到ｏ左第二日,
番到學校...
雖然我係有d怕羞,但為o左表示我既誠意,我一定要當面向佢講聲多謝。
我係門口見到佢係位到睇書...嗯?佢唔係應該係教員室罰企既咩??
我行到佢面前....低頭雙手遞上一把遮:「琴..琴日.....真係唔該你!」
我閉上雙眼等待佢既答覆。
過o左好一陣,我先聽到佢:「嗯!」一聲。
我覺得無話題再講落去就好尷尬地番埋自己個位到...
我係書包到拎o左本英文書黎睇....
忽然:「呃...阻你一陣得嗎?」我抬起頭望向新生既方向:「嗯?」
「呃.....我唔係太熟呢度既環境....但老師要我搵佢,所以請問你可唔可以帶我去教員室?」新生認真地望住我。
我聽完之後,有d發呆繼而被佢嗌一嗌:「得嗎?」我先回神:「係...」
「咁姐係得嗎?」 我苦笑:「可以...」
到o左小息....我就帶o左佢去教員室。
「係呢度啦!」我指住教員室門口。
佢微微托托眼鏡:「哦!唔該。」
當我轉身行o左幾步時....「呂羨兒!」
把聲好似係圖書館主任miss楊。
我回頭一望:「請問咩事?」
miss楊無奈地講:「咁既,我知道呂羨兒同學你好似都幾中意睇書既,所以想請你做圖書館管理員呀!」
「但..放學打理圖書館既書可以會搞到好夜先走得,我屋企人唔比我太夜番屋企。」我照實答。
miss楊微笑地:「咁就易啦...等我打電話比你媽媽同佢講咪得囉。」
我即刻大聲地講:「唔得咖!唔可以!」
miss楊被我呢個舉動嚇親:「呃!」
係走廊經過既老師同學生都嚇親。
我即刻意識到自己既失禮:「我......對唔住呀!」
我道完歉就即刻跑走.....
我邊跑邊覺得自己好失禮,有咩理由咁大聲同老師講野.....
唉....成日做事都係咁..我真係冇用...
我跑跑o下...忽然撞到人:「呀!」
我抬頭一望:「對唔...」 我未講完就同由衣既眼神對望....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
「原來係咁.....你屋企原來好嚴咖?嚴到幫學校做野都唔得?」由衣同我一齊企係走廊邊到傾計。
我無奈地點頭:「係....每日都要準時番屋企...平日假期都要留係屋企溫習....」
「嗯....唔好咁啦.....可能你媽媽都係為你好咖姐....」由衣微微笑。
「係啦...你咪話你一定要係六點前番到屋企既?」
我點頭...由衣繼續講:「咁今日學校三點就放....不如我地去行街囉?」
我一聽到由衣話想約我去街就即刻訝異地望住佢:「o下?」
由衣用唔係好明既樣望住我:「做咩呀?」
「去....去街....」我有d難以置信。
由衣微笑:「嗯!一於就咁決定啦!」
我低頭心諗:(可以係六點前番到屋企就冇問題)
「嗯!好呀!」我點點頭。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
放學之後,我同由衣去o左好多地方....
首先去食野,再去戲院睇戲....講真...我真係第一次同朋友去行街...
之後由衣望住我:「不如我地去影貼紙相囉?」
貼紙相?咩黎咖.... 「咩叫做....貼紙相?」我真係唔知道貼紙相係咩黎。
「哈...未影過?咁就去啦!」由衣笑得好開心,之後就拉住我隻手。
去到貼紙相既店....
由衣好純熟咁控制影貼紙相既機....我就係旁邊傻o下傻o下咁等。
終於搞o左一陣影得啦...
開頭個幾張由衣話跟住佢做動作...我都勉強跟住做...
到o左最後一張....由衣叫我咩動作都唔洗做就咁企係到就得wo...咁我咪照做囉...
好啦...「3,2,1」 由衣忽然攬住我鍚o左我塊面一淡....
我當堂面都紅哂,之後推開佢:「呀!由衣!」
由衣甜笑:「哈..好朋友嗎?」
我望住笑得咁甜既由衣不禁有點無奈.....
原來..宜家d女仔同好朋友影貼紙相原來要咁做咖?
~~~~~~~~~~~~~~~~~~~~~~~~~~~~~~~~~~~~~~~~~~~~~
岩岩好六點....我番到屋企...
見到細佬係到做功課
死啦.....咁媽媽姐係番o左黎?
我即刻跑到客廳一望...無人既?
細佬笑住講:「放心啦...家姐!媽媽仲未番呀!」
我頓時放鬆心情:「咁...咁點解你會係到既?」
「爸爸車我番黎咖!」細佬笑住講。
我點點頭:「哦...原來係咁..」
當我想上房放低書包時....忽然有野拉住我裙邊:「吾?」
我回頭一望:「做咩?」
見到細佬拎住一幅畫....
「睇...」細佬認真地望住我講。
我拎起幅畫一望....有四個人係張畫紙上....有爸爸...媽媽....姐姐...同細佬....
「姐姐...估唔估到係邊個黎咖?」細佬天真地問我。
我望完幅畫只係勉強一笑:「我地一家人...」
細佬好似中o左獎咁開心笑:「嘻...係呀....」
「好啦...做功課啦...」我強裝溫柔地講,之後就上房。
我放低書包訓係張床到,諗起岩岩細佬既笑臉...就覺得好討厭....
明明就係佢....一手造成。點解佢仲可以笑得咁開心?
我又忍唔住...走去櫃到拎把介刀出黎介手....
d血不斷咁流出黎....係好痛....但我又覺得好舒服....
人人都話介手唔好....但我就覺得仲手可以比我有種安心既感覺。
咁證明...我仲存在係呢個世界上。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
續。
的出回表:
