今日我本身想有一個新的開始......

不過當我一返到熟識既學校時我就知道我改唔到...

不過我唔緊要,我不停向自己講要改變......

但係我最後終於捱唔住,計劃失敗....

今日返學啦~我太陽都未出就起身啦,

做d咩?當然係果d多到恐怖既功課啦...

我做d唔做d去做,終於都做哂啦...

唔欠交的確係一個奇蹟.....

我今日不停地想左好多野...

到最後我發現係身邊信得過既盟友一個都無...

我覺得我再以宜家依種方式去生活我一定唔會有進步...

所以我決定要將自己改革...

原因?

因為我前面有幾個好可怕的敵人,我唔改革自強就一定唔夠人鬥......

雞就算幾強捍都好,始終都係隻雞...

我既敵人就好比巨鷹獅子,我一睇就知輸定...

不過在依個社會,有得比你選唔鬥咩?

我要將自己改裝到有戰鬥力,起碼都要打一場唔會令自己遺憾既仗...

今次我明知一定輸都要打

p.s.以下for周浩珉

孤島既生活應該唔錯,我真係好嬲你,點解你好多時都扮哂野行近座城...

你唔攻都可以係城內建設,我傾城之兵都打唔入...

明天開始我要升時代,好快到你既岸邊

p.s.以下for馮建森

雷鳳同gp03始終都係要打一場...

好快到啦,果日會打到點,我都唔知........

                p.s.

明天將會一砌都唔同哂......今日既野就留係今日啦

今日係假期既最後一日...

n多功課要做呀,不過我都無心情去做,留堂咪留囉...

我朝早無野做,結果約左bebe同周浩珉一起食飯...約1:30

到見面時竟然發現大家都食哂野...

之後就勁無聊地行街...想去打保齡球,不過果度今日比賽,so無地方去...

bebe話想返屋企先,所以送左佢返去

最後,我神奇地發現周同我一樣都係好無聊,

最後叫左智源落黎陪我地踢波.......

一日就完啦.....

這幾陣子,我同家人都為左拜年既野忙到不可開交...

從初一到初四都有年拜...日日都早出晚返,累到我嘔哂電...

仲要唔係好多利是...

所以一直都打唔到日記,而家打返啦...

我收到幾百蚊利是,不過我自己用既得$50...

好可憐呀.........

今日係情人節呀,同時係我地學校既新年假期前最後一日返學...

我本來今日都唔係好開心咋...因為琴日我...

我比人一下打沉左我........唔好問我咩野,總之就係唔開心既野啦

講返今日啦,

我本身都諗住無朱古力收啦~我都無咩朋友(女既)

不過可能我中三唔知咩原因啦,

我都收到少少...

圖書館個郭小姐佢送左2粒比我...個中二果個圖書館管理員都送左粒比我...

邱凱欣都有送...&教科學果個miss張有送

好多謝妳地呀.....

呀!差d唔記得仲有一個人------bebe!佢都送左粒比我...

依粒意義好大呀(只係對我)

經過琴日既事佢都送比我...算啦,無謂太執著啦~好多謝妳呀...

過左lunch之後,知道要重默中文(因為太多人出貓)

全班都進入驚慌狀態,當中有d係經過一日唔記得左點背

但係我信較多人係出貓所以無背到書....

哈哈哈...其實係我&馮森爆比阿sir知...鬼叫我見到好多人都出貓呀...

不過我一早知話重默係講笑,因佢昨天同我講過.....

不過為左令全班投入溫書,我都扮野溫吓書......

我本身想係數學堂坐bebe前面呀,希望將因昨日既事做成既裂痕修補...

點知比周浩珉搶左.......

突然間係我腦海閃出好多佢做過令我唔開心既野...

我現家對佢好反感呀...

我決定對周採取孤立........

p.s.妳想維持住朋友就朋友啦...我永遠會等...              ..........T^T..........

今日好好玩呀......

我今朝一早起左身,不過無咩野做...

之後唔想耐係屋企,所以我好早出左去...

距離同大頭班友約既時間多的是...

so我去左商務睇書啦~都搵唔到我想睇果d書so去左圖書館睇...

到左差唔多夠鐘啦~就行返過去m記...

我一開始係搵唔到人,只係見到有個好似好熟既人...原來係青蛙.

佢換左眼鏡好鬼型呀...

之後d人先陸續到達,我地一起搭車出去啦~

全程車都勁悶,所以我都係係到吹水&listen歌...

都唔係好耐就到左啦~之後等埋車車

我地知道個場會清場...so食左野先...

我地之後就真係去玩啦~好貴呀d入場$....

我仲好驚,因為我從來都未踩過冰...勁跌咪好咩!!

我唔敢自己一個出場踩,等車車出左先...

我見佢都係扶住邊唔敢溜...我就仲驚.....

到之後周浩眠都出埋黎玩...

我見佢都係扶住邊...搞到好多人扶邊行,無咩位比我玩啦~

結果頂唔順啦我,我自己大膽d去踩...

點知比我想像中易勁多...我從來無想過跌都唔跌就know點玩

我用左5分鐘時間就熟哂啦~~

不過跌就一定有啦~只係我想唔到我第一,二,三......次跌都係比人啦跌...

係唔係好好笑呀?第一次踩冰既我去做扶人果個...

之後我同bebe一起踩得好快,只係佢好似唔係幾夠膽姐...

我好憎d人剷起哂d冰,真係我自己跌果幾下都係比d冰扣到...

之後我地去唔知咩樂園玩,我重拾左唔少童真......不過要用既$就唔少啦~

我地之後仲影貼紙相......

之後搭車啦~我,家祈&bebe見大頭班友追上車,so我地都上...不過當一嘟完百達通先醒起上錯車...

so我地只好將錯就錯啦~之後我見到bebe話佢頭痛,我都覺得好膽心...

之後bebe話想訓,所以借左家祈個肩去訓...(我心突然像鉛似的沉下去了)

最後我地係市中心落車...我送bebe返屋企...

我今日學校陸運會...

我一朝早唔知咩原因同我媽爆發左冷戰!

結果就咩都唔理,拿左單車就go了...

之後同雷智一起踏車去運動會啦~

中間有撞車,不過咩野都無(好彩)

我去到時先醒起我根本無$食lunch...

我都唔知點做好啦~我決定咩都唔理啦~

我報左標槍比賽,好型呀...

第一下既時候我過左界so無分...第二下時比支標槍打到自己,但係有分....

最後就當然win唔到啦...不過有分已經好好啦~

食飯時我媽來了,我有得去食飯啦~gd

下午我有報100米誇*難*...無睇錯,真係好難呀...

分左2組去比賽我係第一組同組我地班既仲有翼王同謝國生...

我諗我都係包尾啦~有8個人呀依組

跑第一步我都知唔多妥....之後跑第六...快過翼同生...

劉家華係第二組跑第一...大家都以為佢好勁

之後睇名次啦...頭八名都係我地組,第二組全部死哂...我第一次上榜呀...

之後睇女子100米誇難仲好笑...

詩雞跑到彈下停下...前一秒佢以龜速衝過去個難到,這一秒見佢停左係度計左好耐先行番後再try多次

下一秒就已經跌左係度........

今日既野都差唔多講完啦~~

我今日正正常常去返學啦~

我行行下既時候我見到謝國生&龜龜啦...

之後一起行仲見到埋君君同寶怡...(其實我都唔知我想講咩)

我之後返到學校時,醒起我無將本GR放入書包...慘啦我要欠課堂用品啦~

我之後都估到唔好既野會發生啦...

係早會差唔多完果陣,葛sir黎搵我話推薦我去選咩二十週年慶典既主持人之類既野...

你地話仲唔夠慘

我今日返學啦~

出門口之前就以經覺得唔多妥,

因為我搵唔到我本歷史作業...本來我係會早返到學校,不過為左搵本野搞到我差唔多遲到...

最後就當然係搵唔到啦~

之後抱住唔係好多既信心同肥張講啦~

結果?就係好仁慈(外表咋)地比我搵兩個櫃,結果搵唔到...

最後?我就要買本新既同留堂...T^T...

算啦算啦,

我第二樣唔開心既係中文堂果陣啦~

我一向都係個好自私既人,見到施耀宗佢講果陣個lv勁高...

我自問要何時先及到佢既二分一?

第三樣最唔開心既野...(最唔開心)

我留完堂之後,本身想返屋企,

好正常呀...

但係馮森無野搵野做,去104室門口等我,一見我出去就捉住我,

要我去圖書館當值...我勁累,點知連黃家祈都捉埋我上去...

我唔肯啦~佢地捉住我件校嬲同運動袋,我忍唔住就放手比佢地搶左兩樣野去...

我之後就勁嬲啦~落左去睇左陣步操隊操...

我點想都彈唔到辨法出黎,所以我就決定入番去圖書館當值...

p.s.我今日恨左好多人,三個算唔算多?

今日我去cas操啦,

大家都知啦~~

其實都無咩好玩,不過就係今日操果陣出左好多錯既口號,

都唔知跟唔跟住做好...

我今日長跑比上次快左10秒,不過都係無分....4分30秒