第24彈 「曲終人散」了嗎?
星期日....本來我以為我會去機場送凱妮機....
最後....我都冇去到。
點解?
因為我知道我一定會喊....
為咩而喊?
唔捨得呢個係當然,此外...我覺得我地四個....既關係....係連帶既....當初唔係我喜歡上法朗...咁件事就唔會搞到咁一發不可收拾....
「可惜」 可以用黎形容我地四個真係岩哂.....
因為...我地再唔可以用正常既關係去面對大家...
凱妮我都唔送....法朗我又會唔會送?緊係唔會啦...
嘿....可見我唔係重色輕友既人黎。
==================================
凱妮同法朗走左之後....
我同阿藍既關係....變得密切左...
雖然....阿藍話就話同我拍拖.....但我都一於少理...
佢有佢繼續撩女仔,我有我繼續努力讀書。
當我以為我同佢既日子會繼續咁平平凡凡地過落去既時候....
往往都有d衝擊...打亂我既人生行程表。
==================================
有一個早上...
荃灣MTR....
「喂!」有一把清楚而粗魯既聲音...喚醒o左我
「呃?」我轉身一望原來係阿藍。
「做乜咁耐唔打電話比我!」阿藍個樣好似怕怕醜醜咁...
「點解我要打比你?」我冷冷地回應佢。
「o下?你....你問點解?因...因為....因為......我...我地..」
我企係到靜靜地等待佢既回應。
「呃.....你...你唔係唔記得嗎.....唔好唔記得啦....」阿藍伸手捉住我膊頭...搖兩搖。
「咩唔記得?我應該要記得d咩?」我無奈地望住佢。
「唉....慘啦.......死啦..你一定係受過太多刺激..所以失左憶啦......唔得...我地唔好番學啦...一定要去醫院做檢查!」阿藍一手拉住我走...
其實我知道佢想我記得既係咩.....只不過....我唔知道點面對佢好....而且....我唔知道佢..係咪真心...
「喂...放手啦...去乜醫院呀...」我想揮走佢隻手..但係佢大力到連我隻手都比佢整到紅哂....
「你失憶呀!一定要去!」阿藍好激動
「冇呀...冇失憶呀....你白痴咖!」我大叫地講左呢句唔經大腦既話。
點解咁講? 因為....姐係證明....我係記得佢向我示過愛。
「o下?你記得?咁點解...點解你要扮唔記得呀!」阿藍好認真地望住我。
我....真係唔知點答佢好.....
「傻仔。」我微微笑...之後轉身走...
阿藍真係好似傻仔咁企左係原地望住我既背影。
「對唔住呀....阿藍....我唔識點面對你....因為...我...覺得...我仲未放得低法朗既事.....我點可以突然喜歡上你呢?」我低頭心諗。
可能....法朗呢件事,,,,,會令我,,,,唔再喜歡上男仔都未定。
=======================================
一年之後...
有一日放學....
我聽到學校門口好嘈....所以就係課室既窗門到望o下發生咩事...
門口...有....個....人....人.....舉起個紙板........
紙板上面.....寫住...我個名....同....幾粒我唔想睇既字....
"楊幽雲 我愛你。"
多噁心既字眼呀o下?
我即刻拎埋書包跑落樓.....
我跑到門口條都喘哂:「呀...呼...呀....喂!阿藍!你搞咩呀?我地呢間係女校黎咖!」
阿藍點點頭:「我知呀....」
我搖搖頭....行到佢身邊正想拉佢走....點知...阿藍佢唔去.....企實....
我有d嬲地問:「咩事呀?仲唔走?」
阿藍:「我黎呢到係要一個人答應同我拍拖....」
我搖搖頭想推佢行:「快d走啦...等陣訓導主任會出黎咖!到時你同我都會死咖!」
阿藍大叫:「楊幽雲,我愛你....楊幽雲,我愛你。」
大家都圍住我地黎睇.....呃..真係好瘀....
「哇....靚仔呀....」有好多女仔見到阿藍咁外國feel都圍住佢......
「靚仔...佢唔要你...我地要你囉...」
「係呀...點睇我都有身材過佢啦...你睇?」個女仔摸摸自己個胸...超自豪= =''
「係呀...你真係幾有身材...」阿藍微微笑。
我冷冷地望住...發覺佢地都當我無道....算...我走啦...
「雖然世間上有好多美女....但係...我只喜歡樸素派既鄰家女仔!」阿藍輕輕地講。
我將急步...轉為慢步....
「大家....唔會明白咖啦...我同佢...真係好辛苦先可以去到宜家呢種關係....」阿藍搖搖頭。
我慢慢止步....
「我唔想....錯失咁好機會.......嘿....其實..我死纏左佢好耐咖啦....不過...我一直都冇放棄.....」阿藍低頭苦笑。
在場既女仔都聽到佢咁講...流哂眼淚..好感動...
而我就....冷笑....:「哈哈......你地d女仔唔係真係咁相信佢既甜言蜜語嗎?''」
「相信呀!」一把我好熟悉既聲音。
我急急抬起頭轉身一望....一個依舊綁住馬尾既女仔。
「凱...妮」我有點遲疑地望住。
「阿藍佢..真係好喜歡你....以前既佢..就係因為法朗既關係...被迫同我分手...」剴妮被一陣風吹過,瞇起雙眼。
在場既人有d人講:「哇..咁複雜既。」
「係囉..好麻煩咁。」
我諗深一層又好似係....阿藍佢....從來都冇話要放棄喜歡我....反而仲更加進取....而我...就不斷咁逃避佢...
「幽雲!連我都覺得佢係真心真意喜歡你....而你都唔feel唔到?」凱妮難過地望住我...
「冇錯!佢係個..好堅定既人..」忽然係凱妮身後....走出一個令我再熟悉不過既人...
========================
續....
的出回表:
