第24集 我要每個人都要傾慕我。
當阿貓番房訓之後.....
阿帥坐左係梳化到.....
(我知道...一直以黎都係呃緊小雲既感情...)
(係我唔好....當初...唔應該答應bee佢..)
(唔係既話..就唔洗搞成呢個地步)
阿帥佢覺得好自責....佢唔知道應該點做...
(我....傷害左..好多人...)
(唔止小雲....同阿bee)
阿帥佢慢慢起身....走向阿貓既房門....
佢慢慢打開阿貓道門....見到阿貓熟睡既樣....
(就連自己妹妹都...)
=======================
我呆坐左係張床到....
我真係唔敢相信...
我一直以黎....係比人玩緊....
更加冇諗過既係....
同阿帥一齊個果竟然會係阿bee
我邊食雪糕邊係到呆.....
哈哈...好傻呀可?
呢個時候仲係到食雪糕....
但係....我....真係..好痛....
今次...又再次令我跌入一個無止境既深淵....
我d眼淚......情不自禁甘流...
我...唔可能再相信任何人....
唔可能再真真正正地去喜歡人...
我..要改變...
唔單止係外表上既改變...
就連...心都要...
===========================
第二日...
我將面上既妝....化得冷豔...
令自己變得冷漠....
連校裙都特登改到好短...
行到校門...有d老師已經望住我...
d老師好似一隻見到蜜糖既蜜蜂一樣...
圍住我...
A老師好惡甘:「同學!裙!面!頭髮!」
B老師好唔滿意甘:「全部都唔合校規既準則!」
C老師佢已經用筆記緊::「要記一個小過!」
B老師:「聽日要換過哂新既裝束,唔係既話!學校就要再一次比你大過!」
A老師:「聽到未呀?」
我冷冷地推開佢:「關妳地咩事?」
之後就行走左...
佢地都好驚訝...地望住我個背影....
番到課室....更加唔洗講..
D男同學都望住我...
有個平時已經睇唔起我既男同學行左過黎..
「小雲!睇唔出妳都要夠料WO!上又有..下又有!」
我冷笑:「係咩?我唔覺WO!要上又有下又有既話!唔該!去雞場啦!」
佢O左嘴...之後行走左:「嘿!仲諗住溝妳TIM!算囉!」
我冷笑...乜佢有資格咩?
忽然間有人嗌我:「小雲!」
我轉頭一望...係...小黑...
=========================
天台....
小黑佢粒聲唔出....
我都唔知應該點開口....
小黑佢目無表情甘望住我:「點解妳要甘..」
我抬起頭:「改變!」
小黑疑惑::「改變?」
我向佢微笑:「我要...改變呢個自己...我唔要..比人睇唔起...我要...個個都傾慕我...」
小黑:「就係為左阿帥?」
我聽到阿帥呢兩個字就即刻好反感:「唔係!」
「既然..我係有可能變成靚女...甘又可樂而不為?」
我慢慢靠近小黑:「係唔係..好完美?」
小黑佢搖搖頭之後目無表情甘:「一D都唔櫬妳。」
我聽完佢呢句說話都有D嚇親,之後卻裝冷靜:「嘿!甘....算啦!我都唔係你杯茶...無謂浪費時間!」
我微笑:「好啦!我要落去罰企啦!係甘啦!」
我頭都唔回就甘就落左去...
======================
當落到教員室....
佢..竟然係到....
的出回表:
