上回講到:
我望住爸爸既背影,令我諗番起細細個時發燒,爸爸當時好擔心我既焦急樣....
跟住有人打開房門,我一抬頭,本以為爸爸,原來係佢...
第11回 真相
我冷冷地問道:「你黎呢到做咩?」
阿博微笑著並把玩手上既鮮花:「黎睇妳!」
我別過頭:「呢度唔歡迎你!唔該你拎走d花。」
阿博微微笑:「要小心身體至得喔!」
我望住佢:「你咁係咩意思?」
阿博以玩弄既口吻:「喔?雷嵐乜你唔係身子唔好先要係醫院到出出入入既咩?」
我冷眼地凝視住佢,當我地互相對峙時,爸爸拎住支水係門口到望住我地。
爸爸個樣變得有點訝異同難以置信,但就一句說話都冇講。
我為左打破冷場我特意扮作自然:「爸!佢係我學校既同學!」
阿博出乎意料地同我合拍起來:「你好喔!世伯,我叫阿博!」
爸爸個樣顯得有d不知所措:「呃....你...你好!」
我唔明白點解爸爸個表情變得咁奇怪。
阿博微笑:「睇黎我都係走先啦!唔阻你休息啦!雷嵐。」
我點頭示意明白,佢就頭都唔回地走左。
阿博走左之後,爸爸驚慌失措既樣並未消去。
究竟阿博同爸爸有咩關係?回解爸爸見到阿博會有咁既反應。
爸輕輕地撫著我既手:「嵐,好好休息!爸爸要要先啦....因為公司仲有事要做!」
我點頭懂事地:「嗯!」
當爸爸走到房門口時,我輕輕地講:「爸,多謝您!」
我心入面一直都好矛盾,一方面對爸爸既關心感到好安慰,但另一方面頭先爸爸見到阿博既神情,非常驚
訝,我覺得佢地之間,一定有某種關連。當我正想休息,進入夢鄉之際,我床邊既手機忽然響起...我迷糊地
拎起部手機,打開手機一睇....有條短信。
內容: 身體好一點嗎?要有充足休息!
寄件人:金在祈
當我睇完之後雙眼不其然地流下眼淚,但嘴角同時微微向上。此時此刻,我覺得最幸福就係得到自己所喜
歡既人既慰問..
我將手機輕輕地擁入懷裡...慢慢地進入夢鄉。
「媽媽...呢d係咪叫幸福既感覺?」
~~~~~~~~~~~~~~~~~~~~~~~~~~~~~
「等陣!」
阿博轉身一望:「世伯?咩事喔?」
「唔洗再扮!」爸爸冷冷地講。
阿軔個樣由善意轉為厭惡:「終於,肯認番我啦咩?」
爸爸難以置信地:「果然真係你!」
阿博冷笑:「開心得制,定係因為我仲行得走得係到超失望喔?」
「你媽媽佢點?」爸爸冇理到阿博既挑釁。
「關心?哈!唔好笑大我個口,如果係關心既話,咁當初你點解要趕走媽媽!」
爸爸低頭苦笑:「我知道當年你悽爸爸趕走媽媽,但其實爸爸咁做都係因為媽媽既錯!」
阿博冷笑:「呃?咩錯?」
「你媽媽..中意左第二個!」
阿博嘴角微微向上:「嘿!你既意思係,媽媽移情別戀?」
爸爸認真地講:「冇錯!」
爸爸以為阿博會相信佢既時候,阿博大笑:「哈....嘿....天有眼。媽媽臨死前終於育講真相比我知,佢話佢要走既原因係,你同左第二個女人上床。」繼續苦笑:「佢冇怪你,相反仲幫你講好說話,但你...居然仲要屈一個死人?」
「阿博,你相信爸爸,爸爸真係冇講大話。」爸爸好可憐地望住阿博。
阿博冷冷地望住爸爸:「媽媽為左你,將佢d錢全都比哂你,你呢個忘恩負義既人渣。」
爸爸無言地望住阿博。
「幸好,媽媽特意為雷憫...呃...改左名....係雷嵐先岩!嘿....你連由媽媽幫雷嵐改既名都換左....咁又代表d咩呀?嘿....錢.....你就係為左錢而迫媽媽走!負心漢。」
「好在媽媽幫佢設左個基金,等你呢個人渣唔敢掂佢一條頭髮,當然雷嵐18歲時,需要同姓金既人結婚,先可以拎到筆錢,不過,我想講條款內容風別注明:如繼承人有突發事情而死去,個筆錢將會全數送比慈善機構。」阿博微微輕笑。
爸爸忽然抬起頭傻笑:「你咁講....姐係意思係我無可能得到份d遺產?」
阿博邪笑:「咁緊係當然啦,所以..你唔洗止意想搞雷嵐,咁對你都冇好處!嘿...好啦...時候都唔早啦....先走囉..世伯!」
阿博笑一笑之後就走左,爸爸冷笑地望住阿博背影,,,
係街角後面既倩名,將頭先佢地既對話一一記住:「點...點解會咁...」
續
|
的出回表:
