第4集 孤獨的我
放左學之後....當我想走既時候...
有人拍我膊頭...我回頭一望...原來係阿博。
我無奈:「嗯?」
佢遞左佢部手機比我:「手機number。」
我有d疑惑但都禁左自己既手機number落去就遞番比佢。
之後我就轉身走。
當我行到校門....管家同私家車已經係到等緊我...
我慢慢行到管家到....
我冷漠甘講:「我今日自己番去得,跳舞果面....留番聽日先。」
之後我就轉身走左....管家就好無奈甘企左係到。
今日倩名都唔係到...我又唔想去練舞..又唔想番屋企...
所以...我想自己去行吓....
當我行到一間書局....見到有幾位女生係到討論緊d野...好似好興奮甘...仲笑得好開心...
唔知點解...我有d羨慕佢地...甘開心...
但我望向防盜鏡裡面既我...真係..好孤獨....
我暗暗地心諗:(果然...唔應該自己出黎行。)
我低頭...就離開左書局....
我唔想再留係d甘熱鬧既地方到...
於是我就急急腳甘走.....
當我轉身時...
卻比我見到...在祈同倩名。
我見到佢地..但佢地見唔到我....所以我好快甘搵地方避開佢地...
我見到...倩名佢..好似好開心甘...而在祈佢都笑得好燦爛....
其實...一直以黎...我都知道...倩名對在祈佢有意思...而在祈都知道倩名佢中意佢...
只係..佢地唔想我唔開心...先唔話我知。
每次...當我覺得無聊時...我就會去一個地方...
果個地方..就係醫院。
醫院
鍾醫生無奈:「阿嵐?妳又黎呀?」
我微微點頭。
鐘醫生係由我一出世到宜家已經係我既私人醫生...
所以每次黎呢到...我都只會搵佢..而唔會搵其他醫生。
鍾醫生有d擔心:「阿嵐...妳都應該知道自己身子係點...點解仲要不定期地黎捐血?」
我無應到醫生...只係冷冷地望住窗外...
「由細到大妳都係甘..每當我想阻止妳既時候...妳都唔理我!」
「好啦!我幫妳啦!但只可以捐100毫升!」
我將目光放番係醫生身上,之後微微點頭。
=================================
當捐完血之後...身體仲係好重....但係心裡面..總有一份滿足感....
「阿嵐!洗唔洗送妳番屋企?」
我微微搖頭...示意唔洗。
醫生有d唔放心...但係佢知道我性格掘強所以都唔再講野..
只係輕輕地扶我落去醫院門口....
我慢慢甘行...
一邊望住自己手上面既針孔...
雖然針孔既疤痕係好難消失...但係...我唔介意...
因為....佢會幸福。
================================
番到屋企之後...我全身都冇哂力...
真係好攰....
忽然有人拍門...我知道係倩名...
「小姐!食得晚飯啦。」
我訓係床到...完全唔想應倩名....但我知道..甘做的確好幼稚。
倩名隔門問:「嵐...妳..係咪唔舒服?」
我知道如果我一句野都唔答佢,佢會繼續煩住我所以:「我冇事!我只係冇胃口!」
「甘好啦!我會留番晚飯比妳!」
我訓係張床到...覺得好攰...唔想再講野...
之後,,,我就訓著左...
當到左夜晚...
我慢慢醒左...
望一望個鐘...已經凌晨2點。
個肚都有d餓。
當我正想落去拎野食既時候...
手機無啦啦響起....係sms既鈴聲。
我行去書枱拎起部手機一睇...
係阿博。
我細細聲甘問:「我...我係...雷嵐。你..搵我?」
阿博:「嗯。宜家出唔出得黎?」
我:「你話....宜家?」
阿博好自然地:「吾!」
我有d擔心:「但係...好夜..」
阿博冷靜地「唔怕!」
唔知點解佢一講「唔怕」呢兩隻字...我就覺得佢有種可靠既感覺..
我答應左:「吾吾!」
===================================
續...
的出回表:
