富汗啦，教授佢製造既飛彈係點用！之後坐車返去基地時就比人襲擊啦！就比人捉左去１個好偏僻既山區到！迫佢製造飛彈，主角見到有好多係佢公司出品既武器啦！咁之後主角就諗左１個逃生既方法！就係整個戰甲出黎！第１套就好粗糙，用人手製既！嘩嘩嘩，好勁牙！刀槍不入，不敗之身！之後主角就飛走啦！結果就跌左落一個沙漠到！行左唔知幾內就比美軍發現啦，咁就成功左啦！之後佢明白到，製造軍火會令到世界大亂！咁佢就決定將生產轉型，不過就失敗左啦！之後主角就自己１個係屋企重新改造個戰甲啦！第２套係用鈦合金做既金色既！之後主角就講左ｄ好好笑既野！我本身就唔鍾意出位既，比較低調！叫部電腦將個戰甲由金色變到紅色！＝．＝咁咪仲出位！之後第３套就係勁輕，勁硬，勁型！之後佢就去毀滅返ｄ恐怖份子既軍火廠啦！原來ｄ恐怖份子同主角既合伙人有關係！係個合伙人叫ｄ恐怖份子去捉左佢，然後就將佢殺死！咁ｄ恐怖份子將主角之前第１套既殘骸收集，重新組合！然後賣比個合伙人！之後個合伙人就依主角既第１套製做１套出黎！之後主角毀滅完ｄ恐怖份子既軍火廠後，就叫佢助手去總公司部電腦到，拎ｄ有關軍火出售既資料啦！冇意中就發現個合伙人同ｄ恐怖份子有關係，係合伙人出售ｄ軍火比ｄ恐怖份子同埋要謀殺主角！咁之後個助手就搵ｄ特務，決定要將個合伙人乘之於法！個合伙人知道自己要比人捉就著左件戰甲啦！個主角就知道個助手有危險就著埋戰甲去救佢！之後就係到打過！結果主角唔夠打，靠個銫反應堆殺死個合伙人！咁樣，之後新聞就出左個稱號比個著紅色戰甲既人！就係叫〔鐵甲奇俠〕，之後係個記者會到，主角就記左自己係鐵甲奇俠啦！係差唔多完果時，就出現左條粉友同主角講要同主角合作！咁就完左啦，應該會有２既！哈哈，好好睇勁，套戰甲好鬼型牙＞＜好鍾意牙＞３＜！開心高漲．．．

忘記過去，為明天奮鬥的第１３０天

唉，有得返學啦！好開心，唔知點解，我之前有返工就好唔鍾意返學！宜家冇工返之後就唔知點解就好想返學？算啦，有ｄ記托好ｄ既！金日就上電腦堂啦！好開心，係到勁打機啦！打左成４個鐘！心情就好返ｄ啦！

忘記過去，為明天奮鬥的第１２９天

唉，好慘牙！宜家好似落左地獄咁！又冇得出街，又冇野做，又冇錢，又冇人約！唉，日子好難過！點算．．．．．．

忘記過去，為明天奮鬥的第１２８天

唉，第１次試過星期六冇返過工！唉，好鬼悶牙！成日都留係屋企到！唉，日子點過牙！灰爆．．．

忘記過去，為明天奮鬥的第１２７天

唉，差唔多成個禮拜都冇打過ｂｌｏｇ啦！打返先！金日就上力學，英文同力學實驗！好火，琴晚同屋企人嘈完！成日心情都唔多好．．．係咁多．．．．．．

忘記過去，為明天奮鬥的第１２６天

金日真係好鬼黑仔牙！首先就返正冇內就比警察捉左我行人路上踩單車！頂，咁又冇左３００蚊啦！之後最黑既野就發生左啦！冇啦啦我係街到食煙比我老豆老母睇到啦！唉，又好鬼煩啦！之後就同佢地係到嘈啦！頂，金晚走唔甩啦！比人打硬！之後返到屋企就開始開戰啦！嘈左成個半鐘．．．好火！又話以後唔比我返工！頂，算啦！唔理，等我夠１８先打算啦！

忘記過去，為明天奮鬥的第１２５天