26/3/2010 本人於某大論壇早上1:30時打下以下見解......
正道集團(1188) 我係18/3以0.36 IN 買入後曾穿過兩次"三年不破之頂"都冇放~原因係好簡單就係對佢有信心!!
首先第一日破頂係上星期五(19/3)當時見到既係如常0.4呢個位慢慢起城牆(以下稱"鋼牆") 起左10M貨, 當時都諗呢個頂真係做都做比你睇，10M貨唔小野, 一心諗住又頂死, 點知一個開車~掃晒上到0.405又沽壓即出, 莊家有心做假破, 如果唔係既話上面根本守唔到衝上去既動力, 之後回番0.39~0.395時，第2次既鋼牆又黎，0.4又係10M貨壓，掃左小小又衝唔過，之後就收市收係0.39, 第一次見到同一個位掃完10M，又再出現10M既沽壓，你都咪話睇小佢個"三年不破之頂" !!
22/3(一) : 開市低開0.38，但2分鐘已經上番0.39~0.395，因為我用串流係睇住佢2分鐘上到0.395，鋼牆又出動了，再一次0.400又11M貨壓，但再一次試破成功上到0.41，又因沽壓回番0.385附近徘徊，當天收報0.395
講到呢度大家已經睇到兩次破左頂都開唔到車，其實真係有D灰，我D朋友0.400 ~ 0.405走左一水貨我都仲未放，有時都會覺得自己有點ON9, 不過信心依然同我講睇好，基本因素同技術分析都幾令先KEEP到宜家...
當22/3收0.395既時候大家一定期待23/3一定會再穿破0.400~0.405呢個關口，但重點話你知1188唔單只要破仲要企得穩係0.400呢個重要點
試破但企唔穩係0.400已經有點問題，仲要兩次，仲要沽壓好很大，真係有點灰心。點解唔0.405沽走獲利。
23/3(二) : 相信T+2既朋友係要時間走人，依然0.400 ~ 0.405又係鋼牆啦，加埋應該接近20M既貨沽壓，再一次嚇左成班短炒佬離場獲利，因當天高位0.400，但破不到鋼牆, 相信三天都不破已經嚇左又震走六成人，午市更加壓，莊加嫌D貨唔夠平收市收報0.37，看一看，好坦白，我由可以WIN 8格變得番2格既利潤，真係再一次灰左，不過我EQ夠冇比佢震走
24/3(三) : 開市馬上有人見低高納博再穿，因0.37進可攻退可守，馬上裂口0.38開市，又係好快去到0.390 ~ 0.395，鋼牆又出現，慢慢又10M了，0.405都起碼6M=.=
但今日特別的是鋼牆識行前左，由0.400呢個位竟然轉左係0.395有成8M貨壓，呢招好狠咁應該又震左唔小人 沽壓太大，悶死人咁收0.385...........
25/3(四) : 呢個環境 + 大市又唔就隻野開市低開0.375...但2分鐘已經上番0.380 ~ 0.385，但沽壓0.395既鋼牆又行前左一格，0.39又係重貨建牆又見8M貨....心諗莊家真係想震走我定想再狠D，再狠我看冇人跟佢玩，之後牆出左不久10:36AM就停牌了
總結
岩岩睇埋個消息原來按每股0.35元配售最多7.5億股股份，所得集資淨額約2.45億元，將用於未來投資、技術研發及一般營運資金用途。
0.350呢個價又唔係太差，好合理佢點解停，如果再嚇走所有人個價變到0.36咁，配股果D人覺得冇咩好處又點會買呢，現價0.380黎睇折讓約7.9%配股都OK
起碼公司肯做野就算係好公司，唔似一D得個殼既，果D你仲驚
綜合咁多天睇即市盤黎看~莊有心呃人高位入，再大震大壓，邊震邊吸，每天做既野都一樣，但24號突然把鋼牆移前一格，有心大大力震走冇EQ既你同我，加上即市盤睇得出莊家好多"暗掃" 有一天係掃0.385呢D位，莊做得圓底仲要係呢D時間再大手大手咁吸貨，一句講晒，今次真係要爆啦
25/3 10:36前莊有心唔比人買，上面沽壓由0.385開始到0.4已經好好好好多貨壓死你，根本今日唔停牌，冇可能上，唔好話0.400，0.39都難。
