正當我以為我塊面會比佢地用刀割花時....
「停手!」一把好剛柔並濟既聲音叫停左佢地既動作。
我慢慢睜開雙眼....原來係金由衣?
「呃...由衣...我地只係...」當個女仔話都未講完已經...
「拍」的一聲...由衣佢一巴com左落個女仔塊面上...
我真係好訝異....我心目中既班花....完全唔係咁囉....應該係知書識禮...唔會動粗既人...
「呃..」我都唔知應該講d咩好...
由衣轉身一望...見到個男仔..姐係個觀音兵拎住既刀..
由衣一巴打開佢把刀之後冷冷咁講:「搞咩?」
個觀音兵口震震咁講:「由...由衣....我...我....」
由衣轉身身望住我溫柔咁講:「你冇事嗎?」
我低頭細細聲咁講:「我冇事。」
由衣笑一笑:「咁就好啦..」之後卻轉身望住岩岩恰我既人:「下次唔好再做無聊野!」
之後就以溫溫柔柔既腳步走左....
其他人都唔敢再望我...轉身就走哂...
我冷冷地望住地下上既介刀....
一切會好....
~~~~~~~~~~~~~~~~~~~~~~~~~~~~~~~~~~~~~~~~~
小息過後...
我再次番到課室...
見到由衣同其他同學傾計傾得好開心...完全同頭先小息時既表情...完全係兩個人黎。
我行到去自己坐既位到,我好奇心驅使我望到隔離既新生...原來佢係到寫緊野....
呼....好彩佢係個靜既人...如果唔係佢問起我頭先發生咩事我都唔知點答佢。
我係書包到拎出一張信紙...
我拎起支筆...係到諗到底講唔講我岩岩件事比王子聽好呢? ps:「王子」係我筆友既名。
如果講左既話..佢會唔會擔心我,而問長問短?
我無意之中見到自己手腕內則.....既舊疤痕...
嗯...都係寫d開心野啦!
信裡面我寫左一d開心事...放學同朋友食雪糕,傾o下邊個同邊個一齊既事,假日同媽媽爸爸去睇戲等等...
但係...呢d全部都係講大話...我..根本就冇做過d事。
我冷眼望住窗口既天空...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
放學時經過郵箱,再將信放入去..希望佢快d收到信啦!
番到屋企...
見到細佬係到做緊功課,媽媽就係旁邊好細心咁教緊佢做。
我冇講任何野就走去房到...
每日我都做好哂功課先至做自己野...因為..媽媽話過要做好哂功課同溫好書先可以去玩。
記得..細個時,因為唔聽媽媽講所以爸爸就罰左我去門口企左成晚,果陣時仲要係冬天,對於一個小學生黎講...呢個簡直係難以忘記既事,難以忘記既..唔係因為被罰企...而係...我一直期待佢地會開門比我同講一聲:「好啦!出面凍啦...入番黎啦!」但可惜...呢句說話始終都冇出現過。
當我做好哂功課之後...就係櫃到拎出一個盒,盒裡面全部都係王子所寄既信...
我一直都當佢地係寶物...
雖然我從來都未見過王子真正既樣....但係我相信佢係個好人,因為王子佢...從來都唔會嫌我長氣....我成日都向佢講我好多唔開心既野...而佢又會開解番我...等我開心番..嘿...所以當我一唔開心我就會睇番佢寫比我既信...成個人就會開心番哂。
我坐係書枱前面....低頭心諗:(唔知道佢幾時先收到我既信呢?)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
續...
的出回表:
