|
|
2009 年 7 月 16 日 星期四  |
|
第18集 難捨難離的舞會 |
|
第18集 難捨難離的舞會
舞會當晚....
有好多人都盛裝出席,每位女生身邊都有一位男生陪同進入禮堂跳舞...
晧斯挽住勝倫既手進入禮堂,令好多女生見到都好興奮。
早到場既愛靈同聖賢見到勝倫同晧斯都有d驚訝,勝倫身穿黑色燕尾服,身邊既晧斯則穿著低胸tube銀色裙。
勝倫同晧斯跳舞,引起好多人既注意,因為型男配美女,係天生一對既象徵。
勝倫依舊微笑,但佢既微笑,完全無真正既快樂。而晧斯就同佢岩岩相反,佢展示佢如天使般美麗既微笑,令人眼前一亮。
大家都默默為呢一對戀人祝福著。
忽然間聖賢向愛靈遞上手。
「May i ?」聖賢誠懇甘望住愛靈。
愛靈溫柔點頭。之後就將手放上聖賢既手到,愛靈隨住聖賢既步伐慢慢甘跳,佢好享受同聖賢跳舞既時間...因為呢個時候係佢最輕鬆既時候...
忽略間主持人走上台上...
「各位老師,各位同學...歡迎你地盛裝出席今次既舞會....希望各位同學會享受今晚既舞會啦!」
「另外...為左令呢個舞會搞得好玩一d...我地會現場抽籤...等同學可以同唔相識既同學結識一番...」
愛靈個心一沉,,,
(抽...抽籤?)
主持人:「....呃..女同學都應該係老師既抽籤箱到抽到自己既紙仔....如果張紙仔寫左邊個男生既名既話,,,你就要同佢跳舞。」
有一個女仔跑到聖賢身邊....
「我..我抽到你個名...」李明花怕羞甘講。
聖賢無奈:「呃....同隔離班個果李明花跳舞...」
晧斯打開完張紙之後...發覺同自己班個果暗戀左佢好耐既男仔跳舞....
晧斯個樣即刻變哂:「點....點解...會...甘....」
當愛靈抽到張紙之後...都好緊張....
愛靈好快面青哂心諗:(一定...一定唔好係佢....一定唔好....一定唔好...)
愛靈慢慢打開張紙....
愛靈雙眼睜大....
(點....點解....會....)
愛靈抽到申勝倫.....
之後忽然有個人企係佢面前...
勝倫彎腰遞向愛靈上手:「May i ?」
愛靈無辦法之下...只好將手放上勝倫既手到,之後跟住佢跳....
有好多人都望住佢地跳舞...當然晧斯同聖賢都望住佢地...
綾靈緊張到有好幾次都唔小心踩到申勝倫既腳,
但勝倫既表情冷峻,完全唔介意....
「對唔住..」愛靈有d唔好意思。
勝倫並無講任何說話...只係好溫柔,幸福一笑。
(點解....佢會...笑得甘溫柔?同..頭先晧斯跳舞既時候...既笑容...真係好唔同...)
愛靈不經意地緊緊甘握住勝倫既手....
(點解...我會...有唔想離開佢既感覺...)
晧斯遠遠甘望住愛靈同勝倫...
晧斯怨恨甘心諗:(點解...勝倫要同愛靈跳舞.....點解....點解....)
同晧斯跳緊舞既男仔既手被晧斯捉得勁緊....
「呀..好..好痛..」個男仔大叫。
晧斯扮無辜:「呃..真係..真係好對唔住呀...」
個男仔好無奈又唔捨得鬧晧斯:「呀....唔...唔緊要!」
聖賢凝視住勝倫同愛靈跳舞....
(要好好把握...同喜歡既人跳舞既時間..)
忽然間...成個禮堂既燼燈都熜哂,大家都好驚訝!
「死啦!我乜都睇唔到呀!」
「搞錯呀!我地有交電費咖wo!點會停電咖?」
「係囉!甘黑!點算好喔?」
眾人都議論紛紛甘摸黑討論.....
愛靈同勝倫都停哂腳步,但手依然拖住。
愛靈雖然望唔到勝倫...但發覺佢都凝視住佢甘....
忽然有人起哄...唔小心撞到愛靈,之後愛靈傾前,撞到勝倫懷裡....
愛靈係呢一刻...有一種動力牽引住佢,令佢無法離開勝倫....
當愛靈意識到自己個頭正靠住勝倫既時候...佢立刻退後,點知勝倫伸手將佢擁入懷抱。
愛靈被佢呢一個舉動嚇親,但佢無即時推開佢。
(佢....攬得我....好實...)
之後勝倫慢慢放開雙手.....愛靈睇唔到佢個樣....但感覺到勝倫佢用好憂傷既眼神望住佢。
正當愛靈想睜大雙眼睇清楚勝倫個樣既時候....
勝倫伸手撫摸愛靈既臉龐....
愛靈憑少許光線望到勝倫藍色眼眸正傷心甘望住佢..
愛靈睜大雙眼...想睇清楚佢既面....
之後愛靈呆左....當佢回神時....d燈已經亮起....
全部野都已經回復番正常...當愛靈回神後...勝倫已經唔係佢身邊...
愛靈低頭心諗:(點解..佢摸我快面既時候....我會有一種好熟悉既..感覺....)
聖賢走到愛靈身邊...
「妳冇事嘛?」聖賢問道。
愛靈搖搖頭。
聖賢就好似鬆一口氣甘:「甘就好啦!」
愛靈望到勝倫已經番去晧斯身邊....
之後愛靈:「我...想走先..」
聖賢微笑:「我送妳!」
愛靈點頭。
勝倫望到愛靈走既背影...都有d落寞...晧斯開始發覺...勝倫既心...開始變...
===============================
番屋企途中...
聖賢忽然開口:「愛靈!」
愛靈問:「吾?」
聖賢低頭:「我....勸妳...都係小心d林晧斯!」
愛靈:「呃?」
「其實...無其他野..我..我...只係...隨口講..」聖賢發覺自己講多左野。
愛靈微笑:「吾..我到啦!唔該你!」
聖賢點頭...目送愛靈既背影..不禁有d擔心...
(希望佢唔會...有事...)
================================
「勝倫...你話過...唔會離開我...」
「冇錯....我...唔會離開你...」
================================
續....倒數兩集
|
|
|
|
| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
的出回表:
