(1) 買一個最新型號的數碼相機：唔湯唔水，得6000元買唔到我想買嘅型號。

(2) 去一次旅行：唔去得，我放唔低我嘅猛獸。

(3) 做善事：都會，不過唔駛6000元咁多。

(4) 食餐勁：食哂6000元，唔係唔得，不過肚腩會大一倍。

(5) 請朋友食野：個個都有6000元，唔駛請啦，小朋友呢，都可以嘅，有興趣嘅報名啦。

(6) 買新單車：舊戰車剛換完零件，性能良好，暫唔考慮。

(7) 要黎交稅：只可以幫輕下，我呢d中產人士，交稅多，但社會福利就一d都冇。

(8) 換電話：手頭上已經有三個手提電話，包括 i-phone 及 galaxy tab，冇需要再買。

(9) 換個 3D 大電視：有硬件未有足夠軟件，擺部機係度阻"定"。

(10) 自己注資落強積金：都好喎，咁到底做乜要反財爺 ?

結論，對於我或者好多香港人黎講，6000元真係冇乜大作用，都係請財爺再諗清楚先至派啦。