今日返到去好忙，
雖然無功課抄，
但係要派紀念sheet比d人，
等佢地寫比呀sir！
d人好煩呀！
琴晚又搵唔到lau+ling，
算啦！多樣野送比呀sir啦！
之後無論上堂定小息，
都係叫人交比我同叫人簽名，
之後到左我地一日之中，
最想同最唔想到的時候，
想係因為可以同呀sir開party，
唔想就係因為係呀sir的最後一堂，
真係唔想呀sir走呀！
之後我地點左呀sir走，
之後就搬table，
之後就搬哂d野食出黎！
之後呀sir就由教員室過左黎，
之後就開始食野上影班相，
實際上係影個人相多d，
呀sir好好笑，
佢食隻雞翼食左20mins，
因為佢一食就比6、7個鏡頭對住，
做咩都係比6、7個鏡頭對住，
之後又幫我地簽名，
一陣之後教R.E個Miss都黎左，
之後我地都係不停同呀sir影相，
不過我果張唔知d相在邊個部相機度，
算啦！遲d有人會黎比返我ga啦！
之後放學，
我地係咁叫呀sir簽完名再寫字，
不過佢真係好行，
咩學業進步，生活愉快，
最離譜果句就係Good luck啦！
大Mo重好笑，青春無敵，哈哈哈哈！
之後我地就諗住去排骨屋企，
咁我地就去左何里活度等Carman，
在影貼紙相果間野度見到Seeme果班人，
之後就9個一齊行街，
因為大Mo班人，
入左間我同黃穎欣無可能會入的舖頭，
所以我同佢就去左第二度，
之後等到Carman就去左排骨屋企，
之後一d人就修眉，
一d人就化妝，
我同Carman同黃穎欣就好無聊！
之後入左排骨呀媽間房睇碟，
好好笑，張床上面有7個人，
之後我同Carman、排骨+黃穎欣出去打牌，
黃穎欣好慘呀！
食左舖炸糊，
結果輸左$20幾蚊，
但係我地係打$0.5一番，
咁可想而知佢係輸左幾多番啦！
之後我就同黃穎欣走先啦！