今日,我如常好早起身,我係個從來都唔會懶床既人黎,因為從小爸爸媽媽都教我要自己照顧自己,佢地話...冇時候理我咁多。
所以我好自然咩都自己搞掂,唔需要佢地操心....
因為我好希望,爸爸媽媽佢地會因為有我呢個女而感到欣慰。
但係,呢個想法只係我既一廂情願。
著好哂校服。
我望一望塊鏡。搞掂!
落到樓,我見到細佬佢同媽媽係到食緊早餐。
細佬一見到我就好開心咁講:「家姐!快d黎食早餐啦!」
細佬笑得好天真....佢一直都對我呢個家姐好好....重來唔會向我扭計,如果比著係其他既姐姐一定會好鍚佢。
但我卻非常討厭佢...因為佢...令爸爸媽媽既視線唔再放係我身上....
小學三年級時....細佬佢出世,媽媽同爸爸都好重視佢既出生...
因為佢地一直都好希望有個男丁繼後香燈,但可惜第一胎生出黎竟然係我,佢地雖然冇直接講出口,但我知道佢地好想生既唔係女而係仔。
由個陣時開始,我漸漸係爸爸媽媽心目中一點地位都無。
「好呀!」我勉強笑一笑。
~~~~~~~~~~~~~~~~~~~~~~~~~~~~~~~~~~~~~~~~~~~~~
番到學校,d人都冇再搵我,可能係因為由衣警告佢地掛....
坐到係位上...我發覺旁邊果個新生低頭係到寫緊野...
我覺得呢個人真係好奇怪,佢入左黎呢間學校讀書都已經有好幾日啦....點解唔見佢同其他人講野。
我冇理到佢...自己就係到溫習今日既測驗。
老師入左黎之後不久就要測驗啦....個個都收好哂d溫習書本。
我地個個都好努力做好呢份測驗....
就係呢個時候...
忽然有人大大聲咁講:「miss我見佢偷睇櫃桶呀!」
老師同同學都好訝異咁望住我呢面...
我覺得好奇怪所以東張西望...睇o下係咪講緊我。
我當堂明白哂.....被懷疑出貓既人...原來就係我。
續
的出回表:
