零趕到醫院去。
就跑到直樹既搶救室門外,見到小潮同阿薰好擔心咁坐係出面。
「薰,小潮!直樹佢點呀?」零緊張地問佢地。
小潮一諗起係自己既錯,就低頭。
阿薰無奈輕輕拍拍小潮既膊頭講:「等直樹出番黎先講。」
零大概明白呢件應該同小潮有關,所以都唔追問落去。
冇幾耐醫生就走o左出黎。
零就緊張地走到醫生面前:「醫生,我表弟佢點呀?救唔救得番呀!!」
醫生點點頭:「搶救順利,暫時冇生命既危險。
零一聽到直樹冇事就成個人定哂,不過醫生卻繼續講:「但係,因為佢腦內既深處有碎骨,現階段仲未能夠為佢開刀拎番出黎。」
零捉緊醫生膊頭:「醫生,點解唔幫佢拎番出黎呀?」
醫生無奈地講:「由於呢項手術風險真係比起平時既開刀手術高,所以價錢一定比較貴,我就係想講,想要盡快做呢個手術就需要呢筆錢,如果唔係就要等排期。」
零激動地講:「我表弟唔可以再等啦,萬一佢有咩事.......」
阿薰走到零旁邊:「零..你唔好咁啦...我地...暫時未有咁多錢....不如再同老板娘商量吓先?」
零大大力咁推開薰:「唔等得啦! 」 之後轉身向醫生講:「請盡快幫佢做呢個手術,無論價錢幾高都好,都要做!」
小潮同薰都好訝異地望住零...心諗零有咩可能拎得出手術費?
~~~~~~~~~~~~~~~~~~~~~~~~~~~~~~~~~~~~~~~~~~~
大家都望住插滿喉既直樹...
阿薰有啲擔心地問:「零...我地點搵到咁多錢幫直樹做手術呀?」
零只係望住訓係坐既直樹冇答到薰。
小潮想喊想喊咁問:「雖然直樹真係好怨要做呢個手術,但係我地手頭上根本搵唔到咁多錢!」
零認真地講:「你地放心啦,我一定搵到呢筆錢。」
小潮同薰互相對望。
~~~~~~~~~~~~~~~~~~~~~~~~~~~~~~~~~~~~~
薰同零將小潮送番屋企後,零再送薰番屋企。
薰終於忍唔住停低問零:「零!」
零回頭一望:「嗯?」
「零.....你點解咁肯定你一定搵到筆錢呀?你唔會想問財務公司..」
零望一望薰之後大笑....薰覺得好奇怪:「呃?你..你笑咩呀?」
零輕聲地講:「放心啦...我係光明正大地拎呢筆錢出黎既。「所以你...唔洗擔心任何野。」
薰只係有點失望地望住零:「點解.. 「點解你唔肯同我講。」
零回頭望住薰...
「一有唔好既事就攬哂上身...」薰低頭忍住唔喊。
零難過地望住薰,之後慢慢走到佢身邊,想抱住佢:「真係冇事....有事既話...我實會同你地講。」
薰推開零:「講大話!你成日都收收埋埋....」
零無奈地講:「唉...好啦....唔好咁話我啦...我話你知啦!」
零一手拖住薰既手...拉到佢去公園。
零同薰坐左係位到...
薰眼紅紅抬頭問:「點呀?大話精!」
零微微笑:「哈....唔好比呢個稱呼我!」
薰別過頭...
零抬頭望向天空..
「我....會同宋亦輪爭家產。」
薰即時抬頭望住零。
「嘿....好訝異?」
薰點點頭:「我唔明。」
零繼續講:「本來我唔諗住爭家產....但係為左直樹...我諗我冇得簡..」
「你同宋家....係咩關係?」薰有點疑惑。
零諗o左一諗之後笑笑口地講:「我.....哈...算係宋家既.........外孫掛?」
薰低頭:「唔怪得...之後老板娘所講既...」
零望住薰:「不過...要拎到筆家產既最先要條件係夢工房既業績要好過對面店...亦姐係...宋亦輪所開既店。」
薰無奈地講:「咁...你咪姐係要同宋亦輪鬥?」
零微笑:「嗯....可以咁講。」「其實...我都唔想咁做...但係果個阿伯..要我咁做..」
薰問:「阿伯??」
零望向天空:「姐係....我既公公..」
「好啦....我只可以講到呢度...時候真係唔早啦...我送你番屋企啦!」
薰明白零既難處..所以只好唔追問落去...
零輕輕拖起薰既手...
~~~~~~~~~~~~~~~~~~~~~~~~~~~~~~~~~~~~~~~~~
宋家大宅...
「死啦...今次幣啦。」
「小姐唔肯出黎食野..點算呀?如果比老爺知道左...就慘啦。」下人你一言我一語地講。
亦輪一聽到啲下人咁講不禁有點擔心。
去到亦嵐門外...就聽到...
「薰....郭...薰....我....」
「要殺死妳。」
亦輪聽到亦嵐咁講,即刻打開亦嵐道門一望....見佢坐係書桌前,轉身望住佢笑..
亦輪跑到亦嵐身邊:「妹呀!你...你冇事嗎?」
亦嵐卻同頭先判若兩人咁講:「哥,我冇事呀?我會有咩事啦?」
亦輪點點頭:「你..你冇事就好啦.....」
亦嵐輕輕笑:「哥....我知道....零同我有血緣關係...我明白咖...我知道...我地唔可能係埋一齊。」
亦輪放鬆地講:「妹,你明白就好啦.....哥...真係好擔心你。」
亦嵐溫柔一笑。
亦輪講:「咁..哥出去先啦..等陣食飯時,我叫下人上黎叫妳啦!」
亦嵐乖乖地點頭。
當亦輪出o左去後....亦嵐小心翼翼地將書桌既既紙拎番出黎....紙上...係一張釘滿鐵釘既照片....照片上....原來係郭薰?
「我...唔會放過妳。」
~~~~~~~~~~~~~~~~~~~~~~~~~~~~~~~~~~~~
零送完薰番屋企後....就番到去夢工房...
咁岩老板娘正想關上夢工房大門...
「媽!」零輕聲地叫。
老板娘轉身一望:「嗯?零?」
零別過頭:「送..送妳番屋企。」
老板娘微微笑:「嗯...好呀...」
番去途中...
零開聲講:「媽...」
老板娘將手放到零既額頭上無奈地問:「你..係咪發燒?」
零無奈地縮開:「傻既!我冇事..」
老板娘無奈地講:「你好少可會嗌我做阿媽。」
零別過頭:「呃....有..有咩咁奇..」
「係咪發生o左咩事?」
零被老板娘一問,就諗起直樹既事...l「呀...冇...冇事...」
老板娘察覺到零好似有野瞞住佢咁:「哦?冇事咁...又會咁夜黎搵我?我睇你唔會只係送我番屋企咁簡單掛?」
零想用盡所以力量講:「只係...」
「想話你知....我大個啦....我...會照顧自己...同照顧大家...」零講完之後就即刻跑走o左。
老板娘頓時呆o左....:「呃?照...照顧...?」「個傻仔....講咩?」
老板娘甜笑地望住零既背影...
續
的出回表:
