星期六、系教會幫手教幾個小學生畫畫
因為我揀左張好難嘅畫比佢地畫
我睇返我小四D畫都系畫LEE D..我覺得好簡單
都系油粉彩畫風景.畫得快半個鐘都可能畫完
一開始話比我聽大概有五六個學生、升小三小四為主 但系有個小六.
所以我驚會太容易.加左好多野落去.想拖長時間..
點知我擺張畫出黎個陣佢地O曬.話太難
可能佢地真系無畫開畫..畫山真系同我畫左個正三角形出黎
唔怪得佢地..第一次教我唔知個程度去到邊
搞到佢地好DOWN..最後我幫佢地狂加陰影同混和D顏色
減省左好多細節 噴固定液就收工
其實佢地盡左力啦..以第一次畫黎講算系幾好
峯峯仲話畫得好樣衰..簽完個名又刪左..
哈哈..不過佢出到黎見個個都讚畫得好.就同佢媽媽講話好有成功感
教佢地畫畫主要原因系想佢地收聲.唔好嘈住出面聚會
所以我絕對系成功左..因為個個O曬..一粒聲都無~_____~
有兩兄弟遲左黎我教唔到.我幫緊個兩個睇少兩秒都出事.GRACE就教佢地畫另外一張
個張我原本系打算比我讀緊幼稚園個表弟畫..系交通工具.
我完全無改過.用返細個畫個張 最後讀小二都照畫交通工具..個程度剛剛好..
當然我表弟畫畫下變左畫貓巴士.
就這樣... 下次教會無咁亂
峯峯畫架..直線畫得唔夠直..原來佢系左撇子
|
