放學時...我滿懷歡喜地執拾好文具,等待去由衣屋企。
坐係我旁邊既任嘉望問我:「你今日會唔會去圖書館喔?」
我苦笑:「唔啦....今日我約o左人喔!聽日先可以黎圖書館幫你手,真係唔好意思喔!」
佢微微點頭,便一言不發。
「行得未喔?」一把溫柔既聲音,引起我注意。
我抬起頭...原來係由衣:「喔!由衣!行得咖啦!」
由衣溫柔一笑,但我唔知係咪錯覺,我發覺佢有一殺那望住任嘉望冷笑。
但我冇為意,任嘉望只係起身,拎起書包就走o左。
由衣眼定定望住任嘉望身影....我拍拍由衣膊頭:「由衣?我地行得咖啦!」
由衣轉身望住我:「嗯!」
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我地坐的士大約十分鐘就到...
我一落的士就見到由衣屋企門口。
哇....真係...好大....係獨立屋黎咖!
我呆望住間屋....我諗我個傻樣實比由衣見到啦....
「羨兒?」由衣叫一叫我。
我即刻回神:「係!」
「入去啦!」由衣甜笑。
入到屋...我見到由衣媽媽企o左係到等我地:「由衣...番黎啦?嗯?仲帶埋朋友黎屋企玩tim喔?」
由衣媽媽著住一身洋服....十足一個貴婦咁...但完全冇架子,應該係個好溫柔既媽媽黎。
「伯母你好喔!我叫呂羨兒係由衣既同班同學喔!」我輕聲地介紹自己。
「嗯!乖!入黎先講啦!」由衣媽媽帶我地去客廳坐....
由衣則跟係我後面。
去到客廳...由衣同我講:「我地不如上房傾計啦...」
「媽!d茶點..我拎上房得啦!」由衣輕聲地向佢媽媽講。
由衣媽媽則輕笑:「好啦....咁你自己拎上去啦!」
上到房...
由衣將茶點放係茶几上。
「隨便坐啦..羨兒。」由衣微笑。
我點點頭,就坐係地上。
由衣拎起件蛋糕:「你唔食?」
我搖搖頭:「由衣....我...」
由衣用另一隻手遞件蛋糕比我...示意要我食。
我只好聽佢講..食o左件蛋糕先講。
當食完成件蛋糕之後....由衣再飲果汁....
而且只好跟住佢一齊飲...
我知道如果我再唔問...我就一直唔知道由衣佢點解嬲我。
「由衣!其實...其實我真係好想知道...點解你...點解你今日唔同我講野...同埋要嬲我喔?」
「係..係咪我做o左d咩令你嬲呀?你...你大可以話我知咖。」我一口氣講o左出黎。
由衣飲緊果汁既動作忽然停低。
之後慢慢放低個杯....
忽然好陰沈沈地講:「因為....你唔放我在眼內。」
我唔係太明佢講咩:「你....你講咩喔?我一直都當由衣係我最好既朋友咖,點解你要咁講喔?」
由衣忽然站起黎...慢慢行到我身邊:「聖誕晚會個晚....你居然唔同我講聲...就走o左....連電話都唔打比我....我太失望啦...」
「真係...真係好失望...」由衣跪係我前面...慢慢烘埋我耳邊:「我明明...係你最好既朋友....但點解...你要咁做喔?」
「你...係咪中意o左...任嘉望?」
我難以置信地搖頭:「由衣....」
「任嘉望!一定係因為佢....係佢分開我地....我要...剷除佢....等你...唔會忽略我,只注視我。」
我好想跑出呢間房..但我覺得我手腳無力....視線...好暗....
由衣...點解要咁做....我地唔係好朋友咩?點解要咁對我?
「羨兒係我最好既朋友....」
「我想你...一直留係我身邊....
「反正....你爸爸媽媽都已經唔愛你...不如一直留係我身邊啦...
「好唔好喔?
我感覺到由衣緊緊咁抱住我....
漸漸我就失去意識....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第二日...
任嘉望一行入班房...就意識到班中既人眼神非常有敵意,,,
但任嘉望裝作冇事發生咁...行到自己個位到...
一望就望到桌上...
被粉筆,豉油....食物殘渣等等整污糟既書桌...
任嘉望冷眼望一望之後...便轉身行去洗手間拎毛巾....
行到男生廁所...忽然有一班男生撲到任嘉望到...一拳打到任嘉望身上..
.任嘉望其實一早就知道..廁所有人埋伏,所以一早已經有心理準備要同人打交...
打o左一陣....任嘉望居然身上只有一個傷口....就係忽然被人打一拳個o下...就冇啦...
任嘉望番到班房就平心靜氣抹自己張書桌....
佢發覺由衣正望向佢呢面....任嘉望冷眼別過頭...再望向我張枱...
(今日....呂羨兒冇番學....)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當我醒來時....已經係第二日既下午既三點啦...
我用盡所有力令自己坐起身....
發覺自己坐係床....係由衣既床....
原來我已經訓o左成日....成日都冇番屋企....
媽媽..同爸爸..會擔心我嗎?
我低頭....心諗...係啦...宜家係三點...由衣應該仲番緊學...
我發覺有d野整到我好唔舒服....原來係我部手機...
係啦...我要搵人黎救我先得,,,,搵爸爸媽媽?
唔得....搵佢地...都未必會相信....
我即刻諗到既...係任嘉望....
我用盡我所有力去拎部手機出黎....
終於比我拎到...當我正諗緊打咩好時...
房門忽然開o左....
的出回表:
