結果第二日,我冇問到媽媽比唔比就答應o左圖書館老師打理圖書館。
放學時,走到圖書館既門口....一開門就已經見到佢?
任...任嘉望?
我企o左係門口,呆呆咁望住佢。
佢終於察覺到我既存在,並望住我:「你...就係miss楊請番黎既管理員?」
我輕輕點頭:「係。」
「咁就開始做野啦!」佢輕描淡寫地講完就繼續做自己野。
我就傻o下傻o下咁行到堆滿好多書既書枱到執書..
我邊執邊偷偷地望o下佢,佢真係好認真地整理圖書館既電腦資料.....
我都要比心機執書先得。
執o左好一陣...我再望一望個鐘...呀....5:30啦?咁快既?如果趕唔切番去既話...又會比媽媽鬧咖啦.....我開始有d擔心....
「你係咪趕時間呀?你大可以走先咖!呢度有我執得啦!」佢目無表情咁望住我講。
我隨即點頭:「唔好意思呀!要你做埋我個份。」
佢只係點點頭,就繼續做野.....而我就唔理得咁多拎起書包就跑走。
隨即幾經辛苦終於番到屋企,幸好係6:00前番到屋企,我望一望張飯枱有張便條。
內容:
晚飯在雪櫃,媽要跟弟弟到外面慶祝。
我冷眼望住呢張便紙好幾分鐘,之後將佢搾到一舊垃圾球,再掉落垃圾桶。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
因為一時以氣我琴晚無食到媽媽為我準備既(隔夜)晚餐。
我訓係床到望住之前同由衣去影既貼紙相....
由衣.....我有d寂寞呢...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
到o左第二日,我番到學校,上堂真係有d吃力,因為早上連早餐都冇食所以 支力到係張枱到訓o左。
第一,二堂係中文堂,所以唔上都唔係d咩大問題,大前題係我真係好支力 ,但我忘記o左今日既第三同第四堂係PE堂,我邊換衫邊埋怨自己點解小息唔去買d野頂住肚,宜家搞到頭又暈,胃又痛。
終於PE堂正式上,阿SIR要我地跑9分鐘,我心諗跑步已經夠勉強,仲要9分鐘?但無論點都要跑咖啦。
當跑頭3分鐘到都仲頂待住....但係跑到5分中就開始好暈....我眼晴開始睇唔到野..白濛濛...慢慢我失去重心成個人趴O左落地下....
雖然我係好暈..但我隱隱約約聽到由衣嗌我:「羨兒!羨...」之後我就失去知覺...
續...
的出回表:
