第3日
晚上的溫度的確好涷
不過係冷氣個種 大家番上房訓後
睡睡下 我隱約中聽到鄭紹輝表妹傾電話= ="(唔算係偷聽既~)
對話中的語氣同對我地係超唔同 可以用粗魯形容
放心!!絕對冇粗口成份~~至於大廳中 正有我 臭漢 勇伯3人
原本應該仲有1個鄭紹輝的 不過由於世伯走左 多左張床~
所以佢走左去訓房~而我地3條友仔就要做廳長= ="
其實訓廳冇咩所謂 而且都係我地自己揀
無得怪人 但係部死冷氣機實在太過涷 訓下醒下
我都不知換左幾多個位黎訓= ="臭漢仲見到我成晚行黎行去添
大概訓到凌晨4點幾 起一起身 去個廁所暖下個身
好彩班友仔冇熄到樓梯同走廊燈 如果唔係我肯定心寒><
去完廁所諗住飲杯水la~一開廚房門 頂!!都唔知邊個熄鬼左燈
差少少撞到= ="~挑 d水涷到我 成身都打冷震
我諗住上去拎被 不過又驚嘈到佢地 咁就唔好意思la
訓到11點幾 無lala多張被 原來佢地醒哂~
刷牙洗面 等齊人之後 落去掃下街~
班友係竟然話踩單車掃街 明知我唔識= =有心玩野
雖然我話:踩單車一到掃街 有d舖頭未會忽略左lo
但其實我為自己辨駁緊~落到去 個太陽猛到x街呢!!
首先去食紅豆餅 都幾好食 唔錯~之後就食大魚蛋
$5 2粒 講真一句 只係食大魚蛋都飽 而且我地又買左大杯自由斟
超飽的說..........
從圖中 可以見到我地買大魚蛋間舖~~
我地行一行 行深入d既地方
之後都無咩食野 所以佢地就話去踩單車 佢地上左癮>.<
而鄭紹輝表妹要走了 所以番上去執野先
佢地話就我 所以租左架載人既車~~~
就係依d啦~睇上去好易踩咁 但其實要用好大力
不過我地有個車伕 佢就係專為人服務既青子la~~
唔好睇小青子 佢的確最好 為客做到最好 顧客至上~
你睇!!你睇!!個個都幾開心~
單車男 輝爺好似冇咩表情= ="
差不多要出發 由於gap熹曬傷左 唔踩得
所以同我一齊坐 沿途中都影左好多風景相~~
去西堤出發吧!!~
我地係公廁旁到抖抖 點知d單車壞壞地
所以搞到好煩 要番去換車~輝爺佢地都黎到
路程咁遠 你話點行番去呢?
不過輝爺今次醒目 踩住壞單車 捉住載人單車條柱
唔駛點踩 平衡到同睇位就得~
番到去 等一等佢地換車 就去天后廟前面空地抖下
我地係空地度 見到一隻垂死既貓
我地就去食菠蘿冰 好吃的說
而我地就諗換多架載人車 不過麻煩就係冇人揸
就算揸都要好似青子咁好~好可惜 偏偏冇人能夠擔任
頓時覺得青子真係一個人才!!之後我地由於差不多到達還車時間
但係我地都踩去冰廠 不過糟到濤反對 因為行d多人地方
差d整到人添~青子就猛咁踩 到落斜坡個陣
濤已經叫青子佢:唔好落坑呀!!唔好落坑呀!!
但講完之後就即刻落坑 濤佢閃得快 冇事~
而我成個頭陷落條柱度 不過我竟然冇事 條柱成條彎左= ="
之後都唔敢再上 回程個陣 個個唔知做乜行去沙灘度
好似捉緊蟹wo- -見唔見到圖中有條彩虹呢?
講真 我睇番先見到~影得幾好 哈哈
還完車後 番去渡假屋lu~番到去 我同臭漢影下相咁
輝爺去廁所個陣 發現左一件大事 竟然有人屙屎冇沖廁
我地就搵個兇手la 我第1個就屈肥滇 哈哈~
其實屙屎唔係問題 不過屙完唔沖廁就好大問題= ="
最後我地推斷係表妹留低既 因為個個出哂去 得佢一個番過渡假屋
可能佢臨走都要俾番個見面禮俾我地 真係多謝呢!!
之後班人繼續打牌同winning 由於今晚是係長洲既最後一晚
所以決定夜晚出去玩~~大約7點半 換番條長褲
仲覺得日落多過似日出 而日出多過似日落= ="
臭漢佢聲沙 所以去買喉糖 去到一間舖~
間舖d野何以話貴的說 最後都冇買到~~
走個陣 濤佢唔小心一野踢走人地對拖鞋 當然冇幫人執番la
我地就去食晚飯 點知間野原來係黑店黎
頂!!$98三餸一湯 咁我地就叫左6個餸la 點知d餸勁慢黎wo
我地約左人架ma.....都算la d湯仲有勁"威"(咸)lo
依樣都仲可以忍 黎餸個陣 竟然落錯單 我地冇叫"滑蛋蝦仁"
咁我地當然唔會要la 叫佢拎走~食剩最後一碟餸 等左好耐都未黎
我地就問佢點解碟野仲未到 條xyz竟然話蒸緊 ok!!咁我地又再等等
點知都係等左好耐都未黎 蒸咩蒸咁耐呀!!之後條xyz對住我地講
"下!你地d餸黎哂喇wo" 頂!!咁你頭先又話蒸緊
咁我地就要番碟"滑蛋蝦仁" 拎出黎個陣 竟然仲問我地依家先黎食
我x佢咩!!自己落錯單仲話我地 基本上1x個人分一碟餸lo
食碟頭飯仲飽過依間野~最後每人$20 勁唔鋸wo
我地食完後就去婆婆隻船載我地去張保仔洞
由於今日講定數只係載我地去 唔會回程 所以上到去都問下婆婆點
最後婆婆叫左個啊伯載番我地~同樣$70 每人$6度
------夜闖張保仔洞------
話明夜闖 少不免就係電筒 不過冇都唔駛驚
因為有電話都得 當初以為西堤冇咩人行 點知夜晚勁多人= =
不過係情侶去個度談情 怪唔得條路咁長la
我地落左船後 就開始我地前後策略
即係有電筒2個人就一前一後 一個負責照路 一個負責殿後
而青子電筒比較強 所以前 康就後面 行左一段路後
終於到左我地要去既張保仔洞 我地一個一個咁去入
冇爭先恐後 完全可以表現得出我地3F精神
行到一個位唔會即刻繼續 等埋其他人先會繼續~
最後個位直頭要打橫行先過到~出到去 d星超令
最衰影唔到相la~行個張保仔洞好快就行遠
總覺得仲可以繼續行~要番去lu 去到等啊伯黎
點知聽d啊嬸講 原來唔駛$70咁貴= ="
只係每人$3 算la~人地搵食艱難 況且都好老了 我地唔會咁盡既
落船之後 我地又掃街 原來我地掃街掃少少都飽~
想繼續行既 不過駱駝猛話要走 所以番去渡假屋~
番去個陣 隻貓仲未死= ="咁大命既
今晚又玩通頂 同駱駝玩winning 點知抄佢8:0
第2次4:0 佢地諗住游早泳~都唔知有冇精力la
第3日完
-待續-
