今日派卷啦......英文麻麻地啦，低分過「豬頭鏗」。無奈囉，得果91.5分，佢就95分，既然佢高分過我啦，以佢既性格就梗係會串我咖啦! 俾佢串過陣真係好想打佢囉，仲無啦啦話佢數學點高分又點高分，次次唔夠人串就只係識用數學串，好心佢俾d新意思啦!
今日英文堂之後，就係我既強項─Integrated Science。講到呢樣，冇乜人會勁過我啦掛。=3=" 就如我所願，我第一名74分，第二名就72分...... 最衰就Ms. Sin讀哂d分出黎啦，唔係既話我一定扮哂低分囉! 不過之後，我計計d分有冇錯啦，點知俾我發現Ms. Sin計錯分，我原來應該有81分囉，總共差7分呀。>3<" 不過我好聲好氣同佢講，叫佢俾番分我，佢竟然好輕佻咁同我講:「唔俾呀，俾乜分姐!」我即刻火到黎埋，不過我仲忍到! 我之後都再好聲好氣再同佢講多次，話佢真係計錯分啦咁。佢呢條茂利仲向我，扮哂野咁「哼」左一聲! 嘩，我d火真係收唔到，就係全班面前大大聲話佢計錯分，我仲拿埋部calculator，計埋俾佢睇! 佢睇住部calculator幾秒之後，就扮哂野咁走。但係我仲未知佢會唔會俾番分我囉! 大哥，7分呀!!! 希望佢會啦。不過就係食飯果陣，蔡sir捉住我，問我向Ms. Sin做過d乜。跟住我一五一十同蔡sir講番，好在蔡sir「通情達理」(佢間中通情達理，請注意)，佢先放過。 不過我心裏已經好嬲咖啦，條Ms. Sin惡人先告狀。真係我想打佢，更加想講粗口囉! 可惜，我係乖學生，唔會講粗口既@@v"
今日放學，我要去果過唔知乜乜既Integrated Humanities既會議，足足哂左我成1個半鐘頭既時間。果d activities又低b啵，無奈囉!!! 蔡sir又話暑假前一日會派兩張成績表......希望成績會好吧...... | 
