點解要日日留係呢個屋企同d仆街鬥氣...

同你地班友住埋同一間屋簡直係影衰我囉

出街成日係到爆粗知唔知我好瘀架?

你爆還爆但唔好係我隔離爆, 比人聽到見到哂我真係想搵個窿鑽入去=(

係呀, 我係要面  而家有邊個會唔要面? 你自己夠要顧面子啦

平時我淨係講個妖你又話我令你丟架, 你周街爆就唔丟我架? 知唔知就係因為咁我先唔想同你出街呀

讀書讀得好你周街同人講人地就比句「哇你個女好勁呀」你, 讀得唔好你又話我影衰你

家下你讀書定我讀書呀?我好想架咩? 我都想拎第一呀

邊個叫你同人地晒命呀? 而家係你自己攞黎囉

知唔知咩叫風水輪流轉,好極都有限? 你個女而家咪就係咁囉

你點怪我點鬧我我都係咁架啦, 我都想變好呀

幫人掛衫掛得唔好你又係到鬧, 大佬, 細妹唔掛我又唔幫既話咁佢咪自己掛? 一陣你地又話佢90幾歲人我地做咩唔幫佢

而家咪幫左囉, 你又話我掛得唔好, 喂, 係佢自己叫我掛個到架喎  家下我要溫maths邊有咁多時間幫你掛到好似皇宮咁靚呀?

平時唔溫書test得唔好又比你地話我顧住玩電腦, 而家溫你地班友又係到煩住哂, 咁你想我點?

我天生就係同你地唔同架喇, 我同你地完全溝通唔到

有時我仲懷疑你地到底係咪我親生父母囉=(

冇錯,我就係d咁既人  我就係呢d鐘意睇低屋企人, 抬高自己既仆街=)