我望住個天....落緊雨.....但係我唔理得咁多....所以想跑出去。
當我正想跑出去時,忽然有隻手捉住我手臂,我轉身一望:「嗯?」
「出面落哂大雨你點走?」原來係新生.....佢...除低左副眼鏡,個樣好唔同。
我別過頭:「我.....唔走唔得。」
新生係書包到拎出一把縮骨遮出黎,之後打開佢:「遮埋你啦!你屋企應該唔係好遠掛?」
「吓?唔洗啦....我屋企好近...所以..唔洗..」我低頭。
之後佢忽然一把推我行....我都未黎得切回神,我已經跟住佢行。
行到十字路口時....我醒起要問佢之前既事:「我.....」
新生冷冷地應道:「咩事?」
「之前我出貓果件事....點解你要幫我呀?」
新生只係顧住望前面...無理會我....
我忽然間醒起媽媽既時,係啦,,,我唔可以比媽媽知道有男仔送我番屋企咖,所以我即刻講::「你送到我呢到得咖啦...我跑番去就得。」
當我想走時,佢忽然捉住我隻手,將遮既把柄放係我隻手,之後就轉身走o左。
我原地企係到,望住新生既背影.......我輕聲地講:「多謝。」
之後回一回神,拎住傘跑番屋企。
番到屋企...發覺門鎖仲鎖住,姐係媽媽未番黎,真係太好。
之後我即刻番房換衫,當我換完衫出黎....媽媽同細佬都番o左黎....
細佬跑過黎我到:「家姐...我頭先去朗誦比賽拎到第二名呀!」
我勉強笑一笑:「咁叻?」
之後媽媽對住細佬微笑:「拎第一名就最好啦!」
細佬抱住媽媽個身:「媽媽...我已經好努力咖啦...」
媽媽笑住講:「哈....好啦好啦...細佬咁乖媽媽聽日買份禮物送比你好嗎?」
我冷眼望住呢一對母子,我覺得我自己既存在,真係好多餘....
之後就轉身番到房間...
我做好哂功課就即刻摷番今朝早收到既果封信出黎。
我好小心咁用開信刀介開封信...之後拎出純白色既信紙出黎...
佢啲字真係好靚,所以唔需要用有花紋既字都已經好特別。
佢話...佢呢排都好多野要做...所以都唔得閒寫知比我。
但佢話當一有時間就會寫信比我,佢話父母對佢既期望好大,希望佢可以繼續升上去大學。
所以呢排都成日要溫書。
之後佢仲話叫我唔好成日同朋友玩,努力啲讀書...
當我睇到呢到....就覺得有少少內疚感。
因為我....一直以黎同佢講我同d朋友相處我好好,仲成日出街玩。
但其實,我根本就冇做過呢啲野,我星期六,日都只會係屋企。
補習,溫習,做家務咁...
媽媽從來唔會比我出去玩,以前小學既時候都有d比較要好既朋友,約過我出去,但係因為媽媽唔批準,所以我同朋友既關係都只係保持係普通朋友上,都做唔到d咩知心朋友。
我繼續睇落去....佢話,有機會既話好想同我見一見面,因為一直我地都只係靠書信來往。
我睇到呢度,忽然有少少怕....見面?如果見左面...我地之間既關係會唔會有改變?
佢會唔會....見到我真人...會討厭我呢?
我睇完之後將封信好好咁收埋....
當我正想熄燈訓覺時....無意間望到門上面既縮骨遮。
係啦,聽日一定要好好多謝佢先得。
續
的出回表:
