呢排真係忙到我有十個謝可汶都唔掂，

學生會，

社，

功課，

測驗，

升學及就業輔導學長，

扶輪少年團，

重有低能到爆既突破大使，

雖然唔係全部野都要同一時間做，

但係其實我重有勁多野未做完囉！

功課同測驗係無可能完既，

所以唔好計，

升學同扶輪都有時有野做，

社就當然係在Sports day忙到癲啦！

（雖然Winnie幫左我做好多野）

學生會根本就係一個長期抗戰，

當個個都無heart做既時候，

我要去鼓勵佢地，

要佢地去做野，

所有學生會開既會，

我全部都要準時出席，

所有學生會搵唔切人做既野，

我都要自己搞掂，

我可唔可以都好似佢地咁，

有heart做野果陣就黎幫手，

唔想做果陣就同主席講句：

我今日有野做，

唔得閒黎開會呀，

有咩事遲d同我講返叫我做啦！

究竟有無人諗過，

其實我都想放低學生會d野，

我都想有人負責埋d野，

唔係話我咩都唔洗做，

但係起碼唔洗到最後無人做既時候，

又係我做啦！

其實純情同Winnie一直都有幫我，

係好主動咁幫手做，

我真係好感動架！

唔係話其他人唔幫手，

但係可唔可以主動少少，

其實每個人幫忙少少，

我已經做少好多架啦！

重有班男仔，

雖然成日話佢地對學生會d野唔上心，

要踢下先識郁，

但係起碼每次開會，

佢地可以到既都一定會到，

要佢地除左返學時間之外出黎做野，

佢地都無say no，

比起我地學生會有d人好好多，

其實佢地真係做左好多野，

連佢地唔在行既野都幫手做，

我都好感動架！

下個星期五就係學生會選舉，

其實我係咪真係咁想搞學生會呢？

呢個問題我問左我自己好多次，

個答案真係好矛盾，

一方面覺得，

未當選都無人做野，

當選左之後邊個會幫手做？

根本就唔係我想像中既學生會，

另一方面又覺得，

我初中已經想搞學生會，

到而家我有能力同機會搞，

係咪要圓自己既夢想，

同埋我地話唔做都做左咁多野啦！

如果無盡力就放棄，

我知我自己一定會後悔，

同埋我地原校生無理由輸比外校生架嗎！

我地班d人好勝心咁強，

基本上我地咩都要贏，

不過今次贏左我地係咪真係會好開心？

可能學Winnie咁講：

開心一日，

痛苦一年！

所以呢個問題，

到而家我都係無答案，

我而家對學生會既態度，

就係盡全力做好要做既事，

盡力去宣傳自己個內閣，

不論結果係點，

我都會欣然接受，

因為我覺得呢條路，

係個天安排我行既，

我只要順住條路走，

我一定可以去到目的地，

同埋在呢個過程中，

我一定會學習到好多好多，

所以6B既同學們，

一齊往標竿直跑啦！