今日放假一個人去大帽山探路為夜攝準備,中午食完飯左西鐵錦上路轉51號巴士不過成半個鍾一班車,等左好耐先有車,之後係郊野公園站落車,有2條路可以上一條郊遊徑一條沿大帽山道車路上,我揀左山路上因為冇咁悶多野睇D,雖然好晒好熱不過景色真係好靚,可望到整過新界北同葵涌九龍,天氣好甚至可望到港島同深圳,可惜今日好大霞氣能見度好差,行完郊遊徑上到停車場,呢道有閘唔比車上,之後不斷行之字形上路上去,係山上望番落黎有d以頭文字秋明山個種feel,上到最頂天文台閘口就唔入得,個度有另一條路落山但行左一陣發覺只係通去一個廢置建築物,唔對路為有行番原路走,呢度好多大陸團黎,佢地好勇不停行d斜坡小路落去,有d好多草都照沖入去真係佩服,影到6點就落山,今次沿大帽山道車路落山,去到巴士站岩岩7點入黑,之後等左20分鐘先上到車又比蚊咬到死,之後成8點先落番荃灣MTR,之後坐車去旺角同個fd食飯, 因為佢番緊工10點幾食完就走,我之後都冇行街返屋企Lu