第二日,當我落到樓,已經唔見媽媽同細佬,應該係媽媽帶o左細佬番學。
我頓時鬆口氣,再到廚房開雪櫃,拎出雞蛋同火腿出黎,自己整早餐。
當食完早餐同洗完碗之後就諗住出門時,郵差叔叔咁岩黎到我門口:「羨兒!」
我抬起頭:「你好,叔叔!」
郵差叔叔拍拍我個頭:「今日終於有你既信啦!」
我由本來唔多想笑,轉而表情變得放鬆:「呃?你講真咖?」
郵差叔叔微笑笑,再係袋到拎出一封簡潔既信封出黎,遞到我面前:「羨兒咁乖,叔叔點會呃你!」
我接過封信後叔叔就向我微微笑就轉身走o左。
我望住封信,繼續開心到將信擁到懷中....哈...終於收到啦!
我小心地放入書包,之後就急急腳出門番學。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
番到學校....正當我去到教員室時...
我要搵個位監考既老師,同佢講我要開始罰企。
點知,班主任一望到我就興奮地講:「羨兒,你冇事啦!」
之後成間教員室既老師都望住我班主任,班主任面紅紅之後細細聲咁講:「我地出去先傾啦!」
之後miss帶我落到去小食部...
「隨便簡樣野飲啦!」班主任微微笑地講。
我點點頭:「咁我要包維他奶啦!」
老師同我坐左係操場d飯桌到。
老師飲一淡檸檬茶就講:「件事原來係誤會黎。羨兒妳根本冇偷睇答案。」
「你點知?你肯定我唔會偷睇?」我飲住維他奶停一停再講。
「因為隔離果個新同學話佢係測驗期間一直偷睇你做緊既答案,所以佢話你根本就冇偷睇櫃桶既答案。」
我即刻抬起頭:「吓?佢偷睇我?」
「嗯!但係佢同監考老師講哂呢一切雖然可以幫到你脫罪,但佢自己就因為偷睇你而被罰啦!」老師無奈地講。
我輕輕低頭諗緊...點解佢要咁做呢?我被人指證出貓時佢仲係到落力咁做緊測驗咖?佢...點解要幫我?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
上堂前,班主任特意解釋今次呢件事係唔關我事,而且係被人插贓嫁禍。
d同學都議論紛紛....就話係唔係新同學特意幫我頂罪。
其實連我都唔明白點解會咁。
小息時,我無意中聽到由衣同佢d朋友傾既對話。
「我地只係諗住嚇吓果個呂羨兒,點知個新生會....」
由衣拎起一把介刀係個女仔既手介左刀:「呢筆就當係你既續罪。」
個女仔捉緊被介刀介到既手點點頭講:「係。」
由衣忽然行到我身邊溫柔地講:「呂同學,介唔介意傾兩句?」
我正想搖頭,但係佢溫柔既眼神令我無法拒絕。
之後佢帶左我去天台....我心裡面都幾畏懼呢個女仔。
因為佢係我地班係個幾有地位既人,如果得罪佢既話,我相信我無法走出呢間學校既門口。
由衣走到天台欄杆旁邊望住風景,佢把長長既頭髮被風吹得格外柔順,想必我係男仔既話一定會喜歡上呢個女仔。
由衣轉身一望講:「琴日所發生既事.... 「真係好對唔住!」由衣向我90度鞠躬道歉。
我訝異地望住佢:「你...」
由衣抬頭無奈地望住我:「都係我d朋友唔好....」
我苦笑搖搖頭:「我冇事...你d朋友都係擔心你面子先會咁咖姐...」
由衣眼神忽然有點冷淡:「佢地根本唔係我朋友。」
我頓時覺得佢好落寞....平時佢我地班上既風頭人物,做乜都特別易令人注意到,唔需要做咩都被人注意到。
由衣慢慢行到另一面邊講:「佢地都係因為我屋企有錢先會喜歡同我玩.... 「我....一直無被人喜歡我呢。」
我忽然講:「點會呀?你.....人又生得靚,家底又好,又有咁多朋友.....一定有人會喜歡你只在意你既人而唔係你d錢。」
我頓時發覺自己口快快...無啦啦講出呢番話...
由衣訝異地望住我.....兼難以置信地講:「你...你講真咖?」
我即刻睜大雙眼,,,望住佢...因為我...都唔知自己點解會咁講:「吾...吾....」
由衣笑逐顏開地講:「哈.....真..真係.....真係既?哈...哈....」
之後跑到我面前:「你真係...會喜歡我?同我玩?」
我勉強笑一笑:「呃....但係...我同你...既身份太過天壤之別啦....」
由亡捉住我雙手認真地講:「只要你肯同我做朋友...咁我永遠都唔會離棄你!」
我望住佢捉住我既手,有點難以置信...
由衣咪起對眼笑既樣,我永遠都唔會忘記....
因為....當時佢笑得..真係好甜...
而我...都覺得有啲開心...因為...我...終於有個朋友。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
放學時...
由衣叫我陪佢放學,我就捥拒o左。
我刻意走到教員室走廊。
我見到新同學就筆直地企係走廊旁邊...
佢.....真係被老師罰企呢...
我真係好想問清楚佢....呢件事點解佢要幫我。
所以我決定等佢罰企後再問佢...
我坐係操場既飯桌到,等佢...
我拎住d溫習書本,,,,無意中跌出一封信...呀...係早上時係郵差到收到既信...
我微微笑心諗...今晚一定要打開封信睇佢講乜。
過o左一個幾鐘....
天都已經黑哂加有啲啲雨水,
學校門口都就快關上,
我望望手錶...死啦....
就黎6點啦...我要趕番屋企先得啦...因為媽媽話我一定要6點前番到屋企,
點算呢....算啦...要番屋企啦...
正當我諗住走出身學校操場時...雨水愈落愈大.....死啦....
咁樣番唔到屋企...點算好...如果遲左番屋企既話..實被媽媽打死..
正當我擔心到就黎要喊出黎既時候......
續....
的出回表:
