大前晚,我同一個好朋友嘈交黎,只係為一d好少ge事

但我的確係好嬲,算叫做發脾氣吧~

其實,件事都算係我做錯ge,係我無問清楚佢一d事,而佢都以為我唔想,所以咩都無做...

本來我同佢嘈果陣,我比平時更冷靜,只知道好嬲,不停講出我想點...

有一刻,佢講了句,我真的有點心酸,佢話:「我終於知道你重視一個人係點了...我重視你,點知你重視ge係第2個人..」

果刻,我呆呆地,我真係唔知比咩反應佢好...的確,我果刻有種對唔住佢的感覺...

之後,我開始諗,我幾時開始變成敢....

以下呢段話未同過佢講...

「我識你敢耐,我所講的、做的,全都係真心,真的重視....我其實不嬲都重視你....就係因為我真係重視你,我先會嬲完都同你講清楚我諗緊咩,同埋,我次次都可以就你...我仲記得我應成了你媽媽,我會陪住你...呢d全部都係真的重視....我同你發生的事,全部我都記得,我記得呢2年幾,係邊個當我喊果陣比我攬住、記住係邊個成日做我心理醫生....最記得係我地點樣互相扶持,每次都係你陪住我過....我今時今日,終於似番個人,為自己而活,都係因為你....有一次,我真的介意你呃我而無on msn,因為果次我心諗,你應該唔會為左我無去SoSo而唔on,但結果我估錯,你真係因為呢件事而唔on...我真的失望到喊....果次之後,我想同你保持距離,但結果又點?/??我咪一樣同平時無分別,唔係我忘了自己所諗的話,而係我次次都feel到你對我好真,所以我都繼續同你講任何野,繼續keep番自己....我知道你係重視我的,但每次我真心同你傾計果陣,一遇到你的朋友,或者你有sms sd黎,or電話打黎,我會懷疑我同其他人無分別~你話我自私又好,咩都好,但我的確真係會怕....久而久之,係你眼中,我咪變左唔重視你...我認我無之前敢重視,但我唔係你口中所講的唔重視....如果我唔重視,我唔會比你黎我家、比你見我媽、每次都係我媽面前提起你....其實「佢」話我係自閉,都無講錯的,我好難會當人係好朋友,會見家人的,更少...到依家係我自願的,加埋你,先得2個...或者今次之後,你會對我有d咩變,但我都無咩所謂...最重要係我比你知道,你改造過的我真的成功,最少,我唔會再收埋自己的諗法,我唔重視你的話,我根本就可以連一次交都唔洗鬧就算數...你依家根本就知道我係咩人...傻豬,我仲係到牙!!~哈哈」