今日好型呀…
晨咁早起身去觀塘見marketing assistant…
上到去…竟然見到識嘅人~~~搞到interview嗰陣,
同條女傾到係咁傻笑~
哈哈哈…in完諗住返屋企…
但係一落到樓下…又叫我上去second in…
今次同條仔傾到又係咁笑…
傻咗…不過…最後,
又係叫我等通知~~~hurt呀~~~!返屋企途中,
經過間藥房…就咁畀個中學同學叫停…原來佢喺嗰到做…
吹咗兩句水…跟住佢d同事叫我走入去一齊傾…嘩…
好驚呀…
即閃…!!!唔夠一分鐘…又撞見到以前d熟客…
跟住仲話車埋我返屋企…咪玩啦…隔一條街,就係我屋企啦…
雖然係要行個條死人奪命斜…次次行到我想死!!!
諗緊可以順便減吓肥嘛…
返咗屋企…
唞咗陣又去旺角見工啦…等車嗰陣,
又撞見以前sales嘅豉頭婆…發生咩事???
好少一日見咁多熟人架喎…見完工之後,無聊上咗去見model…
諗住玩吓、聽吓啫…又唔使洗$$…
點知就咁畀人呃咗五十蚊…
初頭想呃我八千蚊…傻嘅~~~唔好去搶~~~!!!然後,
又想氹我三千蚊…食蕉蕉蕉蕉啦~~~哈哈…
為咗甩難…好彩係無咗五十蚊啫~~~!都唔算豬豬啦…
