零同亦輪各自跳落懸崖.....
零就去搵薰,亦輪就去搵亦嵐。
冇幾耐...零終於搵到薰,之後嘴唇對上薰既嘴,給予佢氧氣...之後就快速地拉番薰上去。
而亦輪諗住救亦嵐...點知見到佢游出水面...望住零救阿薰既樣....
~~~~~~~~~~~~~~~~~~~~~~~~~~~~~~~~~~~~~~~~~
醫院....
薰慢慢睜開眼,緩緩望住佢旁邊既零。
薰慢慢提起佢隻手撫摸零既頭..呢個時候小潮入o左黎....
「阿薰!你終於醒啦?」
小潮知道零照顧o左佢成晚就即刻細細聲咁講:「零佢呀...成晚都係到照顧你。」
「嗯....」阿薰點點頭。
「係啦....我帶o左粥黎比你...你襯熱食o左佢!」小潮微笑地講。
薰擔心地問:「咁....亦嵐佢...冇事嗎?」
小潮拎住個碗:「放心啦....佢冇咩大礙!喂..快d食o左佢先啦!」
「嗯...」薰拎住個碗。
「哈...你咁叻擔心人不如擔心o下自己先仲好啦...
「你知嗎...如果唔係當時有我隔離呢位人兄中途比氧氣你呀..你早就缺氧死o左lu...」小潮笑住講。
薰忽然諗番起跌落海時既情景...
慢慢開始怕羞地用手掩住嘴唇。
小潮凝視住阿薰:「嗯?咩事呀?係咪唔舒服呀?」
薰即刻搖搖頭:「嗯...冇事..」
之後零被佢地既對話嘈醒o左...
「呀...吾.....薰..你醒o左啦?」零由好支力既表情變得好精神。
薰輕撫零既面:「嗯...我醒番。」
小潮無奈地搖頭心諗..
(好啦...留番比你地二人世界)
小潮慢慢行出去...
零眼定定望住阿薰:「我....可以攬住你嗎?」
薰微微笑並點頭:「嗯..」
二人擁抱....
~~~~~~~~~~~~~~~~~~~~~~~~~~~~~~~~~~~~~~~~~~~~~~~
小潮番去直樹既病房...
去到床邊提起直樹既手:「直樹....阿薰同零兩個終於向對方表白o左...
「真係好啦....如果....你都見到既話...你都會替佢地開心..」
小潮忍唔住開始喊:「如果...你都見到既話....就好啦...」
小潮輕輕抹去眼淚,之後輕輕放開直樹既手....去廁所洗面。
當小潮去完廁所後發覺張床上面冇o左直樹既蹤影,
床上用品都整理得好整齊。
(直樹...)
小潮跑到房外,問護士:「護士!請問....請問902室既病人去o左邊呀?」
護士搖搖頭:「我唔清楚wo!」
小潮未等護士講完就已經跑走o左。
護士無奈地望住小潮既背影:「喔?又會走得咁快?」
(死啦....直樹佢會唔會出o左事咖!佢..佢..一定係出o左事啦!)
小潮跑到阿薰既病房:「大件事啦!直樹佢唔見o左呀!!」小潮淚流滿面大大聲咁講。
小潮目瞪口呆地望住眼前一個人:「呃....」
某人輕輕笑:「嘿....」
薰同零互相對望微笑。
「我....你..你真係直樹?」小潮認真地問。
直樹點點頭。
小潮眼角既眼淚全部流哂落黎...
「你...你真係衰人黎咖!」
「o下?你..你點可以咁話我咖!又係某某人叫我睇阿薰同零表哥既?咁我咪即刻起身黎睇囉。」直樹笑笑口咁講。
小潮睜大雙眼問:「你....你...聽到哂??」
直樹即刻扮唔清楚:「呀...我我只係...隱約地聽到咖喳!」
當直樹以為小潮會嬲到打佢既時候...
小潮認真地講:「既然你冇事...就得啦! 「我走先啦!」
小潮講完之後就轉身走。
大家都好無奈地望住小潮既背影...
直樹一支航咁跑出去...
(但佢有傷口係身所以又唔算係一支箭,,, ) 玩咩= =''
「小潮!對唔住呀!」
小潮聽到直樹叫佢..之後慢慢停低...
直樹慢慢行到小潮身邊....
「我昏迷其間....多得你照顧我....我先可以康復得咁快...」直樹微笑地講。
小潮雖然背住直樹,但小潮微弱既喊聲....直樹聽到好清楚...
