一週回顧:
24/9/2007, 星期一:
毫無特別的一天......
25/9/2007, 星期二:
中秋正日,無得早收......
晚上本來出銅鑼灣飲酒過節,但心情突然下落,所以無出......
返到屋企邊對著電腦邊著窗一個人飲茶食月餅加賞月,直至兩三點才睡.......
26/9/2007, 星期三:
今日放假......
下午和朱大哥上了奴哥哥屋企坐和傾計......
晚上和銘&榮落左葵芳食飯.......
27/9/2007, 星期四:
心情繼續轉壞下落......
今天還要OT.......
28/9/2007, 星期五(IVE之友聚會夜):
平常地上班下班......
晚上和朱大哥, 小明, 奴哥, 基基豪, nick & 英俊 一班IVE之友每月一次的晚飯聚會......
唉~每次總是不齊人的......
29/9/2007, 星期六(張氐家族聚會夜):
本來以為今日得我同師兄&馮大哥係寫字樓,
點知下午我無出去食飯還親眼望住師兄一粒都唔出就走左, 啊頭無啦啦返o黎,
佢問我師兄去左邊有無返工(仲要問左好幾次),
我答佢:[佢今朝有返工,但我食完飯返o黎就唔見左佢,佢應該出左去食飯o者.....]
啊頭好似唔信我呢句話咁,咁又係o既,跟本啊頭自己都知道師兄早走......
今天公司噴蚊水五點鐘鬆得人.......
跟住自己一個行左陣荃灣就入左將軍奧和老豆o果邊的親戚燒野食加家庭聚會,
老豆和老豆的女人要開工o黎唔到,
三佬一家就得返我和只得7歲的所謂親細佬(老豆和他的女人所生的兒子)做三佬o既家庭單位代表......
本來老豆要好夜先返到落o黎要我送個契弟返油塘和在油塘訓一晚,
還好老豆最終都趕到返o黎,咁我咪送細佬去到油塘地鐵站俾老豆,
跟住仲同老豆吹左陣水,
唉......好少問我感情事的老豆今次都吹我快d搵返個拍拖......
和他吹完一大論之後都差唔多十二點幾為有搭MTR落旺角轉van仔返屋企啦......
30/9/2007, 星期日(裘記之友聚會夜):
朝早返裘記,啊斯今天回來了,
我把心一環,不如今次俾佢係d細路o既心中留返個刻象和俾d野佢做啦,還掂佢都唔係成日返到......
所以我就將我本來準備好晒要教o既野俾左佢教,而我就輔助佢.......
下午就上左民屋企開枱,三點幾打到差不多八點......
跟住落返荃灣,
今晚約左中學時代的5E同學和老師打邊爐,
有Miss潘,我,銘,榮,fit江,文,泉泉,英英媽媽,豬扒姐,羅楚耀&梁智彪,後來happy都o黎埋......
但Miss因為對酒起左少少敏感所以早走了,
我o地完全唔知道潘潘對酒有敏感等我同文仲倒左半杯俾佢飲.......Iam so sorry呀,Miss~......
打完之後就同銘,榮,fit江&泉去左食糖水,食完之後就返左屋企......
|
