今日係母親節,我早上都唔知做咩,

呀,諗起左要去森森家玩...

之後好開心咁踏單車去森森家,

不過打比森森,佢話佢家人未醒,未去得,

so我去左中途站---大興圖書館睇書書...

睇左都幾耐啦,

我再打去,佢話未得,

我話一起食午餐la~都中午(我早上去的)

之後一起去左吉島買禮物比媽...

之後去森森窕玩...到4點半就走...

之後返家打機啦,

阿爸&弟返黎啦,到去食飯la~

周圍宦無位,要等好耐先有,

唔等,買外賣la~(元綠)

返到home先知無買麵,要煮公仔麵...

今日就係咁啦~

今日我都幾早返到學校...不過勁累...

因為琴日做通識&地理搞到半夜3點幾...

今日一直都無咩野呀,

去到活動堂完啦,

我地試新既圖書館電腦控制系統,

超正,以後經常到圖書館打機既同學慘啦...

之後出左去留連左陣,

返去選科晚會....

個晚會有用,不過好多時間講d對我無用既野,

之後竟然派成績單...好驚...

我今次失哂手,應該跌出42名...

不過好好運,我全班考23,全級考35...

差唔係太多,算啦,下次努力啦

今日要7點40分返到學校,

因為要準備社際辯論比賽,

我返到去,得知係我做主辯,

勁開心,用準力去練,

一直都好盡力~

不過到左午膳果陣,佢地突然話得知只可以1個低年級...

so我無得做....

超失落左陣...

到tsa啦,我地一大班去比賽,

仁社對義社,

我地好用力咁比賽,

我盡我既責任去問題,不過表現太差啦...

我地有一個超唔掂既地方,無實際數據

so,我地輸左,不過唔係差好多

我跟住諗,如果我地演講技巧分高d就會win,

我去比可能就會win...

不過講咩都假,

盡左力就ok啦,

我知社長佢地熬左幾個通頂,

算啦,休息下啦...

最唔開心係比J宗串...

今日放假呀,家人出去,我本身都要,不過因為要開會so唔駛去,

我朝早無咩野做,叫左馮森去我屋企玩,

去到既時候都11點,

玩左陣啦~

12點幾出去山景m記開辯論會啦,

3點開完,

同森再去我家玩,

眠同朱又話黎,唔緊要...

四個一起打麻雀,

李打到5點左右走左,

三個打,

我第一局自摸win左個混一色...

不過之後一直都係我出統比眠,

從頭輸到尾......

可惡呀

我今日諗唔到用咩題目好,

所以只係用左日子咋,以後如果諗唔到題目,我都會用依d咁既方法

我今日都無咩野記,

一樣係我同佢搞到亂哂

第二樣係辨論比賽好快到啦,我超唔掂呀

今日我過得都算開心,

全日都過住我一直嚮往既生活......

本身我自己好多時都加左好多野落去我個肩膀

我一直都好辛苦

不過自從琴日之後,我係一剎那失去左好多野

我決定咩都唔去理

結果今日反過待好悠閒

我希望日日都可以過d咁既生活

*************************************************************

我唔會再係妳既道路上出現啦,

可能會怪我,

不過咁樣對妳係最好啦,

我唔想妳又嘈多我一次,

所以同妳回復到大家都唔識既階段係最好啦~

**************************************************

同妳一起既時間令我好開心,

多謝妳,

不過無下一次既可能啦,

再見~~~~~

今朝我無咩野做,開電腦啦,

第一件要做既野就緊係on MSN啦~

on左啦

過左陣啦,阿be add我

一黎就係一大篇野係度嘈我~~

我都唔知咩?就比人罵,勁嬲......

內容:

我覺得好無奈囉,,有人話你仲對我未死心,,我唔想你誤會有機會姐,咁咪唔同你一齊行囉,,朱燊霆以為我同你朝早係約埋一齊行,,我唔想比人誤會,圖書館當完值呀,,我都同你地一齊行啦,如果咁叫做睇下對方係邊個既話,,我都唔會同你一齊行啦,你話你唔會再為我沉迷,唔好意思囉,我由一開始已經講左叫你唔好再為我哂時間啦,你唔聽,反而宜家話我錯?sorry wo,,我唔覺得自己有錯,,如果講e句野可以令你死心既話,我冇鍾意過你,hurt到你唔好意思,,但係我只可以咁做。

******************************

就係咁啦,

我睇完超嬲,比人完全誤會仲要嘈我...

可惡呀...

算啦,

當我錯哂啦,

到左依個地步,無第二個選擇啦~唔通我仲可以厚住臉皮做朋友?我自問做唔到

p.s.如果比我知道今次有第二個人係背後搞小動作既話,
     我唔會放過佢

我今日有d唔開心,

因為我自己實踐唔到自己既承諾,

我忍唔到唔去理佢既野,我失敗左啦.......

可惡,唔通我一直都唔可以同佢劃清界線?

唔緊要,星期一再黎過

*********************************

我今日唔記得係小息定係午膳時,

人個仁社副社長黎搵倩怡話有個咩社際辨論比賽

要搵佢參加...

本身都無咩野,不過唔知做咩,突然間比倩怡指我出黎

原來要3個低年級...

搞到我都要去參加,不過唔緊要

我都指左馮森去....

應該唔會第一場就輸呀,好唔掂呀,

理論型既倩怡姐,

說話全級第四既馮森,

仲有我依個垃圾(說話唔知做咩有第一)

我咩都唔驚,

最驚就係義社會有施耀宗,

禮社就恐怖就係素寶

有佢地兩個係度,想win都好難.....

唔知我有無能力令仁社得獎?

我覺得今次係試驗我能力既機會,

我如果輸左既話,

就証明我說話唔係勁,

大家就唔好再話我勁.....

我今日係放左學之後有個咩講座,係李樂詩博士講既...

之後我同素寶去左個咩坐談會,超恐怖

一開始就去左會見室,第二次入咋,可怕

傾啦~~~

之後傾完之後啦,又要去教員休息室,

入面d校長,校董之類係度,佢地叫我地坐,

我就唔係好敢坐啦~

不過無得唔坐,

之後佢地又傾,突然校長叫我地食糖水,我心諗:邊敢食呀.......人生第一次

之後比個李博士話我廋,見有多碗就叫我食...可惡

之後就係咁我就走啦

***********************************************

我琴日約一個女仔想一起行返學,

佢比我既答覆係no,原因係唔想比人講閒話,

我唔逼佢~

但係我今日放學,見佢好明目張膽咁同文寶行返去,

我先發現原來我係最愚蠢果個~~

比人講閒話係假既,睇吓係邊個就真既...

我唔想自己再唔開心,

我決定從今以後,我唔再理佢好啦

我同佢之間無哂所有野,就唔會唔開心

我相信咁係最好的

最多係我會傷好耐.........

今日我返到學校啦~

本身都好好地,不過到左派中史果陣有d唔開心

得76分,有好多題都差少少自有分,唔開心

算啦~~

中文堂超好笑,全班比阿sir搞到zzz

到左週會啦,無唔唔比miss lee捉左出去,同行既有素寶,周眠&邱欣

其他人問我係唔係mc?

都唔怪得佢地,全部都說話勁人(我同眠唔係)

好似有人問係唔係tsa,我都唔知...

原來係要去果d咩坐談會.都無興趣!!

明晚都唔知幾點先走得