今日....又要番學啦,雖然我唔中意番學....但係總好過留係屋企...
我個名叫呂羨兒,樣貌普通,身才普通,家世普通...姐係....咩都好普通.....所以我係學校所過既日子都係...好普通....
係學校既我...冇乜朋友,所以小息時都唔會同D同學玩...因為同學仔大多數都喜歡同D中意講野之餘又靚既女仔玩,而我卻乜野都唔係...
不過...我幾喜歡自己一個人既感覺...因為會自由D...係屋企已經唔自由...所以起碼想係學校感覺自由D...想做咩都得....係學校我最喜歡就係寫信。
「呂羨兒同學!唔好發白日夢啦!」老師溫柔地嗌我。
我回過神之後,留意到老師叫我,低頭面都紅哂。
我好喜歡呢個班主任,因為佢係唯一一個對我溫柔既老師....唔介意我係個慢熱又唔多出聲既人,老師唔會逼我講野,相反...老師佢仲好關心我呢個普通到冇得再普通既人。
「好啦!各位同學...今日黎左位新同學。」
「請大家拍手掌歡迎佢入黎啦!」
個個都拍哂手掌迎接呢位新生。
我成日幻想我地班會有個靚仔插班生會轉到我地呢班,唔知呢個又係唔係呢?
但往往幻想還幻想,,,,幻想同現實係有一段距離既。
我地成班男女同學都眼定定咁望住行入班房既個位同學。
大家既反應唔係熱烈而係寂靜....與無言
個男仔帶眼鏡身高大約175CM....身才瘦削....頭髮黑黑.....呃...如果簡單黎講,佢個樣算係幾「宅」。
當大家拖哂既時候....班主任為打破隔膜:「呃.....新同學不如介紹O下自己啦!」
新同學好低頭細聲咁講:「我...我.....叫...做....任..任....嘉望....」
老師微笑:「咁....任同學坐係...」
「老師!任同學不如坐係我隔離啦!」
眾人既目光都放左係班花金由衣身上....
坐係班花隔離既唔係佢既男友,而係佢既觀音兵。
觀音兵驚訝咁講:「吓?由衣!點解喔?我好想同你坐呀!我同你坐左唔係一日就要走?」
由衣微笑地講:「新同學乜都唔識...所以我地身為呢班既一份子好應該幫助人嘛!」
眾人都覺得由衣佢好體貼同知書識禮....個個都視佢為班中既優秀學生...不過..最重點都係因為佢人夠靚。
當我以為插班生一定會坐係由衣隔離既時候...
「我想坐個到!」插班生忽然提起手指向某位置?
眾人都向住我呢個方向望去???
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
的出回表:
