第3回 溫暖的感覺
我唔知點解有一種好驚既感覺但我又冇做錯:「我......」
我冷冷甘望住佢「我只係...」
在祈佢好快甘行到我身邊就伸手拉起我走...
我被佢拉走...我望住仲繼續坐係到既阿博佢用一個好平靜既眼神望住我....
我低頭細細聲甘講左句:「對..唔住」
阿博佢只係目無表情甘望住我被在祈佢拉走....
而我....就毫無反抗之力...
當出到去M記時....
在祈冷冷甘講:「我地番學校!」
我問:「點解呀?」
在祈好惡:「我話番就番!」
我冷笑:「嘿!真係好笑!我雖然係你既未婚妻,但係....唔好意思!我既私生活都係我既事!」
我再加重語氣:「我同邊個食野...都唔關你事!」
我甩開左佢隻手...就轉身走左...
之後佢再次捉住我....我冷冷地轉身一望....見到佢個樣好嬲。
「我係妳未婚夫,我就有權干涉妳既事!」
我望住佢捉住我既手....之後好大聲甘講:「放手!」
佢唔肯聽我講...所以我再次大聲:「我話..放手...聽唔聽到呀?」
佢都依舊捉住我隻手...力度仲愈黎愈大..搞到我隻手剛剛好番針孔傷口...開始痛...
我忍無可忍...就提起隻腳...一腳踢去...點知...佢用另一隻手檔住....
好多人都係旁邊指指點點.....我一於少理......不過為免再同佢鬥落去...我用另一隻手推開佢...
佢都知道自己用得太大力...個樣都有少少內疚。
我轉身走....
有個男仔望住我...我就啤番佢:「望咩望?」
=============================
當我番到學校....倩名佢好擔心我...
倩名溫柔甘問:「雷嵐!妳冇事嘛?」
我用左手輕輕甘摸自己岩岩同金在祈打交受左傷既右手:「嗯...冇事!」
倩名捉住我既手:「雷嵐....唔好再去醫院啦...」
我明白倩名既擔憂但係:「倩名!對唔住...」
倩名:「但係...妳既身體...愈黎愈差啦!如果...如果再係甘落去...」
倩名既老毛病又再發作啦...佢每當望住我既手...佢又會不其然甘流眼淚....
我輕輕甘拍拍倩名既手:「放心啦!我唔會有事咖!」
倩名低頭:「既然妳要繼續...我都阻止唔到....但係...我永遠都會係妳身邊....
我微微笑:「多謝妳!」
之後倩名就番去佢既班房。
============================
ps:倩名佢同在祈一班咖!而雷嵐就同.....嘻....
============================
當我番埋位坐左無耐.....忽然間有人好大力甘開門。
我抬頭一望...係佢?
阿博佢....慢慢行過黎我身邊....
將一袋野放左係我枱面....
我疑惑....
「頭先...妳d野都未食哂...妳一定好肚餓...」
佢講完呢句說話之後...就番埋位...
原來...我同佢係同一班....
我慢慢打開果袋野...
裡面有麵包,糖同維他奶....
我抬頭望...佢...已經訓左係張枱到....
佢..份人...原來都幾細心....
第一次...有男仔對我甘好....
唔知點解...有一種...唔識形容既感覺...
續....
的出回表:
