第1日
今日要去長洲camp
所以10點幾起左身~同大家商討行程同路線
之後就等待時間到臨~點算好一切之後
2:50分出門了.....到達了良景OK 得臭漢1個等
仲拎左ps2 感激感激^^早前話會幫手拎...當然唔會食言
等齊人之後就向長洲出發lu~
人數有我 濤 輝 臭漢 康 勇伯 輝爺 輝爺表妹 熹 滇 大佬恒 青子
大佬恒自己去 超勁= ="~~~
我地搭960巴士出灣仔~大概45分鐘車程 落車後...我地沿天橋到碼頭
途中對面海正在皇后碼頭示威~我地熱鬧左一陣 一d內容我聽唔清楚
折騰左10幾分鐘 繼續出發 行行下見到電視台~
班友仔話想對住電視台大喊反對拆卸皇后碼頭= ="
超無奈........之後再步行 到達左碼頭 不過要等埋輝爺老豆
所以要等一等 食下野~吹下水 輝爺老豆終於到la>.<
我地搭普通船 不過排放d廢氣有d惡頂= ="
開船了!!開船了!!
我就同臭漢 熹 勇伯講心事~講番以前一d傷心事同開心事
講到勇伯同gap熹真係愈講愈火滾~一d童年回憶都冇= =
我地講講下一定會有人搞破壞....所以索性影下相
唔好話我無聊= =.......連水泡都影 但的而且確我係無聊先影
況且都要做個證據證明下先得~大概搭左1個鐘到就到達我地目的地"長洲"
落船後 我地分配崗位 一d人買野食bbq 一d人就買日常用品同野飲
長洲d建設同我地好唔同 百佳好似條隧道咁 左穿右插= =
仲要上埋樓梯添.....不過空間太少 搞左一大輪就開始向我地間屋出發lu
一開頭d路真係唔多認得 不過只要記住直行轉左再轉右= =
嘩嘩嘩~行死人咩= =要上山 不過唔係收被 行完一段斜坡
之後仲要上多一段長命梯級 加上咁熱真係死人>.<
2張睇落去好簡單~但我其實行左一段路先影 要親身感受下先知有幾辛苦
山長水遠終於到達左我地既渡假屋la~哈哈 辛苦都係值得
超搞野wo~唔知邊個竟然搞錯左人地個門 哈哈 笑爆
入到去 我地開始分配房間~共有3間房 13人
有1間房要俾輝爺老豆同表妹
所以決定將床合併加多張尼龍床 空間有限 影唔到全相
抱歉!!抱歉!!至於其他人就要將就下訓廳lu(包括我)
青子就落去接大佬恒上黎~~
放好哂野之後就開始bbq~嘩!!開個落地玻璃時超多蟻
出到去又超多昆蟲 仲有好多隻田雞添~駱駝佢超變態
捉隻田雞落個袋度 之後猛咁轉佢~佢再變態d都仲得
不過最後放生左佢~佢都奄奄一息= ="差不多就死
講真!!有d幾對唔住世伯 全程佢做哂 我地等食~
依個就係我地個爐喇~張相日頭影 我地bbq係夜晚既
最衰就係冇得唱k 只係可以聽歌 不過有得玩ps2
諗住bbq完左先打~~今次bbq都ok 冇上次咁悶
都講下笑咁~食完之後 成班友仔入哂去打機
一d就"鋤Dee" 自家炮製4絛"煙" 哈哈
一d就winning~
玩到悶就打麻雀~~
第1晚多數訓唔著 所以決定玩通頂~~
11點幾我就沖涼 之後繼續捱夜~
佢地全部winning狂 差不多成晚玩winning 冇換game= ="
佢地玩鋤Dee玩到要做掌上壓 抄得最多個一個人就要做
世伯入黎玩玩 超勁 哈哈~~駱駝連輸 笑死人~
大概凌晨3-4點 玩抽大小 最細要做10下掌上壓
不過係累積的 肥滇超搞笑~佢出矛招 佢當時攬緊個"咕順"
之後扮有隻野係佢隻手度 佢一野扔走個"咕順" 我地全部人集中起個"咕順"度
佢就乘機從中換牌 之後就扮無野咁講"我k呀!!驚咩呀~~"
俾我地踢爆左~不過我地個個都老屈佢 事後真係有隻野
第1日完
-待續- | 
