今日都算係瞓死咗嘅…夜晚大佬叫我落彩虹… 都唔知落唔落好…哼~

原本心情幾好嘅…不過,畀陳先生搞到我心情有點亂+upset!

夜嫲嫲打泥話佢今日睇完戲,剛回到家…呢啲無乜野啫…之後,

就話佢已經安排好佢生日嘅行程…哈…今年又係同佢啲死黨一齊過…

既然都無諗過我,咁我當然彈出一句~好囉~甩難囉…你生日唔洗理你lo~

跟住,竟然話返我轉頭~!!!咁根本都無時間畀我,就算有…時間都唔會多得去邊!!!

我都好想同你過啦~但你都無諗過我!咁啱有電話入,就咁cut咗佢線… 之後,

打返畀佢…佢就話轉頭打畀我…等咗好耐,我再打畀佢…點知就話瞓著咗lo…

跟住我就緊係扯火啦!頂!!!好火!!!

今日睇奇幻潮,令我恨到死囉~~~唉…官恩娜就好啦…同佢條仔劉浩龍鬧咗交,

劉浩龍買花氹返佢囉… 哼!而家邊有人咁對我呀!以前都有嘅~所以恨鬼死我呀!

睇完之後,我諗起楓囉…哈哈…可能呢世最開心嘅時候,就係同佢一齊嘅時候…

我都唔知當時為乜咁傻,咁易就放棄佢… 諗諗吓…

我好似好多第一次都畀咗佢架喎…第一次去camp…

第一次有人為咗每個月畀錢錢我用,一到十五歲,就走去麥記返工,

仲退學做full time…第一次知道咩叫浪漫… 坐喺海旁,聽住音樂盒嘅聲…

好舒服~第一次,好激咁偷人地啲單車踩!第一次同佢行上山,去佢地個秘密基地…

第一次畀佢水咗去見家長~第一次水咗我去唱k…

第一次用廿蚊紙摺咗隻介指送畀我…第一次,我地散咗,

再無聯絡一年,都會記得我生日,仲同我講生日快樂…第一次畀人為我背後,

做咗好多好多野…唉…算啦…而家只可以希望佢過得好啦…希望佢會有個比我,

更加珍惜佢嘅人啦…我都好想再遇到一個,同佢一樣對我咁好嘅人…

但我都明咩叫可遇,不可求…好多機會,我都知佢想,我同返佢一齊嘅…

但我唔識珍惜囉…哈…鬼叫我思想遲熟,所以比任何人諗嘅野都幼稚…

呢啲回憶好靚呀…而家個秘密基地都無埋lo…好可惜呀…

無賴  -   鄭中基

作曲：李竣一
填詞：李竣一
編曲：Ted Lo
監製：Gary Chan

我間中飲醉酒很喜歡自由
常犯錯愛說謊但總會內疚
遇過很多的損友   學到貪新厭舊
亦欠過很多女人

怕結婚只會守三分鐘諾言
曾話過要戒煙但講了就算
夢與想丟低很遠   但對返工厭倦
自小不會打算

但是仍唯獨你愛我這廢人
出錯你都肯去忍
然而誰亦早知不會合襯
偏偏你願意等

為何還喜歡我我這種無賴
是話你蠢還是很偉大
在座每位都將我踩   口碑有多壞
但你亦永遠不見怪

何必跟我我這種無賴
沒大半生還是很失敗
但是你死都不變心   跟我笑著捱
就算壞我也不忍心   偷偷作怪   

沒有跟的野種飄忽的命途
誰像你當我寶甚麼也做到
舊愛手中一疋布   在這刻寫句號
只想跟你終老

在地球唯獨你愛我這廢人
出錯你都肯去忍
然而誰亦早知不會合襯
偏偏你願意等

為何還喜歡我我這種無賴
是話你蠢還是很偉大
在座每位都將我踩   口碑有多壞
但你亦永遠不見怪

何必跟我我這種無賴
沒大半生還是很失敗
但是你死都不變心   跟我笑著捱
就算我也不忍心

還喜歡我我這種無賴
是話你蠢還是很偉大
在座每位都將我踩   口碑有多壞
但你亦永遠不見怪

何必跟我我這種無賴
沒大半生還是很失敗
但是你死都不變心   跟我拼命捱
換轉別個也忍心   偏偏作怪

呢首歌…令我好感觸…

瞓醒咗之後呢~又睇碟囉…好似有d無聊咁… 唉…鬼叫無銀両咩~超~

睇碟都好過無搞作啦…睇到點幾煒煒走咗去見工…我就兩點幾走咗去HMV…

車~淨係畀張form我,叫我填完交去尖咀寫字樓…嘩…我無預計過咁見工喎…

好晒我車錢囉!!!返到屋企之後,緊係又對住部腦啦…唔係我又有咩會做喎…!?!

哈…大佬,勁大口氣同我輸賭囉!話喺今個星期日前,一定有第二份工喎!

睇死佢都唔得啦…!之後,仲話就算星期日前搵唔到,都一定快過我搵到喎~挑~

我就係唔信囉!至鄙視啲大口氣嘅人! 不過…唉…知道愛人呢排日日OT,

幾心痛吓囉…我又唔知應該點面對佢好喎…我淨係知我想見佢…

但我就淨係得個想字…online嗰陣,我又唔知同佢傾咩好…同佢一傾,

可能又會諗起我大佬啲野,又火… 我寧願選擇喺佢面前消失…

起碼唔洗令佢因為我,諗起我大佬…加上我又唔識氹人…

我都唔知點解要搞成咁…唉…而家嘅我,喺人地面前笑囗齊齊,

心入面又係咪咁呢…!?!我自己都唔知…

今日瞓死咗~緊係啦~尋晚玩到咁顛!!!原本細佬約咗我去見嗰份唔知咩嘅工…

但係我一路瞓,一路等佢電話,佢都無打過泥! 頂~等到夜晚六點幾再打畀佢,

佢竟然話,吓~!?!係咩…!?!唔記得咗添…有無搞錯呀!!哼…之後,

叫我自己聽日去見…原來係見HMV…吓…得唔得架!?! 係咪堅架!?!講笑咋!?!

唉…是但啦…有得見,好過無~話晒都係機會~無機會,就一定唔得!跟住呢~

夜d就大佬返咗泥…咦…唔洗返工咩…!?!佢話放假喎…都唔知係咪嘅…

仲同我講唔撈lo…唔係呀嘛…!?!唉…我都無野同佢講!

十一點幾又走咗去搵煒煒~嘩…佢間房超熱…熱過企喺條街~

好在今晚佢地開冷氣瞓…不過,瞓瞓吓…個喉嚨勁痛,搞到狂咳…唉…

嘈住佢地瞓咁…我唔想架~!