今日請左假原本唸住去西貢,不過晏左起身,中午去左城門行山,係安陰鸷上去行半個鐘就上到城門水塘,行去主霸影左陣相,之後行上麥徑,上到去好多荒癈戰壕,好彩我有電筒,入去黑漆漆,裡面好潮濕牆身勁多水,行左好多個戰壕都幾好玩,我都算大嵗一個人落去影相,其中一個洞上去重有狗吠,我執左支樹枝照上,上到出口見到d狗,嚇下佢地即走晒,之後行去金山,行左轉金山郊遊徑,去到
精神樂園下面,有個司令部,打開鐵閘唸住入去,不過水浸,原本唸住照入但d水唔係泥水,而係鐵銹水,最後都係算唔入去啦,出番去時竟然落雨,好彩我帶左雨褸,之後冒雨行番落金山水塘出口走,走個時有架車停左係出口,個衰人係度激嬲隻馬騮,隻馬騮撞埋架車道,個司機見到我就開車走,點知隻馬騮沖向我想攻擊我,我又岩掉左之前支樹枝,不過隻馬騮埋到黎可能比我身形嚇倒係我前面一呎停左冇撞埋黎,之後就行番出馬路坐巴士出旺角,5點幾去到旺角倒行左陣街係格仔鋪買左d得意野,又行左陣星際買攝影書之後係旺電買左個wifi接收器,又去左好景買左幾隻ps3 game,食埋野就番屋企lu
 
 
分類: 未分類 |