直樹從後輕擁小潮:「辛苦你啦!小潮!」
零同阿薰偷偷地係房門到睇佢地....
之後欣慰地互相對望微笑。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一個月後....
「哈!既然直樹都好番,夢工房又搞得唔錯..咁我地就一身鬆啦....」小潮邊抹枱邊講。
薰打掃緊:「係啦....真係雨過天晴!」
忽然有人入黎...眾人都望住門口
「松本零!點解你要咁做!」亦輪手拿住單據,有點不忿地講。
零冷冷地講:「原來d錢都唔屬於我,還番比你地又有咩問題?
「而且...我表弟都好番哂....當然答應宋老伯都係因為醫藥費問題...如果唔係我都唔會參加呢d野...」
「所以你就將d錢過番哂比我?」亦輪無奈地問。
「我唔會要你地d錢咖!而且錢對我黎講...冇咩用....我有夢工房同親人就夠啦....d錢....你拎番去....你應該好需要d錢先係!」零認真地講:
「宋氐既支柱係你....所以你應該好清楚你公司既狀況至係!」
頓時,亦輪好似被講中心事咁。
「好啦.....既然你真係唔願意收d錢,我都唔會勉強你....但如果日後有事要幫忙既話....你出聲...我一定會幫忙!」亦輪別過頭。
「一定會呀!」零微笑。
亦輪行到門口時...「亦嵐佢話....多謝你比佢有個幸福既童年回憶!」
零聽到佢咁講都點點頭:「嗯...我都係!代我同佢講聲多謝!」
「阿薰!」亦輪忽然講。
阿薰望住亦輪...
「亦嵐同晴晴話....要同你講聲對唔住....」
阿薰搖頭:「嘿....過o左去就算啦...」
「我都對你唔住...」亦輪講完之後就走o左。
阿薰跑到門口大大聲咁講:「你地三個都要幸福呀!!!」
亦輪雖然冇轉身但心入面都覺得好開心....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
某一晚,薰執好哂d野....
「呃....小潮?小潮得未呀?」阿薰嗌極都冇人應佢...
但廚房既燈仲著緊...所以阿薰就去廚房睇.....
「阿零?」阿薰訝異地叫o左一聲。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
零係到細心咁整緊野食....
「都咁夜啦.....你係到....」
零捧住d野食....
「乜...乜咁夜仲有客人咩?」阿薰有d唔明。
「嗯..」零只係點頭。
「無人話我知既?」
零無理到阿薰,只係繼續將d野捧出去...
「咁我打電話比aman佢地啦!」
「唔洗啦!今日個客人由我黎招呼就得啦!」零低頭打點一切。
薰開始意識到有d奇怪....
「今晚個客人...就係你!」
薰瞪大隻雙眼:「我...我?」
「仲唔快d過黎?」零拉好張座位。
薰緊上行到零身邊...
「係...」
枱上有既任部都係日本拉麵,壽司,日本甜品之類既野....
薰望住d野食:「真..真係整比我食咖?」
零輕輕一笑:「仲唔快試o下?」
薰微微笑點點頭:「嗯!」
薰邊食邊滿足地笑.....
零全程都只係望住薰...先生卻一淡都冇食...
漸漸發覺薰開始笑得有d唔自然....眼角仰開始泛淚...
零緊張問:「咩事呀?係咪d野唔岩你食呀?」
薰大力咁搖頭:「吾吾...唔係呀....我..我只係太開心喳!我真係..太開心...」
「太開心?但..點解喊呀?」
薰用手抹去眼淚:「從來....屋企人都唔會幫我慶祝生日....因為.....媽媽佢....連我既生日都唔會記住.....更加唔會有人特登為我既生日而整野食比我食...
「零...你係第一個...」薰感動地流淚。
零眼定定咁望住薰:「真係?」
薰微笑:「緊係.....你記得嗎?我地第一次見面既時候....你請我食壽司...哄番我開心....」
「就係果日...我就認定o左你所整既壽司係全世界最好味既!」
「嗯...」
「咁....我可唔可以....每一日都壽司比你食呀?」零輕輕笑。
薰甜笑:「當然可以啦.....但係...日日都食會肥咖wo....我肥o左..你會唔會唔要我咖?」
零無奈地講:「哈.....咁..又真係難講o左d...」
薰輕笑:「衰人!就算我變o左肥婆都唔會放開你咖!」
~~~~~~~~~~~~~~~~~~~~~~~~~~~~~~~~~~~~~~~~~~~~~
「完」
的出回表:
