今日呢~一大清早就畀人嘈嘈畀嘈醒!尋晚瞓咗個幾鐘咋!哼!

跟住點幾出咗去cwb搵細佬~話有荀工介紹畀我喎…超~去到又話無開!激死!

之後,仲要無神神發我脾氣!頂~ 跟住兩點幾又去咗銀行搞呢樣嗰樣…搞搞吓,

搞到張卡都扌禁唔到!激到我紮紮跳!係咁又搞咗個幾鐘…唉~晒我時間!

搞完落咗杏花邨~嘩!大半年都無落過去lo~ 今日落去晒相之餘,

順便睇吓公司有無變到…途中都畀幾個熟客認得我喎~有個就叫停咗我,

傾咗兩句~佢個BB依然咁可愛~另外一個,李燦森條女個老豆嘅反應仲搞笑…

係咁望住我…哈哈… 我仲記得條友鐘意飲咖啡…四點幾終於等到老婆收工~

之後一齊行返小西灣~返咗去無耐,佢細佬阿媽返埋泥~

跟住同佢細佬一齊玩顛咗~玩咗陣,就同老婆入藍灣食mun mun~

食完又去咗灣仔搵臭屎+佢啲fd食飯~幾搞鬼喎~又食啦…

食完去Times行咗陣…行完淨返得我同臭屎屎繼續玩通頂~㊣呀!

好耐無見屎屎嘛!掛死我呀!

好無奈呀…好煩添呀…我諗唔到應該點做先係最好…

點做先可以感染到人嘅想法…搞到尋晚都無瞓到…今朝九點幾先走去瞓…

點知一瞓,瞓到五點幾畀電話嘈醒…一醒咗走唔見咗大佬…唉~跟住老母話我知,

佢三點幾就閃咗人~去咗邊?做乜?無人知…淨係知佢今日真係無返工…

點解要變成咁?老母都話佢變得古古怪怪咁!佢根本無覺得自己做錯咁…

極無奈呀…我覺得fd唔應該得寸進尺咁對囉…應該有福同享、有難同當架嘛~

唔應該增加不必要嘅辛苦畀個fd!我真係覺得佢係抵畀人打架囉!

一味淨係諗住人地嘅錯!最抵死嘅係個個人遲到,佢都跟住人地咁!係咪痴線架!?!

日日夠有人自殺啦!又唔見跟住去做?白痴!!!超無腦嘅說話思想!!!

我知我一定幫理不幫親架啦!唉~但係會唔會又搞到喺屋企面左左、橫風橫雨呢…

哈哈…唯有苦笑吓先啦…

聊天→是增進感情..... 平時都可以話有做嘅…
約會→是多一點共同的回憶.... 少喎…唉… 我都想多d…
吵架→是多認識對方....並且學會和好....經常啦…唔覺認識多咗喎…
承諾→是證明這段感情要經得起考驗....無承諾過咩喎…如果有大家都一定唔記得嘅!
努力→是代表妳真的很在乎....我就肯定有!唔知佢有無喎…
感動→是因為被愛....一點一滴滑過心坎裡....！！！無乜印象…

付出→是因為愛不知怎麼給.... 不能不求回報..但也不苛求,
戀愛中哪顧什麼~就是不求回報的愛~我一定有啦!!!
真心→是因為真愛不容易來臨,一但來,就該真誠地握！！我有呀~>,<
痛苦→是絕對在乎的表現,
沒有是很不尋常...有了又很苦！還有嫉妒~真麻煩!妒忌,女仔天性…
自私→難免嘛 ~ 不然怎麼叫「最愛」！！！我都有點嘅…嘻嘻…
珍惜→...是因為怕失去....所以呵護著..視之為奇遇！有呀~好努力架啦!
冷淡→是因為正在沉澱....可是不要沉過了頭嘍！！....哦…好呀!
思念→是因為心裡常常有著你/ 妳....這就是愛的魔力....係咩!?!
掛心→是因為很愛很愛著....心跟著心愛的人跑！無喎…=,="
溫柔→是要讓愛....表達的甜美....永難忘懷！！何謂溫柔!?!
三八→是愛情裡的小孩子氣的表現....嘿嘿....哈哈!?!笑啲咩!?!
撒嬌→是想要多一點呵護及在乎 ~~都唔識呢味野…

打情罵俏→讓生活過的甜蜜又有趣！！呢樣我都唔知有無喎…!?!
重視→是絕對的愛情保障....沒有重視就沒有愛情！！唔覺…
在乎→是為了要愛妳...心有所屬∼∼！更加唔覺…
差別待遇→是要讓你/妳知道你/妳最重要.....so sweet....佢一定無畀我啦!!
信任→是感情維持最重要的呢?...要一起努力做唷∼！做什麼?!我有呀!!!
多來往→是為了讓感情更穩定....也可以避免不必要的距離！佢貴人善忙喎…
分享→是要讓對方多了解彼此....有助於維持感情喔∼∼！我經常有架啦…

1.現在時間::01:34a.m.
2.你的中文名::戴慧儀~>3<
3.你的英文名::Tａi Wａi Yｅe 
4.在網路上的化名::LｉtｔlｅCｈe∼＊

5.綽號::小車/車車
6. 出生地::HONG KONG
7. 家鄉::東莞厚街高排村~醒呢~
8.目前居住地::筲箕灣~
9.實際上幾多歲?::19
10.心理上幾多歲?::一時時,好細路…一時時,懶成熟…
11.如果你係日本人你個名會係::吓…唔識日本文化喎…
12.你喜歡你的中文名嗎?::聽就覺得唔順耳,讀又好難讀!但喺玄學上泥睇,係唔錯

　　　　　　　　　　　　嘅~!
13.你出世果陣比你自己改名想叫咩?::唔知…總之要少筆劃!同埋要易襯英文名! 
14.而家聽緊咩歌?::陳奕迅-阿牛
15.你最後吃的一樣東西是什麼::蛋糕仔
16.對上買的正版cd係咩?::周杰倫-無與倫比Vcd  
17.曾經愛一個人愛很深,深到讓你落淚?::呵呵~我話咁易就喊…點會無呀!?!
18.曾經出過車禍嗎?::無呀…想試吓…不過,唔好毀容同殘廢呀~
19.曾經因傷入過醫院嗎::未呀~都想試喎!都係嗰句…唔好毀容同殘廢呀~
20.(汽車)喜歡兩門式的還是四門式的::乜家科!?!唔識呀~!
21.凡咖啡也喜歡::麻麻地…
22.喜歡的地方::海旁…
23.喜歡的襪子顏色::黑色
24.最喜歡的數字::37=生蚤
25.喜歡地毯還是櫸木地板::當然木地板啦!我有鼻敏感呀!
26.最懷念的假期::以前返工,放嘅年假…
27.呢一刻最鍾意的人是誰::唔話你豬~親自問本人啦!!!
28.如果變成男生的話要做什麼?::周圍媾女!
29.如果沒人聽到，你想大叫::我好辛苦呀~救命呀~放過我啦~!
30. 最近最高興的事情是::暫時同老母關係無惡劣…
31. 最近最難過的事情是::阿哥同愛人不和
32. 最近最喜歡的男歌手::周杰倫、郭品超、YANI
33. 最近最喜歡的女歌手::無乜特別鐘意喎~ 
34. 比你決定一個立刻收檔藝人::暫時諗唔到~
35. 將來的夢想::令身邊所有人過得開針~
36. 尊敬的人::爸B~>3< 
37. 你重色輕友嘛::呵呵~正常緊係會啦!
38. 覺得今生最想去的地方::荷蘭~~~~~!
39. 地球滅亡的前一天要::同心愛嘅人結婚~跳笨豬jump…同識得嘅人BBQ
40. 覺得blythe (B女) 恐怖嘛::一般啦…
41. 會把什麼類型的人當做是自己的對手::佢當我係敵人嘅人…
42. 最希望他消失的人::自己
43. 第一次到xanga 的感想::好多亂碼…
44. 看過印象最深的演唱會::唔記得…太細個啦…
45. 如果讓你自由選擇的話::我會repeat中五、同小炳和好返…
46. 生活中覺得最快樂的事::好多野,都可以好易令我快樂~
47. 生活中覺得最痛苦的事::自己唔開針,仲要去安慰身邊唔開針嘅親朋戚友…
48. 認為自己最有魅力的地方::眼仔~
49. 把自己比喻成什麼動物::靈長目-人類  哈哈……
50. 你會想做阿嬌, 定阿sa::阿嬌→個樣成熟d~
51. 咁想做kenny, 定steven呀::KENNY
52. 鍾意吳日言, 定薜凱琪多:兩個差唔多啫…
53. 你認為自己是個值得交的朋友嘛::中上啦~呵呵~
54. 適婚年齡應該係::26
55. 你覺得自己有幾長命::嫌命長喎…
56. 印象最深刻的場所::上水火車站
57. 接受到同性戀嘛::做fd就無乜所謂~一視同仁
58. 在這封e-mail 前上一封是誰寄的::垃圾
59. 第時個仔/ 囡叫咩名::仔→炳 女→楓 
60. 現在離你最遠的朋友是::PinkPink 
61. 你現在最想擁有既野係::job
62. 最愛吃甚麼::糖糖、叉燒飯 
63. 中左六合彩, 第一件事做咩::諗辦法將佢一變十!
64. 最令你煩惱的事::兩個親朋戚友反面…
65. 隱形一個鐘會做咩::打劫
66. 還愛你的前度男朋友/女朋友嘛::唔多唔少,緊會有d嘅…
67. 全世界最好的事::大家都無煩惱~ 
68. 你的願望是::聽日就遇到最後一個他…或者係可以改變身邊人嘅思想… 
69. 對上一次喊係幾時::今日…
70. 對上一次睇演唱會幾時?::細細細細個嗰陣…
71. 最鍾意的書::如果一天我忘了你
72. 開心的夢::好多好靚嘅彩虹…同王子一齊睇同影相~
73. 你係人生中最後悔係::唔識珍惜…放棄咗阿楓…
74. 你最信任的人::老婆…臭屎…爸B
75. 如果你聽日要死, 你會最想做乜::落d、去蘭桂芳狂劈酒,媾死仔~
76. 到呢一刻為止, 你認為邊個係影響你最大既人::老母…
77. 最近你最唔開心事係咩::最想佢理我嘅人,唔理我…唔想佢理我嘅人,煩住我!

　　　　　　　　　　　　　好寂寞呀…
78. 你最討厭自己ｄ咩::越幫越忙…
79. 信有外星人嘛::信
80. 有無發過明星夢::梗係有!
81. 最令你自豪的一次表現係::小學表演…唱爆咗咪~
82. 你最鍾意o既人鍾唔鍾意你::我覺得佢唔鐘意…
83. 喜歡和家人住, 還是與朋友住, 還是自己住::同朋友一齊住! 
84. 比你選擇你想自己聰明定蠢::聰明…
85. 究竟乜o野先叫愛::感覺…
86. 你著幾號鞋::8號
87. 你有幾多知心o既朋友呀:::2個~ 錫晒佢地~
88. 今日天氣點呀::睛天ｐiｇ pｉg
89. 最喜歡的歌::閃著淚光的決定/每一句說話/假如讓我說下去/明知故犯 
90. 想成為...1個樂觀、唔稀罕愛情既人
91.你而家最想搵邊個無見好耐的朋友食番餐飯::好多…楓、PinkPink、臭屎…
92. 朋友!你快樂嗎::不…
93. 放假最鍾意做咩::有錢就去行街、玩;無錢就聽歌、寫日記仔… 
94. 最想去邊度旅行::荷蘭蘭蘭蘭蘭蘭…!
95. 跟男/女朋友相約, 能等他多久::等到佢泥為止
96. 用顏色來形容自己::深紫色
97. 小時候是個怎樣的孩子::日日喊、撞板同仆街多過食飯!
98. 之後想你個怎麼樣的髮型::留返長、去到腰~
99. 有什麼 Fashion Style::鬆身…至緊要舒服!
100. 現在幾點了::03：45a.m.