懷念總是突然懷念不談條件
夢見Jessie同大b 就約左Jessie出黎食lunch
畢左業之後都無同jessie聯絡
夢見Jessie話大B好似史力奇
Jessie 我很喜歡你 希望你永遠幸福快樂
要繼續行你的音樂路 隨著感覺而走
原來只系過左兩年 點解好似轉變甘大
我放棄了Design 是的 一開始就沒有愛上這科
頂硬上甘就畢業啦
IVE仔 IVE仔 讀完都系半桶水
算啦 加上我又頹讀 一直都讀得好唔開心
畫CAD圖帶比我無盡的痛苦 通頂做又要求人教
Design一開始都OK 但系開始越做越無心機
所有product結構都唔識 好不容易先知道NFC系咩野 D同學已經做緊耳骨傳聲
final pj系一個gag 啊sir都話已經唔知可以點幫我 求求祈祈甘就end左
啊sir話服左我 幫我做埋個CAD就算 佢下年都唔想再對住我
沒關系啦 其實我都無咩自尊可言
人地讀Design 我讀design 我系考英文普通話D語文科拉高GPA -。-
因為這兩年真的很傷心
不知道為什麽分班選了讀product 跟一班朋友分開了
然後他們一個一個quit 只剩下一兩個撐落去
讀product都有honeymoon 第一個sem也挺快樂的
又再分班 只有一個同學跟我繼續同班
我們相依為命過餘下的日子
莫名我就失去了一個同學 於是我上了寶貴的一課
是我虧欠了妳 真的對不起
混過了sem3 &4 知道我要轉變
記得娉講過 陳紫欣 ：或者你一開始就不應該學畫
迷失了好一陣子 祈禱過後 突然覺得我應該去做幼稚園老師
就這樣改變了目標 吖 其實我只想要一份安定的工作嘛 希望有多點時間可以幫教會手做野
其實我覺得一直都有神安排 識design的幼稚園老師都幾型啊
一開始系想幫教會手做下野 識design poster都好
不過其實我無幫手出poster 都有做過下D瑣碎野ge 做悼念冊個D
我去左幫手教畫班 暑期畫班 之後海山哥哥出左張感謝狀比我
我唔特別話鐘意D小朋友 不過我挺受他們歡迎的啊
一end左final pj 我就找到工作了
我宜家系中華基督教會特殊幼兒中心做課堂助理
HEHE 其實同啊姐D工作無咩分別 都系好辛苦
不過因為每日都好感恩 所以過得很快樂
in 這份工時都有差唔多十個人去
sec in 佢都無咩點問我野 問我系邊度返教會 點解解想做e份工甘
佢話e份工系for 人拿經驗 做電腦工作 做教具同照顧小朋友 話做三個月 fulltime優先請
不得了 有得做fulltime我雙眼發光 佢本身只系請part time
份工fit到爆炸 我識design 軟件同做模型 做教具無難度
而且順利推左同同學去海南島
困擾左我好耐的海南島旅行 去一轉海南島分分鐘要洗幾千蚊 因為E班同學好大洗
D姐姐 老師同護士都好好 教我好多野 又提我做野要主動D
拍D小朋友訓教 餵飯 幫佢地刷牙 換片 拖佢地行路 教佢地着鞋 等等
教我手語 教我教佢地做小肌訓練 同佢地相處。。。好多呢
經此一役我已經完全唔驚屎尿
佢地好驚訝我可以就甘執起D屎 呃 執啊mo個D都系甘啦
話說有次個小朋友真系賴左屎系我對鞋度
轉變系一開始D小朋友對我打黑痴 我想殺左佢地 我其實系有小小潔癖
慢慢可以幫佢地抹鼻涕 抹屁股 噴到我成面奶都可以沉住氣
份工辛苦就系要帶D小朋友行 佢地有D系唔識行路 搬佢地都幾重
應該系我仲未掌握到要點用力
仲有餵佢地食飯 要同佢地鬥力 有時佢地爭扎得好劲
會被佢地咬同抓傷 hehe 一開始餵飯餵到手軟
真的好感恩 感謝神 我知道祂幫助我 安排我的路
|
