|
|
2009 年 9 月 15 日 星期二  |
|
第28集 要令自己幸福而不後悔 |
|
第28集 要令自己幸福而不後悔
早上.....
我已經冇心機上堂..留係屋企算...
我抬起頭...望到化妝枱上既化妝品...
我又諗番起阿BEE佢...
係佢...教我點變靚自己...
教我點樣有自信...
教我點去為自己爭取愛
但係...卻因為我...因為我...佢同阿帥先會...分開....
點解..點解...因為我...
宜家..阿bee佢...唔知點呢?
======================
小黑:「帥...阿bee佢情況如何?」
阿帥微微搖頭:「差。」
「嗯..小雲佢..今日冇番學。」
「係咩?」
「嗯..」
小黑明白阿帥宜家既立場...佢知道阿帥應該以病緊既阿bee為先...畢竟...阿bee先係佢真正既女朋友。
「帥....你..中意阿bee多d..定係..小雲多d?」
阿帥靜止左一會...之後答:「阿bee。」
小黑點頭:「明白。」
小黑之後轉身走...
阿帥望住成身都插哂喉既阿bee..
阿帥輕笑:「妳會..好番。」
============================
小黑佢急急腳番學校....
因為...
電話中...
小黑:「喂?唔該...我想搵小雲。」
「吓?小雲佢番左學啦wo!」
「哦?係...唔該你!」
當去到學校...
咁岩係小息時間...
小黑去到我既班房....
見到我寫緊筆記...
小黑:「小雲!」
我慢慢抬起頭:「小黑?」
=====================
「妳又會...番左黎學校既?」
「呃...還掂...係屋企都冇野做...番吓學都好呀!」
「嗯..」
「係呢...你搵我..有事?」
「冇...只係..」
「呃?擔心我?」
小黑微微點頭...
「嘿嘿!咁得閒擔心我..不如去睇多d阿貓啦!」
小黑有d面紅...
「阿貓佢咁靚女...你呀!等阿貓醒番之後呀!一定要好好追人地呀!」
小黑:「點解要...笑?」
我慢慢笑得好硬...
「明明最痛苦既係自己...仲要去理人地既事。」
「點解要..咁做?」
我低頭...
小黑輕輕咁捧起我既面龐:「妳呀!點可以放棄咖!妳都要...同我一齊,,,努力。同到自己喜歡既人一齊為止。」
小黑佢...支持我...
我眼角..慢慢流出眼淚...
「我..有機會嗎?」
小黑點頭:「當然。」
我低頭用手捽走d眼淚..之後有自信咁講:「係!我會努力!我..我..唔會輸比小黑你咖!」
小黑微笑:「咁先係..我識既小雲..」
我微笑點頭....
冇錯...我...一定要....爭取自己所愛。
=========================
放學時...
小黑部手機無啦啦響起....
之後佢無奈一笑...我微笑示意叫佢聽。
之後小黑cut左線之後...
我見小黑個樣唔對路所以問佢:「小黑..係唔係發生咩事?」
小黑低頭:「阿貓佢...醒左。」
我笑一笑之後問:「係?真係既?咁就好啦!但係..點解你..個樣...咁唔開心既?」
小黑粒聲唔出就拉住我隻手...向的士站既方向行。
===========================
當去到醫院...
我地入到病房....我見到醒番既阿貓同照顧緊阿貓既阿帥....
我知道我遲早都要面對阿帥,所以我見到阿帥都冇咩尷尬既感覺...
我留意到阿貓...
雖然佢塊面都係咁蒼白但係...算係幾精神。
之後我就拉住小黑入去啦...點知..小黑佢企定定唔郁?
我問:「小黑?係唔係唔舒服呀?」
小黑佢搖搖頭...眼定定咁望住阿貓
我見到阿貓佢望住我同小黑,,,佢既眼神點解...咁迷茫既?
之後,我都係拉住小黑行到佢地到...
小黑用盡力咁叫但都係好細聲:「阿...貓..」
阿貓佢雖然聽到...但係...佢下一句竟然係:「哥....佢地係邊個黎?」
阿帥無奈咁望住阿貓..都唔知道應該講乜好...
我都唔知比咩反應好....
更何況係小黑?
我抬頭望住小黑既樣...佢個樣真係好震驚...
阿帥微笑:「貓...佢地...係你好朋友..」
阿貓笑:「係?哈哈..真係好啦..我又有新朋友啦!」
小黑佢唔敢相信...阿貓佢...忘記左佢...
小黑慢慢退後幾步..之後轉身走左...
