呼，做人係為左咩野呢？為２餐，自己，家人，生命，錢，女人？呢個問題諗左好內！人遲早都死，庸庸碌碌咁就一世！生時咩都冇帶黎，死時咩都帶唔走！呢個世界真係好悶，真係冇野值得我去留戀！每日都機械式工作，四處留浪都幾好！每日都過得好特別，但係要為左２餐同埋住宿宜擔憂！呼，又亂咁諗野！最後１次係到打ｂｌｏｇ啦！各位就好好咁加油，比心機向自己既目標進發啦！

呼，金日回歸第１１年囉！咁都係要返工，返７：００ａｍ－５：００ｐｍ啦！頂，金日係紅日！起頭２個鐘都唔係咁多野做！但係就愈黎愈多人啦！到１０點鐘就逼爆人啦！頂，ｄ人都傻既，係咁逼入黎等位，阻鬼住晒！搞到我要係咁講唔該借借／黎後滾水！唉，做要成隻狗咁樣！呼，金日有樣野好搞笑，有個女人係琴晚唔見左副眼鏡，咁就金日朝早先走黎搵啦！哈哈，聽到Ｏ晒咀！首先就話我琴晚就唔見左副眼鏡，咁你地有冇見過？咁太子就同佢講冇見過啦！佢就話，我副眼鏡好貴架！係唔係你ｄ員工拎冇同你講！琴晚就係呢個肥妹幫我寫單架啦！咁太子聽到就興左，問你眼鏡貴唔貴關我咩事？仲有就算貴都係要人地岩用先得架！咁阿芬就講多句，呢到係公眾地方，你自己ｄ野就要好好保管！咁佢就話，可能係你ｄ員工汁左唔知放係邊，你可能唔知姐！咁太子就問晒琴日所有返樓面既員工啦！個個都話冇見過！咁個女人都走左啦！最出奇就係中午又黎多鑊！咁就係咁煩太子啦！太子火火地講，你問我都冇用！係既話你就去報警囉！講左呢句，個女人就走左啦！都唔明點解有ｄ人係咁鍾意打橫黎講？

忘記過去，為明天奮鬥的第１８５天

金日就返７：００ａｍ－２：００ｐｍ啦！唉，個人訓得唔係咁好！金日返工個人好似遊魂咁樣！咁就叫太子早１個鐘放我啦！放工返到屋企即訓！累累累！

忘記過去，為明天奮鬥的第１８４天

金日就返７：００ａｍ－５：００ｐｍ啦！金日最突別有人搵女，首先有個阿媽唔見左個仔，咁係新華附近周圍走啦！之後個老豆就返過黎係咁罵個阿媽！搞到個阿媽喊住係到搵啦！之後搵到就啦啦聲閃人啦！搞到成個新華出面好似打仗咁樣ｋａｋａ！唉，機械式生活．．．悶！

忘記過去，為明天奮鬥的第１８３天

金日就返７：００ａｍ－３：００ｐｍ啦！金日唔知點解冇咩野做！好平淡！冇咩突別野發生．．．

忘記過去，為明天奮鬥的第１８２天

金日本身係放假既，太子話唔係好夠人！咁我就返７：００ａｍ－１１：００ａｍ！放左工之後就搭車去屯門市中心既文豐書局返下工啦！咁我金日就坐木台啦！又到記錄返其實書局黎買／賣書人數啦！嘻嘻，做左６個半鐘之後就放工返屋企啦！都ｏｋ好玩，幾多靚女＞＜聽日返７：００ａｍ，早ｄ訓！

忘記過去，為明天奮鬥的第１８１天

金日就返８：００ａｍ－３：３０ｐｍ啦！金日最神奇係李東海叫左５３５蚊午餐啦！好鬼多野！咁就用左架車仔仲係多左５袋！咁我同阿健一齊去啦！點知．．．原來係老細車我地去！＞＜，老細架車好正牙！一來一回用左３０ｍｉｎ！好正，有得蛇下！嘻嘻！放工返到屋企好累＝＝！唉，日日都係返工，放工，返屋企，食飯，訓教！好悶，幾時有ｄ特別野做下？不知不覺已經努力左半年囉！時間真係過得好．．．慢牙！不過比起半年前既我！都有ｄ變左既！唔唔，以明天進發！

忘記過去，為明天奮鬥的第１８０天

嘩嘩嘩，金日一起身返工果時開電視睇！嘩，８號風球牙！諗住唔洗返工既，點知諗返８號風球都係要返工！咁就拎把傘返工啦！之後金日就返８：００ａｍ－３：３０ｐｍ啦！嘻嘻，１個鐘有２５蚊人工，加埋有１８８蚊＞＜！正，之後就累累地返屋企訓啦！日日都返８：００！有ｄ累＞＜

忘記過去，為明天奮鬥的第１７９天

嘩嘩嘩，金日真係興過火屎牙！首先金日就黎左２個新既樓面阿姐啦！佢地本來就係第１日返工既，咩都唔識！咁我就要幫下手教佢地２個睇單啦！頂佢個肺牙，教左佢地木台號同埋沖野飲既單係點既，但係教極都唔識！新黎既外賣仔仲快上手過佢地！唔識就唔好黎見工啦，睇到都眼火爆！之後佢地２個又唔汁木台，又唔埋野！剩係識企係到，佢叫就１０問９唔應！一係就細佬細佬咁叫，頂，好心你地唔識就咪撚左阻晒啦！聽到我著撚晒！之後就嬲嬲地咁送外賣啦，送去李東海咁遠！咁我架單車就借左比阿新啦，我就帶個新仔去下！教下佢地！問左個新仔借單車啦！頂，係架死人垃圾車，踩到我火上加油！送完返啦就係到係咁屌阿新又係到嘈啦！如果果時在有人點著左我既話，我就會發癲都似！唉，返７：００ａｍ－３：３０ｐｍ啦！返左唔係好內都好似打仗咁！煩到死，挑戰我ＥＱ既極限！

忘記過去，為明天奮鬥的第１７４天

呼，金日就返９：００ａｍ－１０：００ｐｍ啦，頂，成日都係屋係樓面到！企到就斷腳啦，到收工果時就有２８６蚊人工啦！呼，唔辛苦邊得世間財牙？聽日就返７：００ａｍ啦，好早牙＞＜！早ｄ訓啦！累累累！

忘記過去，為明天奮鬥的第１７３天

金日本來就係返３：００ｐｍ－１０：００ｐｍ既，點知屋企有ｄ野，要返大陸搞ｄ野！咁我就我老母一齊返去啦！呼，虛驚一場！咁我之後就落去舅父屋企，然後就去佢間車房啦！嘩，都唔知點解我舅父咁有錢＝＝有２層樓，３間車，１間車房，有成百幾個係銀行到！股票戶口都有成幾十個！＝＝點解會咁架，之後就去左剪頭髮啦！唔唔，之後就買ｄ野返屋企啦！返到屋企就好累！訓左，聽日返９：００ａｍ－１０：００ｐｍ啦！

忘記過去，為明天奮鬥的第１７２天

金日本來就係返９：００ａｍ－６：００ｐｍ啦，點知我就將鬧鐘較錯左，搞到９：３０ａｍ先返到餐廳＞＜咁放工之後啤仔就搵我出黎吹下水啦！唔唔，佢琴日就打比我話著左啦！金日出黎吹水就問下佢啦！Ｏ．．．原來琴日佢考英文ｓｐｅａｋｉｎｇ果時，比個條粉友係佢講緊野果時搶左黎講！咁打橫黎既人都有既．．比我考完之後打到佢飛起！之後返到屋企就搵小積傾下計黎．．．我自問就唔可以咁偉大啦！都係自己一個人好＾＾

忘記過去，為明天奮鬥的第１７１天

呼，金日終於返工啦！金日大昏迷牙，訓到２點起身啦！之後刷牙，洗面，換３，食野就啦啦聲返工啦！返３：００ｐｍ－１０：００ｐｍ啦！金日聽返ｄ人講，畢仔原來係衰自稱３合會會員！好彩我同浩賢唔係好熟，唔係我就係佢面前響朵就死啦！佢８月上庭啦！一定坐緊！呼，好彩好彩！金日見到ｐｅｔｅｒ就上黎買外賣啦！嘻嘻，同佢吹左陣水啦！唔唔．．．宜家唔知點解愈黎愈覺拍拖係一樣好煩既事！唔知係唔係之前拍得太多啦！睇黎我看破紅塵囉，都係覺自己一個人好ｄ！舒服，自由，鍾意做咩就做咩！睇黎我都係自己１個人過世囉！嘻嘻！問世間情為何物，直教人生死相許！

忘記過去，為明天奮鬥的第１７０天

落左咁內雨，金日終於冇落啦！嘻嘻，咁金日就同ｒｉｃｋｙ睇戲啦！睇左破天荒同埋魔幻王國－卡斯柏王子啦！頂，個破天荒係我睇咁多戲入面咁驚既！貞子，午夜凶靈都行開１邊！自殘片＞＜睇到都登佢痛＞＜之後就落機鋪打陣機啦！銀座多左２部籃球機啦！咁我就同ｒｉｃｋｙ一齊玩，＞＜好廢，第１關都過唔到＝＝得４０分，之後就同ｒｉｃｋｙ同一部機玩啦！哈哈，好正！之後啤仔就走黎搵我地啦，咁大家都有ｄ餓啦，咁就走左去食Ｍ記啦！＞＜個玉子將軍漢堡好得甜＞＜一ｄ都唔好食！之後就去左體育館到吹水啦！吹到咁上下就返屋企食個飯，之後就搵佢地打波啦！唔唔，出左成身汗囉！好累，吹多陣水就返屋企沖涼啦！之後小積打黎搵我傾下計啦！嘩，勁牙，佢都識煮下野食，炒下菜！我仲以為宜家１０個女仔有９個／全部都唔識整野食！仲唔到佢都識喎！勁牙！之後就Ｚｚｚ啦！聽日返工！＾＾

忘記過去，為明天奮鬥的第１６９天

嘩，金日就返１０：００ａｍ－１０：００ｐｍ啦！頂，又係差唔多成日企樓面＞＜企左１０個鐘啦！隻腳好似唔係自己咁＞＜我終於明白咩叫做〔唔辛苦邊得世間財？〕！社會上既真理，聽日唔洗返工，休息下先！

忘記過去，為明天奮鬥的第１６８天

金日就冇咩野做！唔洗返工啦，咁就約左阿灰，熊仔同埋吳彥南一齊去睇新變形俠醫啦！不過我就冇睇之前既變形俠醫，咁就有ｄ野就唔知啦！成套戲都ｏｋ好睇！２隻變形人係到打果時就好鬼好睇啦！嘻嘻，之後就同熊仔上阿灰屋企到打ｍｐｈ２Ｇ啦！打完之後就返屋企啦！金日有ｄ悶，聽日就返工啦！

忘記過去，為明天奮鬥的第１６７天

嘩，金日就返３：００ｐｍ－１１：００ｐｍ啦！頂，金日個天做咩鬼野牙？一時就唔落雨，一係就落到鬼死咁大雨！玩死我咩？搞到我濕到成隻落水狗啦！＞＜辛苦！！！金日唔知點解有ｄ便衣＋Ｏ記上黎搵北仔？之後就係咁盤佢，冇幾內就鎖左北仔同埋黑布帽頭．．．好大鑊咁樣！搞到個個都Ｏ晒咀！之後ｄＯ記係機鋪鎖左件同埋係樓下鎖多２件！睇黎北仔都好大鑊啦！好彩我冇比人鎖返去姐，之前都人打過架，條友冇報串姐！呼．．．

忘記過去，為明天奮鬥的第１６6天

金日返８：００ａｍ－３：００ｐｍ啦！要７：３０起身返工啦！金日都係成日企樓面啦！不過都冇琴日咁累，返到屋企就有時間打下機同埋打下ｂｌｏｇ啦！聽日都要返工！早ｄ訓！

小積，我冇你個ｂｌｏｇ既密碼牙＞＜可唔可以比我呢？

忘記過去，為明天奮鬥的第１６５天

嘩嘩嘩，金日返９：００ａｍ－９：００ｐｍ啦！頂，全日都係企樓面！企左１２個鐘，隻腳好似冇左咁！係茵工果時就見到ｐｅｔｅｒ同佢老豆過黎食野！之後就走去撜佢傾下計，原來佢食完野就返工！唔左佢囉！放工果時累到媽媽聲！之後就啦啦聱返屋企訓教教！聽日仲要返８：００ａｍ－３：００ｐｍ＞＜啤仔ｓｏｒｒｙ牙，我ｃｕｔ左你線！黎唔到牙＞＜ｓｏｒ牙ｒｉｃｋｙ，啤仔同碧婷！

忘記過去，為明天奮鬥的第１６４天

金日就訓到２點鐘啦！咁就起身食野就返工啦！返３：００ｐｍ－１０：００ｐｍ啦！返到去好多野做牙！冇停手！到１０點果時就我地５個人出２０蚊叫薄餅食，剩既就老細包低啦！叫左４個！ｏ左，老細好好人牙！咁有２個夏威夷風情，２個脆香辣肉餅！哈，阿祖睇到就話唔夠飽，想食飯！我就叫佢，食晒先睇下要唔要先啦！呼，果然，佢睇小ｄ餅底，結果佢食左３塊就話飽！我就食左５塊！好飽，好正！咁吹水吹到１２點到就走人！聽日正囉，返９：００ａｍ－１１：００ｐｍ！１４個鐘！早ｄ訓！

忘記過去，為明天奮鬥的第１６３天

呼，本黎金日係唔洗返工既，咁阿芬話唔夠人！咁我就返９：００ａｍ－３：３０ｐｍ啦！咁做到２點左右就要落元朗市街買貨啦！咁就買鮮魷，蜆，烏頭同埋田雞啦！嘩，頂佢牙！買左２斤田雞，咁要買其他野果時，隻死左既田雞係冇左頭，內臟同埋皮啦！冇啦啦跳左出黎，跳到ｎ咁遠！嚇到我．．．之後就馬上拎返隻田雞放入袋到！打個結，頂，仲要係咁跳！成隻喪屍咁！咁返到公司就收工啦！之後就約左ｆｄ去銀座打機！打到咁上下就返屋企食飯！咁之後就打比啤仔問下係唔係出去神風啦？點知冇人去，咁局住就我同啤仔２個去，我細佬都跟埋黎！咁我地就係天水圍踩去兆康！到左兆康就打比ｒｉｃｋｙ問佢係邊？咁佢就快返到屋企！咁我地就諗住踩去山景搵ｒｉｃｋｙ吹下水啦！哈哈，第一次踩去！行左好多冤枉路＝．＝！去到就係ｒｉｃｋｙ樓下閎餐廳吹水食野啦！唔唔，吹左成個鐘都有啦！咁之後就直踩返去！呼，好開心既１日！聽日仲要返工！早ｄ訓！

忘記過去，為明天奮鬥的第１６２天

金日就係正式返工啦！返１０：００ａｍ－３：００ｐｍ啦！唉，都唔知點解！我一返工就冇落雨，晒到死牙＞＜經過５個鐘之後就放工啦！嘻嘻，之後就返屋企休息下啦！果然好內冇返工就唔係好慣！

忘記過去，為明天奮鬥的第１６１天

金日就考力學啦，哈哈，ｏｋ易啦！嘩嘩嘩，唔洗咁大雨牙化！搞到我地走唔到，咁我同阿佳，謝其峰一齊打ｍｐｈ２Ｇ啦！咁打到細雨左先走啦！哈哈，走果時撞到阿ｙａｎ同鈺！佢地有野做緊，咁唔左佢地啦！之後金日去探鄭頌雅架，點知要取消！同埋落雨搞到冇得踩單車！＝．＝悶，咁結果係屋企啦！

忘記過去，為明天奮鬥的第１６０天

嘩，金日就唔洗返學啦！咁就成日留係屋企到啦！聽日就要考力學囉！哈哈，開正我果飯啦！等聽日考埋就放大假啦！

忘記過去，為明天奮鬥的第１５９天

呼，金日要考電學啦！好驚牙＞＜唔係好識睇ｄ英文，點算好？算啦，死就死啦！經過２個鐘既折磨，終於考完啦！鬆晒！之後就返屋企啦！考埋星期五既力學就放大假啦！好開心牙之後到７點到就同啤仔去買左架難鬼單車！＝．＝得果５蚊，我同啤仔ｏ晒咀！咁之後就行去北江到睇單車啦！唔唔，啤仔睇中架中等大細既單車！２手同１手都差唔遠！咁就試下車啦！唔唔，都ｏｋ！咁啤仔就用左３５０買左啦！之後就行去佢屋企樓外吹水啦！吹吹下水有隻狗仔行埋黎！好得意牙＞＜ｄ毛好搞野，摸落去好正牙！等多冇內，有條道友走埋黎，問我地拎煙！咁算啦，之後就係到講一大炸廢話啦！仲話，老豆賺錢，個仔享福！ｏ晒！之後就啦啦聲閃人，呼！嚇得我牙！之後就同啤仔去ｍ記買野食啦！之後握到個ｆｄ，咁就叫啤仔走先啦！ｏ，原來係羅倫斯，之後就係到傾下計啦！講到咁上下就各位散水啦！好開心既１日！

忘記過去，為明天奮鬥的第１５８天

金日冇野做！訓到９點幾就比人嘈醒左！做咩野牙？唉，冇啦啦老豆比人當小販捉左？唉，搞到我拎身份證比佢！搞黎搞去！成個鐘之後先可以返上去訓！頂，訓到４點半就又比人嘈醒！好鬼燥牙之後就起身溫書啦！聽日考電學囉！比ｄ心機囉！

忘記過去，為明天奮鬥的第１５７天

哈哈，金日ｒｉｃｋｙ約左我，啤仔同碧婷去打邊爐！朝早就係屋企到打下機啦！哈哈，好累＝．＝之後就訓陣教啦！頂，遲到牙！要ｒｉｃｋｙ打比我先知到遲到！咁就快ｄ起身，換３！出門口啦，咁就快手去銀座羊城啦！呼，去到有ｒｉｃｋｙ同啤仔啦！好彩唔係遲好多姐！之後唔見碧婷既！佢地話碧婷要放左工先黎！咁我地就食住等啦！條粉友黎到囉！佢係電話到講７點幾！之後就遲左咁多先到！咁佢比我地３個人圍插，哈哈，抵佢啦！到食到咁上下就同啤仔落樓下食下煙，吹下水！唔唔，知到佢好多野！之後等大定差唔多食飽就閃去碧婷屋企啦！唔唔，位位８０蚊！ｏｋ抵食啦！之後就飛的落去俊宏軒啦！上到去，佢屋企都幾細！啤仔話３個人住都差唔多大啦！但係我都係覺得好細！唔知係唔係屋企大既關係？咁我地就係到鋤大Ｄ啦！唉，我地玩邊個比人炒就比贏果個玩佢！首先就啤仔輸左啦，ｒｉｃｋｙ叫佢圍住風扇轉３圈，話我係龜蛋！哈哈，笑到就死！唉，不幸既事發生啦！我比人炒１１張！唉，比佢地玩！佢地要我扮比卡超！做５下，叫比卡超，滋！唉，自己做都玩到就死！玩到咁上下，差唔多要走啦！ｙａ，炒ｒｉｃｋｙ同碧婷１３張！咁要佢地噴火龍啦！佢地２個賴皮，頂！到差唔多冇車先肯做！ＸＤ之後就快ｄ去搭車啦！呼，咁就各自返屋企！好開心！好好玩！希望遲下都有得咁啦！

忘記過去，為明天奮鬥的第１５６天