或者可能我真係太任性啦…係我自己諗埋一邊…

我真嘅好好好鐘意你…你其實亦算係稱職嘅bf~

但我真嘅感受唔到你嘅心意~每次我講我嘅感受出泥,

你都只係用口講你都係真心~但你有無真嘅放過心機、

心思去氹我?每一次我嬲,你總係可以話返我都有錯…

我都同你講咗好多次,對我有唔滿意地方,要即刻同我講~

咁我先知邊度要改!我真嘅有種衝動想同你講,

既然我地大家都不滿對方~點解仲要一齊?

但我始終唔捨得放手…我斷斷續續都三年半嘅感情啦…

以前我個大哥哥同我講:大家一齊得,就唔好咁易話分手,

就分手!如果唔係到時實後悔死!…………你令我好矛盾、

好心痛,忍唔住一個人傻傻地咁喊…我知我喊,

已經令你好麻目~就好似上次…你直情問,

又喊呀你?但我真嘅好難過呢~

斷斷續續差唔多成個禮拜…都好鼻塞…透唔到氣…

唔知個鼻又搞乜春春~ =o=”好辛苦啊~以前瞓覺無鼻鼾聲~

而家成隻牛叫咁………oh my god~我唔敢去睇醫生住…

因為我怕又要覆診,日日食完藥都超眼瞓,

無一刻個人神智係清醒架囉~~~我唔要又變返以前咁樣呀!

所以叫咗大魔王幫我去葯房,買d藥頂住先~不過,

又畀佢鬧:有無搞錯呀?咁樣好危險架!葯房d人信唔過架!

求其食藥,食鬼死你呀!(又下刪二百字…)

之後先收線囉XD哈哈…

我開始懷疑,究竟你對我係真定係假…我害怕,

變返做以前同wａi wａi一齊嗰陣,好傻好傻嘅我~我害怕,

你又忽然不遲而別~我真嘅無安全感…

每日只係要你打一個電話畀我,我知你唔鐘意咁…

我唔明點解…我唔出聲…我無怨言…

呢排你直頭連屋企都唔返…打畀你,你又話忙!唔忙嗰陣,

又無心機同我講野~我唔明你想點呀!我唔會嬲…

只係心有點痛~咁你同我個ex有乜分別?我嘅心情…

好差好差…我唔想聽你電話,我唔想理你啦…

你要你嘅朋友啦,唔洗再理我架啦~

我已經唔重要,可有可無…

我會慢慢為自己尋找另一個快樂嘅方法~

 如何回到當時,猶如情侶熱戀的那時?

原本今朝諗住去探細佬…點知唔知醒,

就咁瞓咗十六個鐘~爽~

今晚傻瓜唔返,咪會悶屎我?

傻瓜咁個月有咁多假…

唔知會唔會可以多d時間陪到我呢?