阿帥都無奈...因為佢明白小黑佢需要既...係時間...
阿貓問:「哥...點解佢要走既?」
阿帥:「因為...佢唔開心..」
阿貓低頭:「唔開心?點解唔開心呀?」
阿帥輕輕拍拍阿貓既頭:「因為..被喜歡既人遺忘。」
我聽到阿帥所講既野..我已經明白哂...阿貓佢..失憶...
之後佢哄完阿貓訓覺之後...
我同阿帥就行出房門...
我微笑:「我...走先..」
阿帥都點頭。
我明白到..宜家呢個時候..唔應該浪費時間係感情上...應該好好咁處理宜家大家要面對既問題至岩。
我行到半路..之後轉身問:「阿帥!」
阿帥佢望住我:「係!」
我堅持咁講:「我...想睇阿bee!」
============================
之後我同阿帥就去到阿bee屋企門口...
之後阿帥禁門鐘...
阿帥拍拍門:「阿bee..我係阿帥。」
之後道門開左...
我地就推開門...
阿帥:「妳..去佢房。」
我點頭。
我行到阿bee既房....
輕輕咁拍門..
之後我聽到阿bee好虛弱既聲音:「入黎。」
我慢慢推開道門...
慢慢咁見到...我最好最好既朋友...
佢...訓左係張床到..
阿bee佢病到..連眼都打唔開...就只係開口講:「阿帥...你黎左啦?」
我掩住口..盡量唔比自己既哭聲發出...
我d眼淚又流...點解....點解會咁...
阿bee:「帥...點解..唔出聲?」
我慢慢行到阿bee床邊..之後輕撫阿bee既臉頰...
阿bee發覺呢個動作唔似阿帥..之後就慢慢打開雙眼:「阿....小..小雲?」
我掩住口,不斷咁點頭...
阿bee無奈一笑:「阿帥帶妳黎?」
我只係識得點頭..再講唔出任何野...
阿bee慢慢起身...好勉強咁...
我輕輕咁扶起佢....
之後阿bee坐好之後...就微笑地望住我....
阿bee輕輕摸摸我既臉:「化左妝既小雲真係好靚?」
我捉住阿bee既手:「因為妳...令我變靚...因為妳...令我..幸福...因為妳令我得到愛..」
阿bee無預料到我咁講:「傻妹...自己既幸福...應該係由自己爭取...唔係人地比既。」
我搖頭:「如果唔係妳..我都識唔到阿帥..如果唔係妳既話..我都唔會咁快樂...」
「但係相反...我乜都比唔到妳....」
阿bee搖頭:「唔係...妳...有比到幸福我...」
我輕輕抬頭:「我..有咩?」
阿bee:「妳只要...同阿帥幸幸福福咁...我就..心滿意足啦..」
阿bee:「我..要阿帥佢..同妳..開開心心...唔要...有憂傷...咁就可以啦..」
我:「阿bee..點解妳要...將自己既幸福比我呀?」
我不停咁搖頭「我根本就唔配....」
阿bee憐憫地望住我:「每個人都有權利去爭取愛....妳點會唔配?」
我:「但係...妳同阿帥佢....係相愛對方...我...只係第三者...」
阿bee:「一開始...我同阿帥就唔應該..係埋一齊...」
阿bee再講:「應該話...一開始..我唔應該..愛上阿帥...」
「如果...唔係中意阿帥既話..我就唔會..傻到去..食安眠藥自殺。」
阿bee:「小雲...我知道阿帥佢唔係因為中意我而去照顧我...呢一切..都係為左補償...」
我:「但係..」
阿帥慢慢推開門...聽到阿bee咁講....
阿bee:「阿帥...過黎..」
阿帥慢慢行到阿bee身邊...
之後阿bee伸手捉緊阿帥既手:「帥...」
阿bee再用另一隻手捉緊我既手:「小雲..」
之後阿bee將我同阿帥既手疊埋一齊..
阿bee:「為左唔要令自己後悔..你地..要幸福..」
阿帥:「bee...」
阿bee甜笑:「你地要..幸福...我亦都會..尋找我既幸福。」
我心裡:(要幸福....唔令自己後悔)
我同阿帥佢對望...
================================
|
|
|
|
|
a_____a阿bee好好人
希望佢地幸福拉;嘻"!
|
網主回覆
@@?
其實///由頭到尾...都冇講過話阿BEE係衰人黎-口-'' Posted at 2009-09-15 02:25 PM [ 編輯 ] [ 刪除 ] |
|
| «‹ January 2017 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
的出回表:
