今日放假估唔到咁好天,唸住去鳥蛟滕影相,10点先去到大埔,可惜岩趕唔到班小巴,又要等2個鐘先有車,之後為有係火車站間美心食早餐等,上下網11點9先有車,12點幾先去到,不過揾唔到預定既起點,行錯路浪費左大半個鐘,走個時就行番個道走先知原來係總站行返出路口先係,不過總算去到目的地,起點由鳥蛟滕郊遊徑行去亞媽芴,中途有個烽火台,但冇上道去因為上去要成大半小時,之後有2條路分別去分水凹同梅子林,我揀左行梅子林條路,去到一條廢村,發現一d 舊時先有既公園鐵架,影下d 空屋咁玩左一輪就走,之後去到荔枝窩村,眼前一亮外圍好新,但入到去原來d原居民走得七七八八,成條村都冇人又玩左一輪周圍影相,成條村得5隻黑狗仔,之後行左去碼頭,見到一片泥灘終於見到有人,有個原居民係道摸硯蠔,碼頭有架船係度等人,原來中電職員係機房維修,我返轉頭岩撞到佢地走,之後就去影魚滕,可惜已封閉,因為d導賞團星期六日成日帶d人黎,d人又唔愛惜當千揪咁玩,破壞晒d樹,之後行左上去一個觀景台影相,我就係冇留意原定走去谷埔條路係荔枝窩村入口個邊,沿海邊行去左三椏村去左士多問路先知行錯,買左支汽水飲原來已5點幾,之後士多d人教我行犁頭石個邊走,行左好多山頭先去到九担租,原來呢條路就係我原本唸住去個條路,但今次都去左好多地方睇左好多野,當然一定要再去啦呢道實在太正,走個時去返小巴總站架車要9個字先有,個度勁多蚊,所以寧原沿路行住等,行到去新娘譚郊遊徑入口之後見到八仙嶺郊遊徑出口,唸起以前同ex行過重要行到入黑先走到,重遊舊地唸起好多野,很對唔住以前同我拍拖既gf,以前好花心做錯事,而家得番一個人過都係自己囉黎,之後行到差不多到大尾篤先有車,之又撞番去個時同一架車既一對釣魚既夫婦,返到去大埔火車站,約左個fd去旺角食飯,食完行左陣波鞋街就走lu